АсосӣБойгонӣ

Навгонӣ

Табрики Раиси шаҳри Хуҷанд ба муносибати Рӯзи байналхалқии оила

(2 овоз, миёна 5.00 аз 5)

14 Май 2013

Ҳамдиёрони арҷманд!

Фарорасии Рӯзи байналхалқии оиларо аз номи Мақомоти иҷроияи ҳокимияти давлатии шаҳри Хуҷанд ба якояки Шумо таҳният хонда, хоҳони оромиву ободии сарзамини соҳибихтиёр, осудагии рӯзгори шаҳрвандон ва устувории бинои оила ҳастем.

Дар Конститутсияи (Сарқонуни) Ҷумҳурии Тоҷикистон қайд гардидааст, ки «Давлат оиларо ҳамчун асоси ҷамъият ҳимоя ва пуштибонӣ мекунад».

Ҷаноби Олӣ, Президенти кишвар, мӯҳтарам Эмомалӣ Раҳмон борҳо зикр намудаанд: «Солимии ҷомеаро аз тарбияи насли солим бояд донист, ки асоси онро оила мегузорад».

Қабули Барномаҳои давлатӣ оид ба паҳлӯҳои мухталифи ҳаёти ҷомеа, бахусус, оила шаҳодати ғамхории рӯзафзуни давлат ва ҳукумат нисбат ба аҳли ҷамъият маҳсуб мешавад. Мақомоти иҷроияи ҳокимияти давлатии шаҳр иҷрои саривақтии ин барномаҳоро дар мадди назар гузоштааст.

Муфассал... Шарҳ додан

Маҳфили хотирмон: Дурдонаҳои панду ибрат

(1 овоз, миёна 5.00 аз 5)

13 Май 2013

Таҳти чунин унвон дар Театри давлатии мусиқии тамошобини ҷавон ба номи Одилҷон Назаров маҳфили адабӣ баргузор гардид, ки хеле музайян ва хотирмон буд.

Маҳфил ба ёдбуд ва муаррифии китоби «Панду ибрат»-и олим ва адиби номвар, устод Муродии Хуҷандӣ бахшида шуд. Дар он муҳиббону муридон, шогирдону пайвандони равоншод иштирок намуданд.

Сараввал аз ҳаёту фаъолияти устод Муродии Хуҷандӣ филме бо номи «Симо» манзур ба тамошои ҷамъомадагон гардид, ки дар он бузургони илму адаб, аз қабили Аҳмадҷони Раҳматзод, Матлубахон Хоҷаева ва Ҳоҷӣ Ҳусайн Мӯсозода андешаҳои хешро оид ба фазилату хислатҳои наҷиби инсондӯстонаи марҳум баён намуданд.

Муфассал... Шарҳ додан

Варзиш: Эҳёи намуди дучархаронӣ

(1 овоз, миёна 5.00 аз 5)

11 Май 2013

Солҳои Иттиҳоди Шӯравӣ намуди варзиши дучархаронӣ хеле рушд карда, теъдоди зиёди дӯстдоронро ба ҳам оварда, дар майдон ё худ варзишгоҳи махсус – велотрек (назираш дар Осиёи Марказӣ вуҷуд надошт) мусобиқаҳои ҷумҳуриявӣ ва байналмилалӣ гузаронида мешуданд.

Бо ҳадафи дубора эҳё намудани ин намуди варзиш дар базаи дучархаронии Мактаби маҳорати олии варзишии вилояти Суғд мусобиқаи кушоди шаҳри Хуҷанд барои дарёфти мукофоти Раиси шаҳри Хуҷанд ба ифтихори 68-солагии Рӯзи Fалаба дар ҶБВ-и солҳои 1941-1945 ва таҷлили Рӯзи ҷавонони Тоҷикистон баргузор гардид.

Ҳадафи дигари мусобиқа ҷалб кардани ҷавонон ва наврасон ба ин намуди варзиш, муайян намудани дастаи мунтахаби вилояти Суғд, тарғиби тарзи ҳаёти солим байни шаҳрвандон ва бо ин роҳ рушди тарбияи ҷисмонӣ ва варзиш буд.

Муфассал... Шарҳ додан

Таҷлил: Устоди покдоману покниҳод

(1 овоз, миёна 5.00 аз 5)

12 Май 2013

Дар толори бинои асосии Донишгоҳи давлатии Хуҷанд ба номи академик Б.Fафуров конференсияи илмию амалӣ ба ифтихори солгарди 70-умини мавлуди Аълочии маорифи Ҷумҳурии Тоҷикистон, устоди кафедраи адабиёти муосири тоҷик, дотсент Мавлудахон Файзуллоева баргузор гардид.

Дар он ҳамкорону ҳамкасбон, шогирдону пайвандони соҳибҷашн ҳузур доштанд.

Ректори ДДХ ба номи академик Б.Fафуров дотсент Fафурҷон Усмонов зимни сухани ифтитоҳӣ қайд кард, ки М.Файзуллоева модари маънавии тамоми устодону шогирдони ин махзани бузурги илму маърифат маҳсуб мешавад.

Мудири шӯъбаи кор бо занон ва оилаи Мақомоти иҷроияи ҳокимияти давлатии вилоят Раъно Бобоҷонова номаи муборакбодии Раиси вилояти Суғд Қоҳир Расулзодаро ба самъи соҳибҷашн ва аҳли нишаст расонд.

Муфассал... Шарҳ додан

Баҳри густариши дӯстии ҷавонон: Рӯзҳои донишҷӯёни Донишгоҳи давлатии славянии Русия-Тоҷикистон дар шаҳри Хуҷанд

(1 овоз, миёна 5.00 аз 5)

10 Май 2013

Бахшида ба Рӯзи ҷавонони Тоҷикистон ва дар доираи бист рӯзи ҷавонӣ рӯзҳои донишҷӯёни Донишгоҳи давлатии славянии Русия-Тоҷикистон дар шаҳри Хуҷанд баргузор гардид.

Дар даромадгоҳи шаҳри Хуҷанд, назди Маркази савдои “Хуршед”-и маҳаллаи Пахтакор санаи 8-уми майи соли равон гурӯҳи омӯзгорон ва донишҷӯёнро таҳти роҳбарии ректори Донишгоҳи давлатии славянии Русия-Тоҷикистон Нуралӣ Солеҳов Раиси шаҳри Хуҷанд Раҷаббой Каримов ва ҳамроҳонаш бо тантана ва бо нону намак пешвоз гирифтанд.

Р.Каримов баъди тантанаи пешвоз онҳоро ба осоишгоҳи “Баҳористон”-и шаҳри Қайроққум даъват намуд.

Муфассал... Шарҳ додан