АсосӣБойгонӣ

Навгонӣ

Таҷлил: СУЛҲИ ПОЙДОР АЗ ВАҲДАТ АСТ

27 Июн 2013

Шоми рӯзи чаҳоршанбе, 26-уми июни соли равон дар даромадгоҳи Боғи фарҳангу фароғати ба номи Камоли Хуҷандии маркази вилоят, тантанаи бошукӯҳи таҷлили Рӯзи Ваҳдати миллӣ, солгарди 16-умини ба имзо расидани Созишномаи умумии истиқрори сулҳ ва ризоияти миллӣ баргузор гардид. Дар он фаъолон аз шаҳру навоҳии вилоят иштирок намуда, бо шукргузорӣ аз сулҳу оромӣ, ваҳдату ҳамдигарфаҳмӣ байни сокинони тамоми манотиқи кишвари маҳбуби Тоҷикистон, ин санаи саиду фархундаро таҷлил намуданд.

Сароғоз ба саҳнаи идонаоросташуда Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон, мӯҳтарам Қоҳир Расулзода баромада, ҷамъомадагонро бо 16-солагии Рӯзи Ваҳдати миллӣ таҳният гуфт.

Муфассал... Шарҳ додан

Табрики Раиси шаҳри Хуҷанд ба ифтихори 16-солагии Рӯзи Ваҳдати миллӣ

26 Июн 2013

Рӯзи Ваҳдати миллӣ барои кулли мардуми сарзамини тоҷик дар радифи иди Истиқлолият аз санаҳои таърихию сарнавиштсоз ва пуршукӯҳу фархунда маҳсуб мешавад, зеро ба имзо расидани созишномаи сулҳ - сулҳи абадиро дар ҷумҳурӣ таъмин намуд.

Роҳи расидан ба ин рӯзи неку муборак басо душвор буд. Дар ибтидои солҳои навадуми асри гузашта хатари нобуд шудани генофонди миллати тоҷик, давлати соҳибистиқлоли Тоҷикистон ва хатари тақсим шудани сарзамини муқаддас пеш омада буд.

27 июни соли 1997 дар шаҳри Москва Созишномаи истиқрори сулҳ ва ризоияти миллӣ аз ҷониби Президенти кишвар, Ҷаноби Олӣ, мӯҳтарам Эмомалӣ Раҳмон ва сарвари Иттиҳоди мухолифини тоҷик Саид Абдуллоҳи Нурӣ бо иштироки намояндагони Созмони Милали Муттаҳид, дигар созмонҳои байналхалқӣ ба имзо расид.

Муфассал... Шарҳ додан

Расондани кумаки моддӣ ба 175 ятими бе падару модар

(1 овоз, миёна 5.00 аз 5)

21 Июн 2013

Президенти кишвар Эмомалӣ Раҳмон дар қасри фарҳангии арбоби вилояти Суғд ба 175 нафар ятимони бе падару модар кумаки моддӣ ва туҳфаҳои хотиравӣ тақдим намуд.

Аз кумакҳои моддии Сарвари давлат Эмомалӣ Раҳмон нахуст 87 нафар мактаббачоне, ки аз падару модар ятим мондаанд, бархӯрдор гардиданд.

Ба 88 нафар донишҷӯёни ятими бе падару модар низ туҳфаҳои хотиравӣ ва кумаки моддӣ, аз ҷумла яктогӣ планшетҳои Samsung galaxy tab 2, ки барои донишҷӯён айни муддао аст, тақдим гардид.

Президенти кишвар Эмомалӣ Раҳмон мактаббачагону донишҷӯёни ятимро ба хониши хубу аъло, аз худ намудани илму техникаи муосир ва касбу ҳунари матлуби замон ҳидоят намуда, таъкид дошт, ки ҳеҷ гоҳ худро ятиму бепарастор эҳсос накунанд.

Муфассал... Шарҳ додан

300 рӯзи ободонӣ ва бунёдкорӣ: Идомаи мумфаршкунии кӯчаҳои шаҳри Хуҷанд

24 Июн 2013

Раиси вилояти Суғд Қоҳир Расулзода ба корҳои азнавсозии роҳи маҳаллаи Себзори шаҳри Хуҷанд ҳусни оғоз бахшид.

Раиси вилоят дар оғоз сокинони шаҳри Хуҷандро бахшида ба иди Ваҳдати миллӣ табрик гуфт ва аз вусъати корҳои созан-дагӣ дар қаламрави вилоят изҳори хушнудӣ намуд.

Зикр гардид, ки дар ду-се соли охир роҳҳои марказии шаҳр-ҳои Хуҷанд, Қайроққум, Чкалов, Исфара, Истаравшан ва ноҳияи Бобоҷон Ғафуров ба маблағи зиёда аз 40 миллион сомонӣ мумфарш карда шудаанд ва дар ин мавсим кӯчаҳои асосии марказҳои ноҳияҳои Ашту Ғончӣ низ мумфарш гардиданд. Қоҳир Расулзода ҳамзамон қайд кард, ки барои азнавсозии роҳи маҳаллаи Себзор аз буҷети вилоят 5 миллион сомонӣ ҷудо шудааст.

Муфассал... Шарҳ додан

Иштирок дар иди зардолу

(4 овоз, миёна 4.25 аз 5)

20 Июн 2013

Сипас Сарвари давлат Эмомалӣ Раҳмон ба хиёбони Исмоили Сомонии шаҳри Хуҷанд омада, дар тантанаҳои иди Зардолу иштирок намуд.
Чунонки аён гардид, дар ин ҷо навъҳои гуногуни зардолуро аз тамоми шаҳру ноҳияҳои вилоят ба намоиш баровардаанд. Дар ин ҷо тамоми навъҳои зардолуи тару тоза ва зардолую дигар меваҳои шаҳдбор дар шакли хушк ва консерва ба чашм мерасид.
Хотиррасон бояд намуд, бо дастуру супоришҳои пайвастаи Сарвари давлат Эмомалӣ Раҳмон тайи солҳои охир ҳазорҳо гектар боғоти зардолу ва дигар меваҷот бунёд ёфта, боғу токзори зиёди куҳна барқарор гардид. Ин аст, ки фаровонии меваю сабзавот дар бозори дохилӣ сол ба сол бештар гардида, нишондодҳои содироти маҳсулоти кишоварзӣ низ рӯй ба афзоиш овардаанд. То имрӯз дар вилояти Суғд 54 ҳазор тонна зардолуи тару тоза ҷамъоварӣ шудааст, ки нисбат ба ҳосили пурраи соли 2012 7 ҳазор тонна зиёд аст. Танҳо дар 5 моҳи соли равон беш аз 40 ҳазор тонна зардолуи хушк аз ҳосили солҳои пешин аз вилояти Суғд ба хориҷи кишвар содир карда шудааст. Хушксозии ҳосили имсола бошад, дар тамоми шаҳру ноҳияҳо васеъ ба роҳ монда шудааст.