АсосӣБойгонӣ

Навгонӣ

Озмуни «Атлас ва адрас-2014» ва ҳунарҳои мардумӣ ҷамбаст гардид

04 Октябр 2014

Бо мақсади тарғиби ҳунарҳои мардумӣ ва эҳёи онҳо,ҳамчунин ҷалби харчи бештари бонувон ва занони хонашин ба ҳунарҳои мардумӣ дар асоси Қарори Раиси шаҳри Хуҷанд Раҷаббой Аҳмадзода аз санаи 25 августи соли равон таҳти № 507, аз санаи 25 июни соли ҷорӣ таҳти № 363 барои тарғиби меҳнати хонагӣ байни тарроҳон ва ҳунармандони ҳунарҳои хонагӣ инчунин марказхои таълимии истеҳсолӣ, дар Театри мазҳака-мусиқавии ба номи Камоли Хуҷандӣ озмун байни дӯзандагону ҳунармандони халқӣ баргузор гардид.
Дар озмун муовини Раиси вилояти Суғд Раънохон Маҳмудзода Бобоҷониён ва Раиси шаҳри Хуҷанд Раҷаббой Аҳмадзода иштирок намуданд.
Озмуни ҳунармандони хонагӣ ва марказхои таълимӣ, дар даромадгоҳи театр ҳунармандони хонагӣ ва марказхои таълимӣ-истеҳсолӣ бо маҳсули ҳунари худ иштирок намуданд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода ба муносибати Иди Қурбон

03 Октябр 2014

Ҳамшаҳриёни гиромиқадр!
Мардуми Хуҷанди бостонӣ мисли тамоми мусулмонони ҷаҳон Иди саиди Қурбонро, ки аз беҳтарин арзишҳои инсонпарварию мардумнавозӣ саршор аст, дар фазои суботи сиёсӣ, пойдорӣ ва устувории ваҳдати миллӣ, ҷаҳду талошҳои созанда ва бунёдкорона барои расидан ба зиндагии шоиста ва эъмори ҷомеаи демократӣ, ҳуқуқбунёд ва дунявӣ истиқбол мегиранд.
Бо истифода аз фурсати муносиб тамоми сокинони Хуҷандшаҳрро бо фарорасии ин рӯзи муборак табрику таҳният гуфта, ба ҳар яки Шумо саломатӣ, иҷобати дуоҳо, саодати рӯзгорро орзу менамоям.
Воқеан, шарофатҳои ин иди муборак таҷассумгари эътиқод, имон, щояҳои олии некию адолат, инсондӯстӣ, рамзи раҳму шафқат, меҳрубонӣ ба атрофиён мебошад.

Муфассал... Шарҳ додан

Иштироки Раиси шаҳри Хуҷанд дар конфронси илмӣ

03 Октябр 2014

Дар Донишгоҳи давлатии Хуҷанд бо иштироки Раиси шаҳри Хуҷанд Раҷаббой Аҳмадзода конфренсияи илмӣ- амалӣ бахшида ба 20-солагии қабули Конститутсияи (Сарконун) Ҷумҳурии Тоҷикистон ва 600-солагии зодрӯзи мутафаккири бузург Мавлоно Абдураҳмони Ҷомӣ таҳти унвони «Фарҳанг ва суннати шаҳрдорӣ: Мақоми Хуҷанд дар таърихи шаҳрсозӣ ва шаҳрдории точикон» баргузор гардид.
Конфронсро ректори Донишгоҳи давлатии Хуҷанд ба номи академик Б. Ғафуров, дотсент Ғафурҷон Усмонов ифтитоҳ намуд. Зимни суханронӣ Ғафурҷон Усмонов доири аҳамияти ин конфронс изҳори назар намуда, барои ҷонибдории ташббуси баргузории ин чорабинӣ ба Раиси шаҳри Хуҷанд изҳори сипос намуд. Лозим ба ёдоварист, ки ҳангоми вохурии Раиси шаҳри Хуҷанд бо мухассилини ин муассисаи таълимӣ аз ҷониби устоди донишгоҳи мазкур Шавкат Шарифов бобати доир намудани ин конфронс ба Раҷаббой Аҳмадзода пешниҳод шуда буд.

Муфассал... Шарҳ додан

Омӯзгорони шаҳри Хуҷанд иди касбии худро таҷлил намуданд.

(2 овоз, миёна 3.50 аз 5)

03 Октябр 2014

Дар маркази фарҳанги шаҳри Хуҷанд бахшида ба Рӯзи омузгорон маҷлиси тантанавии омӯзгорони муассисаҳои таълимии маркази вилоят баргузор гардид.
Дар он Раиси шаҳри Хуҷанд Раҷаббой Аҳмадзода ва сардори Раёсати маорифи вилояти Суғд Муҳаббат Маҷидзода иштирок намуданд. Чорабинии идонаро муовини Раиси шаҳри Хуҷанд Умеда Муродова ифтитоҳ намуд.
Раиси шаҳри Хуҷанд Раҷаббой Аҳмадзода кулли ҳозирин ва омӯзгорони шаҳрро бо иди касбиашон табрик намуд.
«Президенти кишварамон, Ҷаноби Олӣ, муҳтарам Эмомалӣ Раҳмон соҳаи маорифро яке аз самтҳои стратегӣ ва афзалиятноки сиёсати давлат эълон кардаанд.
Давлату Ҳукумат аз солҳои аввали соҳибистиқлолӣ ба пешрафти соҳаи маориф ҳамчун пойдевори рушду тараққиёти тамоми соҳаҳои ҳаёти ҷомеа диққати махсус зоҳир намуда, ин равандро мунтазам идома медиҳад.

Муфассал... Шарҳ додан

Нахустин ҷавонон аз шаҳриХуҷанд ба хизмати ҳарбӣ сафарбар шуданд.

(1 овоз, миёна 5.00 аз 5)

02 Октябр 2014

Имрӯз аз шаҳри Хуҷанд 40 нафар ҷавонони синни даъватӣ ба сафи Қувваҳои Мусаллаҳи Ҷумҳурии Тоҷикистон сафарбар карда шуданд.
Ба ин муносибат дар майдони маҷмаи ҳайкали Исмоили Сомонӣ чорабинии фарҳангии тантанавӣ ва маросими гусели нахустин даъватшавандаҳо бо иштироки Раиси шаҳри Хуҷанд Раҷаббой Аҳмадзода баргузор гардид. Дар он ҳамчунин волидайни даъватшавандагон, роҳбарони сохторҳои низомӣ, ва суд, аъзоёни комиссияи даъват, афсарону сарбозони қисми низомӣ, собиқадорони ҷангу меҳнат иштирок намуданд.
Раиси шаҳри Хуҷанд Раҷаббой Аҳмадзода қабл аз ҳама кулли ҳозиронро бо Иди Қурбон, табрик намуда, барои ҷавонони даъватшуда, сарбаландӣ ва сиҳатмандӣ орзу намуда, таъкид намуд: «Мо бояд меҳру муҳаббат ва тамоми ҳастии худро ба он равона месозем,