АсосӣБойгонӣ

Навгонӣ

Омӯзгорон шароити манзили худро беҳтар менамоянд.

28 Апрел 2014

Имрӯз бо иштироки Раиси вилояти Суғд Абдураҳмон Қодирӣ дар маҳаллаи 14-уми шаҳри Хуҷанд маросими тақсимоти замини наздиҳавлигӣ ба 36 нафар омӯзгорони муассисаҳои таълимии миёна, миёнаю махсус ва олӣ баргузор гашт.
Дар оғоз Раиси шаҳри Хуҷанд Раҷаббой Аҳмадзода чорабиниро оғоз намуда, қайд намуд, ки муофиқи супориши Президенти Ҷумҳурии Тоҷикистон, Ҷаноби Олӣ, Эмомалӣ Раҳмон ва дастури Раиси вилояти Суғд Абдураҳмон Қодирӣ бо мақсади дастгирии омӯзгорони ҷавон ва собиқадорони соҳа, ки барои беҳтар намудани шароити манзилашон дар навбатанд, замини наздиҳавлигӣ тақсим карда мешавад.
Раиси вилояти Суғд Абдураҳмон Қодирӣ ин амалро яке аз тадбирҳои амалии Ҳукумати Ҷумҳурии Тоҷикистон дар самти беҳтар намудани сатҳи зиндагии омӯзгорон ва ҳавасманд намудани ҷавонони болаёқат ба касби омӯзгорӣ номид.

Муфассал... Шарҳ додан

Харакати нақлиёту пиёдагард дар шаҳри Хуҷанд назорат мешавад.

26 Апрел 2014

Раиси шаҳри Хуҷанд Раҷаббой Аҳмадзода роҳбари Департаменти ширкати НUAWEI дар Ҷумҳурии Тоҷикистон Хенк Щюро ба ҳузур пазируфт. Ширкати мазкур бо дастуру дастгирии Президенти Ҷумҳурии Тоҷикистон Эмомалӣ Раҳмон дар якҷоягии Вазорати корҳои дохилии Ҷумҳурии Точикистон лоиҳаи беҳтар намудани вази ҳаракати роҳро амалӣ менамояд.
Ҳоло дар асоси марҳилаи аввали лоиҳаи мазкур дар шаҳри Душанбе тамоми кӯчаҳои марказӣ ва хиёбонҳои пойтахт бо камераҳои мушоҳидавӣ, дастгоҳхои назорати суръати нақлиёт таҷҳизонида шуда, тамоми ҳаракати воситаҳои нақлиёт ва пиёдагардон зери назорат гирифта шудааст.
Марҳилаи дуюми ин лоиҳа бошад, насби камреҳои мушоҳидавӣ ва дастгоҳи назорати суръати нақлиёт, гузоштани аломатҳои роҳ ва кашидани хатҳои уфуқӣ дар кучаҳои маркази вилоятро дар бар гирифтааст.

Муфассал... Шарҳ додан

Вохурии судманд.

25 Апрел 2014

Дар Маркази ҷавонони шаҳри Хуҷанд вохурии сардори Раёсати Вазорати корҳои дохилии Ҷумҳурии Тоҷикистон дар вилояти Суғд, генерал-майор Шариф Назаров ва Раиси шаҳри Хуҷанд Раҷаббой Аҳмадзода бо ҷавонони фаъол, раисони кумитаи маҳаллаҳо, шӯрои занон, ходимони дин роҳбарону омӯзгорони муассисаҳои таълимии миёна ва олии шаҳри Хуҷанд баргузор гардид.
Вохуриро Раиси шаҳри Хуҷанд ифтитоҳ намуда, қайд намуд, ки мақсади ин ҳамоиш ҷалб намудани тамоми фаъолон масъулон ва пеш аз ҳама волидайн ба вазъи ҷинояткорӣ, беҳтар намудани маърифати ҳуқуқии шаҳрвандон, ҳамчунин беҳтар намудани саҳми ҳар як шаҳрванд барои пешгирӣ намудани омилҳои номатлуб аст.
Сардори Раёсати Вазорати корҳои дохилии Ҷумҳурии Тоҷикистон дар вилояти Суғд, генерал-майор Шариф Назаров зимни баромади худ изҳори нигаронии худро доири баланд гаштани сатҳи ҷинояткорӣ дар вилояти Суғд ва аз ҷумла дар шаҳри Хуҷанд баён намуд.Назар ба маълумоти оморӣ наздик 25% ҷиноятҳо дар шаҳри Хуҷанд содир шудаанд.

Муфассал... Шарҳ додан

Мусобиқаи байналмиллалӣ дар шаҳри Хуҷанд оғоз ёфт.

26 Апрел 2014

Дар шаҳри Хуҷанд бо ташаббуси Федератсияи Осиё оид ба муҳорибаи ҷанги дастӣ ва дастгирии Мақомоти иҷроияи ҳокимияти давлатии вилояти Суғд ва шаҳри Хуҷанд, ҳамчунин Кумитаи ҷавонон варзиш ва сайёҳии назди Ҳукумати Ҷумҳурии Тоҷикистон мусобиқаи байналмиллалӣ, аз рӯи намуди муҳорибаи ҷанги дастӣ имрӯз оғоз ёфт. Дар он дастаҳои варзишгарон аз кишварҳои Тоҷикистон, Озарбойҷон, Афғонистон, Эрон, Муғулистон, Туркманистон, Ӯзбекистон, Қазоқистон ва Қирғизистон ширкат менамоянд.
Мусобиқа дар «Қасри варзиш»-и шаҳри Хуҷанд санаҳои 26-27 апрел идома меёбанд.

Шарҳ додан

Ҷаласаи кории Раиси шаҳри Хуҷанд.

25 Апрел 2014

Раиси шаҳри Хуҷанд Раҷаббой Аҳмадзода бо иштироки муовинони Раиси шаҳр, кормандони масъули Мақомоти иҷроияи ҳокимияти давлатии шаҳри Хуҷанд ва роҳбарони сохторҳои марбута, ҷаласаи корӣ доир намуд. Раҷаббой Аҳмадзода доири нуктаҳои муҳими паёми имсола истода гузашта, зикр намуд, ки тамоми сохторҳои дахлдор масъулини соҳа фаъолияти худро дар заминаи дастурҳои Ҷаноби Олӣ, муҳтарам Эмомалӣ Раҳмон ба роҳ монанд. Раиси шаҳри Хуҷанд бобати ҷалби ҳарчӣ бештари шахсони бешуғл, ба хусус занони хонашин ба ҳунарҳои мардумӣ, зиёд намудани шумораи корхонаҳои саноатӣ, истеҳсолӣ, коркарди ашёи хом дастурҳои мушаххас дод. Супориш дода шуд, ки ҷиҳати эҳёи коргоҳҳои коркарди пӯст ва пойафзолбарорӣ чораҳои фаврӣ андешида минбаъд талаботи сокинон ба пойафзол аз ҳисоби маҳсулоти ватанӣ қонеъ карда шавад.