АсосӣМақомоти иҷроияРоҳбарони воҳидҳои сохторӣ

Роҳбарони воҳидҳои сохторӣ

Муяссара Қаҳорӣ

(23 овоз, миёна 3.78 аз 5)

21 Сентябр 2017

Муяссара Қаҳорӣ 15 октябри соли 1979 дар шаҳри Хуҷанд таваллуд шудааст. Миллаташ тоҷик. Таҳсилот олӣ. Соли 2002 Донишгоҳи давлатии Хуҷанд ба номи академик Бобоҷон Ғафуровро бо ихтисоси рӯзноманигор ва соли 2007 Донишгоҳи давлатии ҳуқуқ, бизнес ва сиёсати Тоҷикистонро бо ихтисоси ҳуқуқшинос хатм кардааст.
Сангинова Муяссар соли 1996 фаъолияти худро ба ҳайси коргузори Идораи телевизион ва радиошунавонии вилояти Суғд оғоз намуда, соли 1998 ба ҳайси референт, муҳаррири барнома дар Идораи телевизион ва радиошунавонии вилояти Суғд идома бахшидааст. Сипас, солҳои 1999-2000 ба сифати муҳаррири барнома дар Ширкати телевизион ва радиошунавоии «Азия», кор кард. Аз соли 2000-2005 ҳамчун коргузор- чопкунандаи шўъбаи умумии Ҳукумати вилояти Суғд фаъолият намуд.Аз соли 2005 то соли 2017 ба ҳайси ҳимоятгар дар ташкилотҳои ҷамъиятии «Адвокатҳои боваринок», «Инис», «Сипари адолат» ва ҳуқуқшиноси филиали ташкилоти ҷамъиятии «Наҷоти кӯдак» ва Муассисаи давлатии махсусгардонидашудаи «Хонаи кўдакон»-и шаҳри Хуҷанд кору фаъолият дошт.
Тибқи Қарори Раиси шаҳри Хуҷанд аз 3 августи соли 2017 ба вазифаи мудири шуъбаи кор бо занон ва оилаи мақомоти иҷроияи ҳокимияти давлатии шаҳри Хуҷанд таъин гардидааст.
Оиладор.

Юсупов М. З.

(14 овоз, миёна 2.86 аз 5)

20 Сентябр 2017

Юсупов Маъмурҷон Зулҳайдарович 1-уми июни соли 1981 таваллуд шудааст. Миллаташ тоҷик, маълумот олӣ мебошад.
Соли 1999 ба шуъбаи рӯзноманигорӣ ва назарияи тарҷумаи факултети суханшиносии Донишгоҳи давлатии Хуҷанд ба номи академик Бобоҷон Ғафуровро дохил шуда, соли 2004 онро бо дипломи аъло хатм намудааст.
Солҳои 2000-2004 мухбири рӯзномаи «Оила» дар вилояти Суғд буд. Аз соли 2004 то соли 2012 ба ҳайси мухбири махсуси рӯзномаи «Тоҷикистон» дар вилояти Суғд кор кардааст. Соли 2012 сармуҳаррири рӯзномаи «Меҳри замин» таъин шуд. Аз моҳи декабри соли 2013 то моҳи апрели соли 2017 дар вазифаи сардори маркази иттилоот ва таҳлили раёсати Донишгоҳи давлатии Хуҷанд ба номи академик Бобоҷон Ғафуров кору фаъолият намудааст. То моҳи июни соли 2017 дар вазифаи директории МДМИ «Номаи донишгоҳ»-и ДДХ ба номи академик Бобоҷон Ғафуров ифои вазифа намудааст.
Узви Иттифоқи журналистони Тоҷикистон, муаллифи 4 китоб, Аълочии матбуоти Тоҷикистон. Оиладор соҳиби 3 фарзанд.
Аз 6-уми сентябри соли 2017 ба вазифаи котиби матбуоти Раиси шаҳри Хуҷанд таъин гардидааст.

Бобоҷонзода А.

