АсосӣБойгонӣ

Навгонӣ

Табрикоти Раиси шаҳри Хуҷанд ба ифтихори Рӯзи матбуоти тоҷик

11 Март 2014

Аҳли қалам, рӯзноманигорон, ноширон ва кулли алоқамандони матбуотро бо иди касбӣ – Рӯзи матбуоти тоҷик аз номи Мақомоти иҷроияи ҳокимияти давлатии шаҳр бо самимият ва эҳтироми афзун табрик намуда, барояшон тани сиҳату хотири ҷамъ, табъи болидаю рӯзгори обод ва дар фаъолияти минъбада ба хотири ғановати фазои итилоотӣ, тарғибу ташвиқи ғояхои давлати демократии, ҳуқуқбунёд, дунявӣ ва ҳидояти мардум ба меҳнати созанда комёбиҳои тоза таманно мекунам.

Имрӯз дар саросари кишвар даҳҳо рӯзномаю маҷаллаҳо ба табъ мерасанд, радиою телевизионҳо фазои итилоотиро ғановат мебахшанд ва боиси хурсандист, ки аҳли эҷоди васоити ахбори омма бо дарки масъулияти баланд ҳаёти ҷамъиятию сиёсӣ, иқтисодию иҷтимоӣ ва фарҳангию маънавии мамлакатро дар раванди пешравиҳои беназир воқеъбинона ба қалам медиҳанд, дар тарғиби сиёсати пешгрифтаи Ҳукумати мамлакат, ғояҳои дурандешона ва ояндабинонаи Ҷаноби Олӣ, Сарвари давлатамон, мӯҳтарам Эмомалӣ Раҳмон саҳми муносиб мегузоранд ва бо истифода аз нерӯи сухан мардумро ба созандагию бунёдкорӣ ҳидоят менамояд.

Муфассал... Шарҳ додан

Раиси шаҳри Хуҷанд 30 нафар журналистонро қадрдонӣ намуд

10 Март 2014

Дар толори Мақомоти иҷроияи ҳокимияти давлатии шаҳри Хуҷанд ҷаласаи идона бахшида ба Иди матбуоти тоҷик баргузор гардид.

Дар он Раиси шаҳри Хуҷанд Раҷаббой Аҳмадзода ширкат намуда, кулли журналистон ва кормандони воситаи ахбори оммаро бо ин санаи неки касбӣ табрик намуд.

«Имрӯз низ бо шукрона аз сиёсати хирадгарои Президенти Ҷумҳурии Тоҷикистон Ҷаноби Олӣ, мӯҳтарам Эмомалӣ Раҳмон ва муҳити амну осоиштаи кишвар фаъолияти босамари каламкашони кишвар аз ҷумла Шумо рӯзноманигорони вилоят хеле назаррас мебошад. Қобили зикр аст, ки кормандони воситаҳои ахбори умум дар тарғиби сиёсати пешгирифтаи давлат ва ҳукумати мамлакат, саҳми арзанда мегузоранд. Мақомоти иҷроияи ҳокимияти давлатии вилояти Суғд шахсан Раиси вилояти Суғд муҳтарам Абдураҳмон Қодирӣ барои шароити мусоиди журналистон ва фаъолияти пурмаҳсули онҳо таваҷҷӯҳ зоҳир менамоянд.

Муфассал... Шарҳ додан

Мусобиқаи ҷавонон аз рӯи 10 намуди варзиш оғоз ёфт

05 Март 2014

Ҷиҳати иҷроиши қарори Раиси шаҳри Хуҷанд «Дар бораи тадбирҳои амалӣ намудани «Барномаи маҷмӯии рушди тарбияи ҷисмонӣ ва варзиш дар Ҷумҳурии Тоҷикистон барои солҳои 2011 – 2015» санаи 4 марти соли 2014 дар толори варзишии «Ҷашнӣ»-и шаҳри Хуҷанд маросими кушодашавии Бозиҳои варзишии шаҳри Хуҷанд (марҳилаи I) баргузор гардид, ки дар маросими кушодашавии Бозиҳои варзишӣ варзишгарон мураббиён ва собиқадорони соҳаи варзиш иштирок намуда, Бахтиёр Исматҷонов баромад намуда қайд намуд, ки бо мақсади тарғибу ташвиқи варзиш байни ҷавонон ва калонсолон, ташвиқи тарзи ҳаёти солим, аз рӯи 10 намуди варзиш яъне бокс, варзиши сабук, таэквандо, гуштини миллӣ, дзюдо, самбо, гуштини тарзи озод ва юнону румӣ, волейбол, баскетбол мусобиқа гузаронида мешавад.

Муфассал... Шарҳ додан

Дар арафи Иди матбуот 22 нафар журналистон соҳиби замини наздиҳавлигӣ шуданд

10 Март 2014

Дар партави сиёсати хирадмандонаи Президенти Ҷумҳурии Тоҷикистон, Ҷаноби Олӣ муҳтарам Эмомалӣ Раҳмон бобати арҷ гузоштан ба арзишҳои миллию фарҳангӣ, бузургдошти шахсиятҳои барҷаста, эҳё ва таҷлили санаҳои таърихӣ, эътибор ва эҳтироми суннатҳои қадима, эътироф ва муаррифии расму оинҳои миллӣ дар ҷомеаи демократии мо ба ҳукми анъана даромадааст. Таҷлили “рӯзи матбуоти тоҷик”, маҳсули ҳамин гуна сиёсат маҳсуб мешавад.

Бо мақсади татбиқи ин сиёсат имрӯз дар маҳаллаи 14-уми шаҳри Хуҷанд барои 22 нафар журналистони воситаи ахбори оммаи вилояти Суғд қитъаҳои замини наздиҳавлигӣ тақсим карда дода шуд.

Дар маросими он Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода ширкат намуданд. Дар оғоз муовини Раиси шаҳри Хуҷанд Дадоҷон Абдуллоев ҳозиронро бо лоиҳаи нақшаи маҳаллаи мазкур ошно намуд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи модарон

05 Март 2014

Модарони азиз!

Хоҳарони арҷманд!

Бо камоли эҳтиром ва самимияти том ҳар яки Шуморо бо иди 8-уми Март – Рӯзи модарон аз номи мақомоти иҷроияи ҳокимияти давлатии шаҳр табрику муборакбод менамоям. Барои Шумо тани сиҳату хотири ҷамъ, рӯзгори ободу осуда, бахту саодат ва барори кор таманно мекунам.

Ҷашни расмии давлатӣ эълон шудани Рӯзи модар дар Тоҷикистон гувоҳи равшани мақому манзалати баланди шумо - модарони азиз, дар ҷомеаи мо мебошад. Ҳамаи шуморо дар ин рӯзи мубораку хуҷаста, ки ба оғози зеботарин фасли сол – баҳори гулбасар ва арафаи бузургтарин ҷашни миллиамон – Наврӯзи оламафрӯз баробар омадааст, самимона табрику таҳният гуфтан боиси ифтихору сарбаландист.

Модар, воқеан, нахустустоди башарият аст ва фарзанд каломи аввалинро аз ӯ меомӯзад. ҳар модаре, ки соҳиби саводу дониш ва таҷрибаву ҷаҳонбинӣ мебошад, фарзанди ӯ ҳам босаводу хушахлоқ ба воя мерасад. Ҳатто сатҳи забондонии фарзанд аз сатҳи забондонии модар вобаста аст, зеро халқ беҳуда нагуфтааст, ки «Нотиқ он кас шуд, ки аз модар шунид».

Муфассал... Шарҳ додан