АсосӣБойгонӣ

Навгонӣ

Раиси шаҳр занони идораҳои коммуналии шаҳрро табрик намуд

05 Март 2014

Дар Театри тамошобини наврас ба номи Одилҷон Назаров бахшида ба «Рӯзи модар» ҷамъомади идонаи кормандон-занони муассисаҳои хоҷагию манзилии шаҳри Хуҷанд баргузор гардид.

Сароғоз Раиси шаҳри Хуҷанд Раҷаббой Аҳмадзода аз намоиши асарҳои рассомон ва ҳунармандони ҳунарҳои халқии Мактаби рассомии бачагонаи шаҳри Хуҷанд бо унвони «Модари ман беҳтарин» дидан намуд. Намоиш ба «Рӯзи модар» бахшида шуда, рӯзи дигар асарҳои беҳтарини пешниҳодгардида муайян ва қадрдонӣ хоҳад шуд.

Сипас ҷаласаи идонаи бо суханони табрикотии Раҷаббой Аҳмадзода оғоз гардид. Ҳамаи ҷамомадагонро Раиси шаҳри Хуҷанд Раҷаббой Аҳмадзода бо санаи неку фархунда самимона табрик намуда, бобати саҳми арзандаи занони соҳа дар ободонию зебогии шаҳр сухан намуд.

Муфассал... Шарҳ додан

Иштирокчиёни семинари ҷумҳуриявӣ дар маҳаллаи «Шарқ»

05 Март 2014

Иштирокчиёни семинарии Ҷумҳуриявии «Рушди идоракунии маҳал дар Ҷумҳурии Тоҷикистон» рӯзи дуюми худро бо шиносоии таҷрибаи кори маҳаллаи «Шарқ»-и шаҳри Хуҷанд бахшиданд. Ҳайати меҳмононро Раиси шаҳри Хуҷанд Раҷаббой Аҳмадзода қабул намуда, онҳоро бо сохтори маҳалла, усули корбарӣ ва кормандони кумитаи маҳаллаи мазкур ошно намуд.

Дар маҳаллаи мазкур шуъбаи кор бо занон, ҷавонон ва собиқадорон ҳамрӯза барои расидагӣ намудан ба мушкилоти мардум, ҳалли масалаҳои муҳими сокинон самти афзалиятноки фаъолияти маҳалла аст.

Меҳмонон доири ҳуҷҷатгузорӣ, тартиби муроҷиати шаҳрвандон, таҳияи нақшаҳои фаъолият таваҷҷӯҳ намуда, ба саволҳои худ ҷавобҳои мушаххас гирифтанд.

Муфассал... Шарҳ додан

Намоиш-фурӯши ниҳолҳо ва гулу зироатҳои кишоварзӣ дар шаҳри Хуҷанд

03 Март 2014

Дар Боғи фарҳангию фароғатии ба номи Камоли Хуҷандии шаҳри Хуҷанд намоиш фурӯши ниҳолҳо, кӯчати гулҳо ва тухмии зироатҳои кишварзӣ баргузор гардид.

Аз субҳи содиқ мардуми бисёре ба макони намоиш-фурӯш ҷамъ омада, ниҳолу гулҳои орошӣ, тухмиҳои зироатӣ, маҳсулоти кишварзиро харидори намуданд.

Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода аз растаҳои ниҳол маҳсулоти кишоварзӣ, тухмиҳои зироатҳо дидан намуда, доири баланд бардоштани ҳосилнокӣ, истифодаи усулҳои нави агротехнологӣ мубодилаи назар намуданд.

Муфассал... Шарҳ додан

Семинари ҷумҳуриявӣ дар мавзуи «Рушди идоракунии маҳал дар Ҷумҳурии Тоҷикистон»

05 Март 2014

Дар осоишгоҳи «Баҳористон»-и шаҳри Қайроққум семинари ҷумҳуриявӣ дар мавзӯи «Рушди идоракунии маҳал дар Ҷумҳурии Тоҷикистон» баргузор гардид.

Ҳадаф аз баргузории семинар, такмили сохторҳои мақомоти ҳудудии худфаъолияти ҷамъиятӣ ва таҳкими ҳамкории онҳо бо мақомоти иҷроияи маҳаллии ҳокимияти давлати мебошад, ки дар асоси Амри Президенти Ҷумҳурии Тоҷикистон аз 8 апрели 2013 амалӣ мегардад. Тибқи ин амр дар шаҳрҳои Хуҷанд, Хоруғ ва Қӯрғонтеппа низоми корбарии кумитаҳои маҳаллаҳо таҷдид гардида, фаъолитяи кумитаҳои маҳаллаҳо дар сатҳу сифати нав ба роҳ монда мешавад.

Раисони кумитаҳои маҳаллаҳо аз шаҳрҳои Хоруғ, Қӯрғонтеппа, Ваҳдат, Кӯлоб ва чанд шаҳру ноҳияҳои вилояти Суғд, таи ду рӯзи баргузории семинар сатҳи амалишавии амри номбурдаро дар шаҳри Хуҷанд омӯхта, аз таҷрибаи ҳамдигар бархурдор хоҳанд буд.

Муфассал... Шарҳ додан

Семинар - машварати дастурдиҳӣ барои роҳбарони муассисаҳои таълимию тиббӣ

28 Феврал 2014

Бо ташаббуси Раиси шаҳри Хуҷанд Раҷаббой Аҳмадзода дар мактаби таҳсилоти умумии № 31 шаҳри Хуҷанд семинар машварати дастурдиҳӣ барои роҳбарони донишгоҳу донишкада муассисаҳои касбию техникӣ, мактабҳои миёна, махсус ва то мактабӣ, сарварони дармонгоҳу беморхонаҳо ширкат намуданд.

Дар оғоз Раиси шаҳри Хуҷанд ба ҳозирон маълумот дод,ки дар мавсими зимистони соли 2013 -2014 таҷриба мактаб гимназияи №№ 4, 31 ва мактаби хусусии «Иршод» нишон дод, ки тавассути ба кор андохтани буғхонаҳои алоҳида, муассисаҳои мазкур имкон доштанд, фасли сарморо бе ягон душворӣ, бо ҳарорати муътадил паси сар намоянд. Масрафи ангишт барои кори мунтазами ду деги буғӣ дар як шабонарӯз 80 - 100 килогармм ангиштро ташкил медиҳад. Ин миқдор сӯзишворӣ ба масоҳати 2500 метри муррабаъ толор ҳарорати на камтар аз 18 градусро таъмин мекунад.

Муфассал... Шарҳ додан