АсосӣБойгонӣ

Навгонӣ

300 рӯзи ободонӣ ва бунёдкорӣ: БАҲРИ ОБОДИИ ДИЁР

(1 овоз, миёна 5.00 аз 5)

29 Июн 2013

Имрӯзҳо сокинон иқдоми наҷиби Мақомоти иҷроияи ҳокимияти давлатии шаҳри Хуҷандро дар бораи 300 рӯзи ободонӣ ва бунёдкорӣ бахшида ба Рӯзи қабули Конститутсияи (Сарқонуни) Ҷумҳурии Тоҷикистон сармашқи кори худ намуда, ҳар ҳафта шанбегӣ мегузаронанд.

Шанбеи гузашта устодон ва донишҷӯёни факултаи забонҳои хориҷии ДДХ ба номи академик Бобоҷон Fафуров, ки шумораи онҳо ва 450 нафар мебошанд бо роҳбарии декани факулта, дотсент М.Абдуллоева дар маҳаллаи 3-юм, ки дар он ҷо коргоҳи Сирандуд ва Техникуми муштараки навбунёд воқеъ аст, гирду атрофи онро аз партов тоза намуданд. Инчунин таги дарахтону буттаҳо, гулу сабзаҳоро нарм намуда, майдончаҳоро аз алафҳои бегона тоза ва танаҳои дарахтонро сафед карданд. Дар ин кори ободонӣ ва бунёдкорӣ ҳиссаи ноибдекани факултети забонҳои хориҷӣ Ш.Турсунова низ калон мебошад.

Муфассал... Шарҳ додан

Уфуқҳои маориф

28 Июн 2013

Аттестатсияи давлатиро бо муваффақият супоридандДар МТМУ №17-ум ба номи Ҳаким Карим, ки ба он зани кордону ҳалим, собиқадори соҳаи маориф, Аълочии маорифи Ҷумҳурии Тоҷикистон Инобатхон Маҳмудова сарварӣ менамояд, соли хониши 2012-2013 бо муваффақият ҷамъбаст гардид.

Баъди ба охир расидани соли хониш барои аз синф ба синфгузаронӣ хонандагон имтиҳонҳо супориданд.

Хатмкунандагони синфҳои 4, 9 ва 11 аз аттестатсияҳои дав-латӣ гузаштанд.

Дирӯз хатмкунандагони синфи 11-ум аз фанни алгебра ба намуди «тест» имтиҳон супориданд, ки онро яке аз муаллимаи ботаҷрибаи мактаб Волидахон Ҳусейнова қабул кард.

Муфассал... Шарҳ додан

Табрики Раиси шаҳри Хуҷанд ба ифтихори 16-солагии Рӯзи Ваҳдати миллӣ

26 Июн 2013

Рӯзи Ваҳдати миллӣ барои кулли мардуми сарзамини тоҷик дар радифи иди Истиқлолият аз санаҳои таърихию сарнавиштсоз ва пуршукӯҳу фархунда маҳсуб мешавад, зеро ба имзо расидани созишномаи сулҳ - сулҳи абадиро дар ҷумҳурӣ таъмин намуд.

Роҳи расидан ба ин рӯзи неку муборак басо душвор буд. Дар ибтидои солҳои навадуми асри гузашта хатари нобуд шудани генофонди миллати тоҷик, давлати соҳибистиқлоли Тоҷикистон ва хатари тақсим шудани сарзамини муқаддас пеш омада буд.

27 июни соли 1997 дар шаҳри Москва Созишномаи истиқрори сулҳ ва ризоияти миллӣ аз ҷониби Президенти кишвар, Ҷаноби Олӣ, мӯҳтарам Эмомалӣ Раҳмон ва сарвари Иттиҳоди мухолифини тоҷик Саид Абдуллоҳи Нурӣ бо иштироки намояндагони Созмони Милали Муттаҳид, дигар созмонҳои байналхалқӣ ба имзо расид.

Муфассал... Шарҳ додан

Таҷлил: СУЛҲИ ПОЙДОР АЗ ВАҲДАТ АСТ

27 Июн 2013

Шоми рӯзи чаҳоршанбе, 26-уми июни соли равон дар даромадгоҳи Боғи фарҳангу фароғати ба номи Камоли Хуҷандии маркази вилоят, тантанаи бошукӯҳи таҷлили Рӯзи Ваҳдати миллӣ, солгарди 16-умини ба имзо расидани Созишномаи умумии истиқрори сулҳ ва ризоияти миллӣ баргузор гардид. Дар он фаъолон аз шаҳру навоҳии вилоят иштирок намуда, бо шукргузорӣ аз сулҳу оромӣ, ваҳдату ҳамдигарфаҳмӣ байни сокинони тамоми манотиқи кишвари маҳбуби Тоҷикистон, ин санаи саиду фархундаро таҷлил намуданд.

Сароғоз ба саҳнаи идонаоросташуда Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон, мӯҳтарам Қоҳир Расулзода баромада, ҷамъомадагонро бо 16-солагии Рӯзи Ваҳдати миллӣ таҳният гуфт.

Муфассал... Шарҳ додан

300 рӯзи ободонӣ ва бунёдкорӣ: Идомаи мумфаршкунии кӯчаҳои шаҳри Хуҷанд

24 Июн 2013

Раиси вилояти Суғд Қоҳир Расулзода ба корҳои азнавсозии роҳи маҳаллаи Себзори шаҳри Хуҷанд ҳусни оғоз бахшид.

Раиси вилоят дар оғоз сокинони шаҳри Хуҷандро бахшида ба иди Ваҳдати миллӣ табрик гуфт ва аз вусъати корҳои созан-дагӣ дар қаламрави вилоят изҳори хушнудӣ намуд.

Зикр гардид, ки дар ду-се соли охир роҳҳои марказии шаҳр-ҳои Хуҷанд, Қайроққум, Чкалов, Исфара, Истаравшан ва ноҳияи Бобоҷон Ғафуров ба маблағи зиёда аз 40 миллион сомонӣ мумфарш карда шудаанд ва дар ин мавсим кӯчаҳои асосии марказҳои ноҳияҳои Ашту Ғончӣ низ мумфарш гардиданд. Қоҳир Расулзода ҳамзамон қайд кард, ки барои азнавсозии роҳи маҳаллаи Себзор аз буҷети вилоят 5 миллион сомонӣ ҷудо шудааст.

Муфассал... Шарҳ додан