АсосӣБойгонӣ

Навгонӣ

Боз 55 нафар ниёзмандон соҳиби замини манзил шуданд

(2 овоз, миёна 5.00 аз 5)

01 Ноябр 2013

Дар маҳаллаи 3 маркази вилоят ба 55 нафар сокинони шаҳри Хуҷанд, ки дар навбати беҳтар намудани шароити манзили истиқоматиашон буданд, Қарори ҷудо намудани участкаҳои наздиҳавлигӣ супорида шуд. Дар ин чорабинӣ Раиси шаҳри Хуҷанд Раҷаббой Каримов ширкат намуд. Дар оғоз муовини Раиси шаҳри Хуҷанд Дадоҷон Абдуллоев Раиси шаҳр ва ҷамъомадагонро бо лоиҳаи маҳаллаи бунёдшаванда ошно намуда, маълумот дод,ки ба сокинони ояндаи ин маҳал тавсия дода шудааст,ки манзилҳои худро мутобиқ ба меъёрҳои шаҳрдорӣ созанд.

Муфассал... Шарҳ додан

Дар мактаби № 27 шаҳри Хуҷанд толори варзишӣ бунёд мегардад

(1 овоз, миёна 5.00 аз 5)

01 Ноябр 2013

Таи бист соли охир мактаби таҳсилоти умумии № 27 маркази вилоят толори варзишии худро надошт. Имруз Раиси шаҳри Хуҷанд Раҷаббой Каримов бо иштироки омузгорону толибилмони ин муассисаи таълимӣ бо гузоштани нома ба насли оянда, дар таҳкурсӣ, ба корҳои сохтумонии толори варзишии мактаби мазкур ҳусни ифтитоҳ бахшид. Раҷаббой Каримов кулли омузгорон ва сокинони маҳаллаи мазкурро бо Рузи Сарқонуни Ҷумҳурии Тоҷикистон табрик гуфта, таъкид намуд,ки тадбиқи сиёсати маорифпарваронаи Президенти кишвар, Ҷаноби Олӣ Эмомалӣ Раҳмон ҳар нафар аз масъулини роҳбарикунандаро ба тадбирҳои баланд бардоштани сатҳу сифати таълим равона шуда, водор менамояд. Имрузҳо дар арафаи таҷлили рузи санади асосии ҳуқуқии мамлакат Раиси вилояти Суғд, муҳтарам Қоҳир Расулзода даъват менамоянд,ки мардум бо амалу тадбирҳои некашон истиқлолияти кишварро таҳким бахшанд- иброз намуд Раиси шаҳри Хуҷанд.

Муфассал... Шарҳ додан

Шаҳри Хуҷанд дорои техникаҳои нави хизматрасонӣ гардид

(2 овоз, миёна 3.00 аз 5)

29 Октябр 2013

Бо мақсади бехтар намудани вазъи санитарии шаҳри Хуҷанд ва баланд бардоштани сифати хизматрасонӣ ба аҳолӣ, ба идораи Хоҷагии комуналии шаҳри Хуҷанд боз 7 адад техникаҳои хозирзамон ворид карда шуд. Дируз дар назди Мақомоти иҷроияи ҳокимияти давлатии шаҳри Хуҷанд техникаҳои нав ворид кардашудаи тамғаи «Камаз» ва як автобуси мусофиркашон бо тантана ба идораи Хоҷагии манзили комуналии шаҳри Хуҷанд супорида шуд. Дар он Раиси шаҳри Хуҷанд Раҷаббой Каримов иштирок намуда иброз дошт, ки ин воситаҳои техникӣ барои сари вақт ҷамъ намудани партов ва аз барф тоза намудани кучаҳои шаҳр хизмат мекунанд . Ҳамчунин Раиси шаҳр дастур дод, ки барои самаранок истифода бурдани ин мошинҳо барои интихоб кардани ронандаҳои пуртаҷриба озумн эълон намоянд,то мутахассисони варзида онҳоро идора намуда, солҳои дароз хизматрасонии самараноки онҳоро таъмин намоянд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи Конститутсияи (Сарқонуни) Ҷумҳурии Тоҷикистон

29 Октябр 2013

Яке аз санаҳои фархундаву тақдирсозе, ки боиси ифтихор ва сарбаландии ҳар як тоҷику тоҷикистонӣ мебошад, ин санаи 6 ноябри соли 1994 – Рӯзи қабули Конститутсияи (Сарқонуни) Ҷумҳурии Тоҷикистон аст, ки он ба таҳкими равандҳои давлатдории демократӣ, ҳуқуқбунёду дунявӣ асос гузошт.

Конститутсияи Ҷумҳурии Тоҷикистон 19 сол қабл дар як марҳилаи басо ҳассосу таърихӣ қабул гардид. Он ҳуҷҷатест, ки фазои амалаш маҳдуд набуда, сарнавишт ва роҳи пешрафти ояндаи халқу давлатро дар тӯли даҳсолаҳо ва ҳатто садсолаҳо муайян мекунад.

Дар ин санади муқаддас ҳадафҳои асосии халқи тоҷик дар бунёди ҷомеаи озоду босаодат инъикос шудаанд. Ин Бахтномаи миллат сохти давлатдорӣ ва низоми ҳаёти ҷомеаи нави Тоҷикистонро муайян намуда ба сулҳу субот ва ваҳдати миллӣ дар мамлакатамон асоси боэътимод гузошт.

Муфассал... Шарҳ додан

Озмуни «Компютердони беҳтарин»

(2 овоз, миёна 5.00 аз 5)

26 Октябр 2013

Шуъбаи маорифи шаҳри Хуҷанд дар ҳамкорӣ бо ТҶ МТИ «Кова», бо мақсади баланд бардоштани шавқу ҳаваси хонандагони муассисаҳои таҳсилоти умумӣ ба омӯзиши фанни технологияи информатсионӣ, дарёфти хонандагони лаёқатманду боистеъдод, истифодаи комёбиҳои техникаи муосир, ташвиқи хонандагон дар интихоби касб озмуни шаҳрии «Компютердони беҳтарин»-ро дар пояи мактаби таҳсилоти миёнаи умумии №5 баргузор намуд.

Озмуни имсола барои хонандагони синфҳои 9,10,11 дар якҷоягӣ гузаронида шуд, яъне беҳтарин донандаи компютер муайян карда шуд. Дар озмун 45 нафар хонандагони синфҳои 9-11, ки дар давраи мактабӣ ғолиб омада буданд, иштирок намуданд.

Озмуни имсола аз озмунҳои солҳои қаблӣ аз он фарқ мекард, ки хонандагон ҳамаи супоришҳоро бо воситаи компютер ва Интернет иҷро карданд.

Муфассал... Шарҳ додан