АсосӣБойгонӣ

Навгонӣ

Мулоқот дар маҳаллаи «Чорчароғ»

13 Декабр 2013

Мулоқот дар маҳаллаи «Чорчароғ» Дар мактаби таҳсилоти миёнаи умумии №20-уми шаҳр ба номи Нависандаи халқии Тоҷикистон Раҳим Ҷалил вохурии сокинони ин маҳал бо Раиси шаҳри Хуҷанд Раҷаббой Каримов баргузор гардид.

-Мо дар асоси дастуру супоришҳои Президенти Тоҷикистон, Ҷаноби Олӣ Эмомалӣ Раҳмон ва ҳидояти иҷрокунандаи вазифаи Раиси вилоят Абдураҳмон Қодирӣ вохӯриро бо сокинони маҳаллаҳо идома медиҳем ва ин сеюмин вохӯрии мо дар семоҳаи чоруми соли 2013-ум аст,-таъкид кард Раиси шаҳр,- мақсад аз мулоқот бо мардум, шинос шудан бо самараи созандагию бунёдкории аҳли маҳалла ва мушкилоти онҳо, вусъат бахшидан ба ободкорӣ, пешгирии ҷинояткорӣ, дарёфти роҳи ҳалли проблемаҳои рӯзу рӯзгор мебошад.

Муфассал... Шарҳ додан

Раиси шаҳр дар иди касбии кормандони прокуратура

13 Декабр 2013

Раиси шаҳр дар иди касбии кормандони прокуратура Аз таъсисёбии макомоти Прокуратураи Ҷумҳурии Тоҷикистон 89 сол сипарӣ шуд. Прокуратураи шаҳри Хуҷанд бошад соли 1925 таъсис ёфтааст. Дар давраи ҷамъбастии 11 моҳи соли равон аз тарафи кормандони Прокуратураи шаҳри Хуҷанд дар самти назорати умумӣ 75 санҷиш гузаронида аз натиҷаи он 176 амр, 105 эътироз, 68 пешниҳод қабул гардид, ки дар асоси он 80 нафар ба ҷавобгарии интизомӣ, 17 нафар ба ҷавобгарии моддӣ ва 534 нафар ба ҷавобгарии маъмурӣ кашида шуданд. Бахшида ба иди касбӣ дар Прокуратураи шаҳри Хуҷанд, чамъомади идона баргузор гардид. Дар он Раиси шаҳри Хуҷанд Раҷаббой Каримов ширкат намуд.

Дар оғоз Прокурори шаҳри Хуҷанд Курбоналӣ Мирзоев табрикоти Прокурори генералии Ҷумҳурии Тоҷикистон ва Прокурори вилояти Суғдро ба самъи ҳозирин расонид.

Муфассал... Шарҳ додан

Раиси шаҳри Хуҷанд истифодаи сарфакоронаи барқро талаб намуд

10 Декабр 2013

Раиси шаҳри Хуҷанд тақозои истифодаи сарфакоронаи барқро талаб намуд Суҳби имруз бо мақсади таъмини саривақтии пардохти истифодаи қувваи барқ ва истифодаи сарфакоронаи он Раиси шаҳри Хуҷанд Раҷаббой Каримов бо роҳбарият ва масъулини идораи Шабакаи барқи шаҳри Хуҷанд ҷаласаи корӣ доир намуд. Дар оғоз сардори идораи Шабакаи барқи шаҳри Хуҷанд Тӯра Атамов доири корҳои ба сомон расида дар ин самт малумот дод.

Тибқи супориши Раиси шаҳри Хуҷанд шуруъ аз моҳи декабр нақша-чорабинии кормандони соҳаи фуруш, назорат ва истифодаи қувваи барқ таҳия шудааст,ки мувофиқи он назорату бартараф намудани камбудиҳои истифодаи қувваи барқ аз ҷониби аҳолӣ ва корхонаҳои маркази вилоят пешбинӣ шудааст.

Муфассал... Шарҳ додан

Мулоқоти Раҷаббой Каримов бо Сюзан Эллиотт

13 Декабр 2013

Мулоқоти Раҷаббой Каримов бо Сюзан Эллиотт Раиси шаҳри Хуҷанд Раҷаббой Каримов Сафири Штатҳои Муттаҳидаи Амрико дар Тоҷикистон хонум Сюзан Эллиоттро ба ҳузур пазируфт.

Раиси шаҳр зимни мулоқот арз дошт, ки беш аз 25 сол шаҳри Хуҷанд бо шаҳри Линколни штати Небраска бародаршаҳр мебошад ва тули ин солҳо дар натиҷаи ҳамкориҳои судманди дутарафа 30 нафар шаҳрванди фаъоли шаҳри Хуҷанд ба унвони «Шаҳрванди фахрии шаҳри Хуҷанд» шарафёб гашт. Ба ҷуз ҳамкориҳои фарҳангӣ, муносибатҳои иқтисодӣ ба таври намоён рушд карда истодаанд. Ду корхонаи азими истеҳсолӣ «САТН» ва «Ҷавонӣ» бо саҳмгузории бевоситаи Сафорати Иёлоти Муттаҳидаи Амрико дар Тоҷикистон фаъолият бурда истодааст.

Муфассал... Шарҳ додан

Аксияи «Шаҳрамро тоза нигоҳ медорам» ҷамбаст шуд

10 Декабр 2013

Дар интиҳои ҳафта дар Гимназияи № 13 шаҳри Хуҷанд аксияи «Шаҳрамро тоза нигоҳ медорам» бо чорабинии бошукуҳ ҷамбаст карда шуд.

Давоми ҳафта шуруъ аз санаи 29 ноябр Масъулини Мақомоти иҷроияи ҳокимияти давлатии шаҳр ба мактабҳои таҳсилоти миёнаи умумӣ рафта дар ҷамъомадҳои пагоҳирӯзии он оиди тозаву озода нигоҳ доштани шаҳр баромадҳои муфид карданд.

Дар доираи ин аксия шогирдону устодону муассисаҳои таълими умумии шаҳр атрофи мактаб, маҳаллаҳои зист, ҷӯйбору кӯча ва хиёбонҳоро тоза намуда, дар корҳои ободонӣ саҳми худро гузоштанд. Дар ин давра 14, 3 км ҷӯйбор тоза карда 10,5 тонна партов бароварда шуд.

Муфассал... Шарҳ додан