АсосӣБойгонӣ

Навгонӣ

Таҷлили 97 солагии милитсияи тоҷик дар шаҳри Хуҷанд.

(1 овоз, миёна 5.00 аз 5)

10 Ноябр 2014

Бахшида ба 97 солагии таъсисёбии милитсияи тоҷик бо иштироки Раиси шаҳри Хуҷанд Раҷаббой Аҳмадзода чорабинии идона баргузор гардид.
Ҷамъомадро сардори шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд Эмин Ҷалилов ифтитоҳ намуда,ёдрас намуд, ки кормандони милитсия ҳамеша рисолати худро дар назди халқу ватан софдилона иҷро карда меоянд.Номбурда аз таърихи ташкилёбии милитсияи тоҷик сухан гуфта, омодагии кормандони худро баҳри дифои манфиатҳои давлат иброз намуд.
Дар назди ҳозирон Раиси шаҳри Хуҷанд Раҷаббой Аҳмадзода баромад намуд.

Муфассал... Шарҳ додан

Қабули шаҳрвандон аз ҷониби Раиси шаҳри Хуҷанд

(1 овоз, миёна 5.00 аз 5)

10 Ноябр 2014

Дар Мақомоти иҷроияи ҳокимияти давлатии шаҳри Хуҷанд қабули сокинон аз ҷониби Раиси шаҳри Хуҷанд Раҷаббой Аҳмадзода баргузор гардид.
Давоми рӯзи муқарраргашта ба Раиси шаҳр наздик 50 нафар шаҳрвандон муроҷиат намуда, барои ҳалли масалаҳои мухталиф дархост намуданд.
Шаҳрвандон маркази вилоят доири таъмини қитъаи замини наздиҳавлигӣ, расондани кӯмаки моддӣ ва молиявӣ, таъмин бо ҷойи корӣ, ҷудо намудани ҳуҷраи истиқоматӣ аз хобгоҳ муроҷиат намуданд. Ҳамчунин Раиси шаҳри Хуҷанд ба роҳбарони воҳидҳои сохторӣ ва мутасаддиён дастур дод,ки барои иваз намудани кӯчаи ба номи Киров, ҷойгир намудан дар боғчаи бачагонаи № 36,

Муфассал... Шарҳ додан

Татбиқи Қонуни авф дар шаҳри Хуҷанд

(1 овоз, миёна 5.00 аз 5)

07 Ноябр 2014

Дар асоси Қонуни ҷумҳурии Тоҷикистон «Дар бораи авф», ки таҳти №1622 аз 24-уми октябр қабул шудааст, субҳи имрӯз аз боздоштгоҳи муваққатии шаҳри Хуҷанд ва муассисаи ислоҳотии низомаш пурзӯр воқеъ дар маркази вилоят 105 нафар маҳбусони ба мӯҳлатҳои гуногун маҳкумгардида ба озодӣ баромаданд, ки байни онҳо 4 нафар занон низ буданд.
Дар маросими ба озодӣ баромадани онҳо муовини вазири адлия ҷумҳурӣ- сардори Сарраёсати иҷрои ҷазои ҷиноятӣ, генерал-лейтенант Изатулло Шарифзода баромад карда, чунин гуфт: ин авфе, ки нисбати шумоён бо ташаббуси Президенти Ҷумҳурии Тоҷикистон мӯҳтарам Эмомалӣ Раҳмон қабул шудааст, боварӣ дорам, ки дигарбора шуморо аз роҳи хато бозмедорад ва дар ҳаёти ояндаи худ роҳи дурусти зиндагиро интихоб мекунед.

Муфассал... Шарҳ додан

Раиси шаҳри Хуҷанд соҳиби медал гардид.

(2 овоз, миёна 5.00 аз 5)

08 Ноябр 2014

Бахшида ба ҷашни 97 солагии таъсисёбии милитсияи тоҷик бо Фармони вазири корҳои дохилии Ҷумҳурии Тоҷикистон Раҳимзода Рамазон Ҳамро аз 30 октябри соли 2014 Раиси шаҳри Хуҷанд Раҷаббой Аҳмадзода барои саҳми арзандааш дар корҳои ободонию созандагӣ ва мусоидат намудан ба фаъолияти самараноки кормандони милитсия бо медали «Барои мусоидат» сарфароз гардонда шуд.
Раҳимзода Рамазон Ҳамро дар маросими кушодашавии шуъбаи тиббии Раёсати Вазорати корҳои дохилии Ҷумҳурии Тоҷикистон дар шаҳри Хуҷанд иштирок намуда, зикр кард,ки ташаббусу саҳми Раиси шаҳри Хуҷанд дар бунёди шӯъбаи тиббӣ ва фаъолияти самараноки кормандони милитсия шоёни таҳсин ва дастгирист. Вазир дар баробари супоридани медал ба Раҷаббой Аҳмадзода сипосмандии Вазорати корҳои дохила ва ҳайати мушовараро баён намуд.

Шарҳ додан

Табрикоти Раиси шаҳри Хуҷанд Раҷаббой Аҳмадзода дар 97-солагии мақомоти корҳои дохилии Ҷумҳурии Тоҷикистон

07 Ноябр 2014

Дар сатҳи Конститутсия давлати демокративу ҳуқуқбунёд эътироф шудани Тоҷикистон, ки дар он инсон ва ҳуқуқу озодиҳои ӯ арзиши олӣ буда, ин ҳуқуқу озодиҳо пайгирона татбиқу таъмин карда мешаванд, дастоварди муҳимтарини даврони истиқлол мебошад.
Тоҷикистон оид ба таъмини волоияти Конститутсияву қонунҳо, кафолати амалишавии ҳуқуқу озодиҳои ҳар шахс ва дар асоси мустақилияту баробарӣ таъмин намудани принсипи таҷзияи ҳокимият ҳамаи тадбирҳои заруриро тибқи меъёрҳои муосир амалӣ мегардонад.
Мо хуб дарк мекунем, ки таъмини тартиботи ҳуқуқӣ, таҳкими сулҳу субот, мубориза бо ҷинояткорӣ ва пешгирии ҳамагуна ҳуқуқвайронкунӣ, ки ин зуҳуроти номатлуб метавонанд пояҳои давлатро заиф гардонанд, аз фаъолияти муътадилу муназзами кормадони мақомоти ҳифзи ҳуқуқ ва сохторҳои низомӣ вобастагии мустақим дорад.

Муфассал... Шарҳ додан