АсосӣБойгонӣ

Навгонӣ

Озмуни ҳунармандони наврас.

06 Июн 2014

Бо ташаббуси Бахши занон ва оила ва дастгирии Мақомоти иҷроияи ҳокимияти давлати шаҳри Хуҷанд дар Маркази таҳсилоти иловагии шаҳри Хуҷанд озмуни ҷавнондухтарон таҳти унвони «Ҳунар чашмаи зоянда ва давлати поянда» баргузор гардид. Он тибқи барномаи давлатии тайёр намудани мутахассисон ва таъмини шуғли ҷавнондухтарон барои солҳои 2012-2015, дарёфти ҳунармандони миллӣ, баланд бардоштани сатҳи некӯаҳволии занон пешбинӣ шудааст. Озмун байни муҳассилини 6 муассисаҳои таълимии маркази вилоят баргузор гашта, иштирокдорон дар шартҳои зардӯзӣ, йӯрмадӯзӣ қуроқдӯзӣ маҳорати баланд нишон дода, аз ҷониби ҳакамон баҳои махсус гирифтанд.
Аз рӯи натиҷаҳои озмун ҷойи аввал насиби Гимназияи №24, ҷойи дуюму сеюм бошанд, мактаби таҳсилоти умумии № 10 ва 14 сазовор гаштанд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода ба муносибати Рӯзи умумиҷаҳонии муҳити зист.

(1 овоз, миёна 5.00 аз 5)

05 Июн 2014

Дӯстони азиз!
Дар кишвари азизи мо, Тоҷикистон Рӯзи умумиҷахонии муҳити зист аз соли 1988 ва ҳамчун иди давлати бошад аз соли 2008 инҷониб дар сатҳи баланд қайд карда мешавад.
Таҷлилнамоии ин рӯз бо мақсади ба масалаҳои глобалӣ муҳити зисти сайёра таваҷҷӯҳ намудани сокинон равона гардидааст.
Президенти Ҷумҳурии Тоҷикистон Ҷаноби Олӣ мӯхтарам Эмомалӣ Раҳмон дар мавриди қабули барномаи махсуси Созмони Миллали Муттаҳид, ки даҳсолаи охирро «Соли оби тоза» эълон гаштааст, ташаббускори асосии қабули он буданд, ки яке аз қисматҳои муҳими амалисозии нигоҳдории сайёраи замин аз ҳар гуна омилҳои таъсиррасони экологӣ маҳсуб меёбад.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи кормандони саноати сабук.

(1 овоз, миёна 5.00 аз 5)

05 Июн 2014

Бо камоли эҳтиром ва самимияти афзун кормандони муҳандисию техникӣ, коргарони корхонаҳои саноати сабук, собиқадорони меҳнат ва кулли алоқамандони соҳаро бо иди касбӣ - Рӯзи кормандони саноати сабук табрику шодбошиҳо мегӯям. Ба онҳо саломатӣ, саодатмандӣ ва дар меҳнати садоқатмандонаашон баҳри рушди саноати мамлакат ва пешрафти иқтисодиёти кишвар муваффақиятҳо таманно мекунам.
Хуҷанд бо маънои томаш шаҳри калони саноатист ва хоса бо корхонаҳои азими ресандагию бофандагӣ, рангуборкунию дӯзандагиаш шӯҳрати ҷаҳонӣ дарёфтааст. Муҳим он аст, ки аксари корхонаҳои саноати сабуки қаламрави шаҳр ба ашёи хоми беруна кам ниёзмандӣ доранд ва бештар барои истеҳсоли маҳсулот аз пахтаю пила ва чарми дохилӣ, ки аксаран дар хоҷагиҳои навоҳии вилоят омода мешаванд, истифода мебаранд.

Муфассал... Шарҳ додан

Пайкараи Содирхон Ҳофиз дар шаҳри Хуҷанд.

(2 овоз, миёна 5.00 аз 5)

05 Июн 2014

Бо иштироки раиси вилояти Суғд Абдурахмон Кодирӣ ва Раиси шаҳри Хуҷанд сохтмони хобгоҳ барои ансамбли рақсии Зебо дар шаҳри Хуҷанд оғоз гашт. Раиси вилоят санги асос ва нома ба наслҳои ояндаро гузошта, изҳор дошт, ки то Наврӯзи соли 2015 ин бино ба истифода дода мешавад. Бинои мазкур аз ду ошёна, хобгоҳ ва толори тамрин иборат буда, дар хобгоҳи он 30 нафар духтароне ки аз ноҳияҳои дурдаст мебошанд, ҷой дода мешаванд. Ҳоло дар ин ансамбл 83 нафар фаъолият доранд. Алҳол роҳбарии ансамблро Шаҳло Ҷалилова ба зимма дорад.
Баъдан бо иштироки Раиси вилояти Суғд Абдураҳмон Қодирӣ ва набераи ҳофиз Аҳмадҷон Каримов парда аз рӯи муҷассамаи Содирхон Ҳофиз дар вазъияти тантанави бардошта шуд. Баландии муҷассама 4,5 метр ва барии он 2 метрро ташкил дода он аз ҷониби пайкаратарош Даврони Раҳмадзод сохта шудааст. Барои бунёди он 6 тонна бетон ва 34 ҳазор сомонӣ маблағ сарф гардидааст.

Муфассал... Шарҳ додан

Табрикоти Раиси шаҳри Хуҷанд бахшида ба занги камолот.

(1 овоз, миёна 5.00 аз 5)

05 Июн 2014

Омӯзгорон ва хонандагони арҷманд!
Дар кишвари хуршедию соҳибистиқлоли мо – Тоҷикистони гулафшон як соли хониши дигар сипарӣ шуда, дар мактабҳои таҳсилоти миёнаи умумии ҷумҳурӣ «Занги камолот» садо медиҳад. Ба ин муносибат кулли омӯзгорону хонандагон ва махсусан хатмкунандагони муассисаҳои таълимии шаҳрро табрику таҳният гуфта, барояшон саломатии комил, рӯзгори фараҳбахш, файзу иқболи зиндагӣ, роҳи сафед ва барору комёбиҳоро таманно менамоям.
Соли хониши 2013-2014 - ро аҳли маорифи шаҳри Хуҷанд бо руҳияи баланди шукргузорӣ аз сиёсати маорифпарваронаи Президенти кишвар, Ҷаноби Олӣ, муҳтарам Эмомалӣ Раҳмон истиқбол намуда, дар давоми соли таҳсил ба дастовардҳои назаррасу шоиста ноил гардиданд.

Муфассал... Шарҳ додан