(54 овоз, миёна 2.09 аз 5)

15 Май 2017

Бобоҷонзода Абдусалом

Бобоҷонзода Абдусалом 27-уми декабри соли 1966 дар ноҳияи Бобоҷон Ғафуров таваллуд шудааст.
Миллаташ тоҷик, маълумоташ олӣ, соли 1992 Донишгоҳи давлатии Тоҷикистон ва соли 2002 Донишгоҳи давлатии шаҳри Хуҷанд ба номи академик Бобоҷон Ғафуровро хатм кардааст.
Дорои ихтисосҳои иқтисодчӣ ва ҳуқуқшинос мебошад. Аз соли 1992 то соли 2002 дар идораи нозироти андози шаҳри Хуҷанд фаъолият бурдааст. Баъдан аз соли 2002 то соли 2006 дар идораи нозироти ноҳияи Бобоҷон Ғафуров кор кардааст.
Солҳои 2006 – 2009 муовини сардори Сарраёсати молияи вилояти Суғд буд. Аз санаи 11 марти соли 2009 сардори Раёсати молияи шаҳри Хуҷанд кору фаъолият дорад.

Бобозода Т. К.

(12 овоз, миёна 3.58 аз 5)

18 Апрел 2017

Бобозода Толиб Карим 1-уми августи соли 1968 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1994 Донишкадаи политехникии шаҳри Хуҷандро бо ихтисоси муҳандиси мошинаҳои дӯзандагӣ хатм намудааст. Солҳои тӯлонӣ дар вазифаҳои гуногун фаъолият бурда, аз моҳи майи соли 2011 то соли 2016 ба ҳайси мудири шӯъбаи умумӣ, назорат ва муроҷиати шаҳрвандони дастгоҳи Раиси шаҳри Хуҷанд фаъолият намудааст. Аз 18 майи соли 2016 то моҳи апрели соли 2017 дар вазифаи Роҳбари дастгоҳи Раиси шаҳри Хуҷанд кор кардааст. Аз 13 апрели соли 2017 бо тариқи гузариш ба мансаби мудири шӯъбаи умумӣ, назорат ва муроҷиати шаҳрвандони дастгоҳи Раиси шаҳри Хуҷанд кор кардааст. Бо Қарори Раиси шаҳри Хуҷанд аз 11 марти соли 2022 ба вазифаи мудири бахши нақлиёт ва алоқа таъин гардид.
Оиладор соҳиби чор фарзанд.

Ҷамшед Набизода

(33 овоз, миёна 3.91 аз 5)

11 Март 2016

Ҷамшед Набизода 9-уми майи соли 1981 дар шаҳри шаҳри Хуҷанд таваллуд ёфтааст. Миллаташ тоҷик. Соли 2003 Донишгоҳи давлатии ҳуқуқ, бизнес ва сиёсати Тоҷикистонро бо ихтисоси ҳуқуқшинос хатм намудааст.
Солҳои 2004 – 2005 ба ҳайси қосиди Суди вилояти Суғд фаъолияти меҳнатии худро оғоз намудааст. Солҳои 2005 – 2009 вазифаи котиби маҷлиси судии Суди вилояти Суғдро иҷро намудааст.
Аз соли 2009 чун котиби коллегияи судӣ оид ба парвандаҳои граждании вилояти Суғд адои вазифа намудааст.
Фаъолияти меҳнатии ӯ аз соли 2012 дар вазифаи котиби коллегияи судӣ оид ба парвандаҳои ҷиноятии Суди вилояти Суғд идома ёфта, баъдан котиби маҷлиси судии Суди вилояти Суғд буд.
Шурӯъ аз соли 2013 вазифаи ёрдамчии раиси Суди вилояти Суғдро иҷро намуд.
Аз 7 –уми марти соли 2016 бо Амри Раиси шаҳри Хуҷанд ба вазифаи сармутахассис - ҳуқуқшиноси дастгоҳи Раиси шаҳри Хуҷанд тайин гардид.
Оиладор аст.

Миробидова М.М.

(14 овоз, миёна 3.57 аз 5)

04 Феврал 2014

Миробидова Муаттар Мирмуҳамадовна 24 июни соли 1966 дар шаҳри Хуҷанд таваллуд шуда, миллаташ тоҷик, маълумот олӣ мебошад. Соли 1990 Донишгоҳи давлатии Тоҷикистонро бо ихтисоси иқтисодчӣ–муҳосиб хатм намудааст. Солҳои тӯлонӣ дар вазифаҳои гуногун фаъолият бурда, аз моҳи апрели соли 2011 то инҷониб ба ҳайси мудири бахши молия ва хоҷагии дастгоҳи Раиси шаҳри Хуҷанд фаъолият мекунад.