АсосӣБойгонӣ

Навгонӣ

Рӯзи ягонаи мудофиаи гражданӣ

(2 овоз, миёна 5.00 аз 5)

09 Апрел 2015

Дар Мактаби таҳсилоти умумии миёнаи №17 шаҳри Хуҷанд Ҷамъияти Ҳилоли Аҳмари Тоҷикистон дар вилояти Суғд дар ҳамкорӣ бо Кумитаи ҳолатҳои фавқулодда ва мудофиаи граждании шаҳри Хуҷанд ва Идораи маорифи шаҳр машқи якҷоя таҳти унвони «Рӯзи ягонаи мудофиаи гаржданӣ» баргузор намуданд.
Дар ин чорабинӣ Ҷамъияти Ҳилоли Аҳмари Тоҷикистон дар вилояти Суғд ба ҳайси дастаи муқовимат ба офат баромад кард.
Ҳадафи асосӣ аз ин машқ мустаҳкам намудани имконият ва такмили малакаи хонандагон омӯзгорон дар ҳолатҳои фавқулодда ва офати табии аст, -гуфт, зимни сӯҳбат роҳбари Ҷамъияти Ҳилоли Аҳмари Тоҷикистон дар вилояти Суғд Парвиз Ҷабборзода,- мақсади муҳимтар такмил додани маҳорату малакаи хонандагон нисбати расонидани ёрии аввали тиббӣ ба офатзадагон мебошад.

Муфассал... Шарҳ додан

Раиси шаҳр ба манзили ҷавонони аз хизмати ҳарбӣ саркашӣ намуда рафт.

(1 овоз, миёна 5.00 аз 5)

08 Апрел 2015

Бо мақсади беҳтар намудани корҳои фаҳмондадиҳӣ ва иҷроиши саривақтии нақшаи даъвати ҷавонон ба сафи Қувваҳои Мусаллаҳи Ҷумҳурии Тоҷикистон Раиси шаҳри Хуҷанд Раҷаббой Аҳмадзода дастур дод,ки муовинони Раиси шаҳр, роҳбарони кумитаҳои маҳаллаҳо, аъзоёни комиссияи даъват бо волидайни ҷавонписароне, ки аз хизмати ҳарбӣ саркашӣ мекунанд шахсан мулоқот намоянд.
Нимаи аввали имрӯз Раиси шаҳри Хуҷанд Раҷаббой Аҳмадзода ба манзили се оила рафт, ки фарзандони онҳо аз хизмати ҳарбӣ саркашӣ мекунанд.
Даъватшаванда А. Ҳомидов, А. Фозилов ва Н. Қодиров аз адои хизмати ҳарбӣ саркашӣ намуда, бе сабаб ба комиссия даъват ҳозир намешаванд. Агарчанде ба онҳо намояндагони комиссариати ҳарбӣ то оғози мавсими даъвати имсола даъватномаҳоро супорида огоҳ гардида буданд.

Муфассал... Шарҳ додан

Таҷлили Наврӯз ва хатнатӯйи фарзандони кормандони Шабакаи барқи шаҳри Хуҷанд.

(2 овоз, миёна 5.00 аз 5)

06 Апрел 2015

Дар шаҳри Хуҷанд чорабиниҳои наврӯзӣ идома доранд.
Ҷиҳати дастгирӣ ва иҷроиши дастури Президенти Ҷумҳурии Тоҷикистон Эмомалӣ Раҳмон кӯмаку дастгирии оилаҳои камбизоат аз ҷониби сохтору мақомоти гуногуни шаҳри Хуҷанд идома дорад.Бо дастгирии Мақомоти иҷроияи ҳокиияти давлатии шаҳри Хуҷанд идораи Шабакаҳои барқи шаҳри Хуҷанд тасмим гирифт, ки баробари таҷлили Иди Наврӯз хатнатӯйии 13 нафар кӯдаконро аз оилаҳои эҳтиёҷманд баргузор намояд.
Лозим ба ёдоварист,ки байни ин 13 нафар, 11 нафар фарзандони кормандони идораи шабакаҳои барқ буда 2 нафар аз оилаҳои ниёзманди шаҳри Хуҷанд мебошанд.
Ба ин муносибат роҳбарияту ҳайати кормандон дар тарабхонаи «Истироҳат» ҷамъ омада ҳамроҳи волидайн ва пайвандони ин кӯдакон чорабинии хайрро пуршукӯҳ баргузор намуданд.

Муфассал... Шарҳ додан

Дар шаҳри Хуҷанд озмуни оилаи беҳтарин доир мегардад.

(1 овоз, миёна 5.00 аз 5)

07 Апрел 2015

Бо мақсади иҷрои дастуру супоришҳои Президенти Ҷумҳурии Тоҷикистон ҷиҳати дарёфти беҳтарин оилаҳо, тарғибу ташвиқи оилаҳои солим, баланд бардоштани маърифати оиладорӣ ва масъулияти падару модарон дар таълиму тарбияи фарзанд, омода намудани фарзандон ба ҳаёти мустақилона ва пойдории оила, пешгирии зӯроварӣ дар оила ва бо назардошти эълон гардидани «Соли 2015-соли Оила» Раиси шаҳри Хуҷанд Раҷаббой Аҳмадзода бобати давоми соли 2015 дар қаламрави шаҳр байни оилаҳо гузаронидани озмуни «Дарёи муҳаббат» қарори дахлдорро ба имзо расонд.
Дар ҳамин асос Шуъбаҳои рушди иҷтимоӣ ва робита бо ҷомеаи дастгоҳи Раиси шаҳр, кор бо занон ва оилаи мақомоти иҷроияи ҳокимияти давлатии шаҳр, бахшҳои фарҳанг, ҷавонон, варзиш ва сайёҳӣ ва оид ба дини мақомоти иҷроияи ҳокимияти давлатии шаҳр вазифадор гардиданд,

Муфассал... Шарҳ додан

Қабули навбатии Раиси шаҳри Хуҷанд.

(1 овоз, миёна 5.00 аз 5)

04 Апрел 2015

Дар асоси супориши Президенти Ҷумҳурии Тоҷикистон Эмомалӣ Раҳмон ва дастури Раиси вилояти Суғд Абдураҳмон Қодирӣ дар Мақомоти иҷроияи ҳокимияти давлатии шаҳри Хуҷанд қабули анъанавии шаҳрвандон аз ҷониби Раиси шаҳри Хуҷанд Раҷаббой Аҳмадзода баргузор гардид.
Қабули шаҳрвандон тариқи «Равзанаи ягона» сурат гирифта, дар он ҳамчунин муовинони раиси шаҳр мудирони шӯъба ва роҳбарони воҳидҳои сохторӣ ширкат намуданд.
Аз теъдоди умумии муроҷиаткунандагон 29 нафар барои беҳтар намудани шароити зисти манзил ва ҷудо намудани қитъаи замини наздиҳавлигӣ, 12 нафар барои дастрас намудани масолеҳи сохтмон дархост намуданд.