АсосӣБойгонӣ

Навгонӣ

Шиносоӣ Раиси шаҳр аз рафти корҳои тармим дар муассисаи тиббӣ.

(1 овоз, миёна 5.00 аз 5)

14 Май 2015

Раиси шаҳри Хуҷанд Раҷаббой Аҳмадзода аз рафти корҳои таъмиру тармими Маркази мубориза бар зидди касалиҳои сили шаҳр боздид ба амал овард. Бояд тазаккур дод, ки Марказ ду сол муқаддам ба ин ҷо кӯчида буд, ки қаблан стансияи ёрии таъҷилии маркази вилоят амал мекард.
Бино ба гуфти роҳбари Марказ Роҳат Шодибоева айни ҳол наздик 30 нафар кормандон барои пешгирии аҳолии шаҳр аз гирифторшавӣ ба касалии сил мубориза мебаранд.
Раиси шаҳр зимни шиносоӣ бо рафти таъмир ба роҳбари ширкати сохтмонии «Авитсена» Парвиз Ҷӯраев дастур дод то ки таъмирро хушсифат ба ҷо оранд. Бояд тазаккур дод, ки аз ҳисоби буҷаи шаҳр барои таъмири лабаратория, даромадгоҳи Марказ ва баланд бардоштани девори атрофи он 150 ҳазор сомонӣ маблағ ҷудо карда шудааст.

Муфассал... Шарҳ додан

Рӯзи «Дарҳои кушод» дар қисми низомӣ.

(1 овоз, миёна 5.00 аз 5)

14 Май 2015

Дар асоси иҷроиши Қарори Раиси вилояти Суғд ва қарори Раиси шаҳри Хуҷанд «Дар бораи таҷлил намудани Рӯзи ҷавонони Тоҷикистон таҳти унвони" Ҷавонон давомдиҳандагони ҳадафхои олии кишвар" ва бо мақсади баланд бардоштани ҳисси ватандӯстии ҷавонон, омода намудани онҳо ба хизмати модар-ватан бо иқдоми Бахши ҷавонон, варзиш ва сайёҳии шаҳри Хуҷанд санаи 13 майи соли 2015 дар қисми низомии 3501-и Қушунҳои дохилии ВКД Ҷумҳурии Тоҷикистон дар шаҳри Хуҷанд Рӯзи дарҳои кушод ва шиносои ҷавонони сини то даъвати бо шароити хизмати сарбозону афсарон ташкил ва гузаронида шуд.
Афсарону сарбозонро муовини Раиси шаҳри Хуҷанд Умеда Муродова аз номи Раиси шаҳри Хуҷанд бо Рӯзи ҷавонони Тоҷикистон табрик намуд.

Муфассал... Шарҳ додан

Марафони ҷавонон аз Хуҷанд то Душанбе.

(1 овоз, миёна 5.00 аз 5)

12 Май 2015

Бахшида ба Рӯзи ҷавонони Тоҷикистон ва тарғиби ҳаёти солим имрӯз марафони варзишии ҷавонон бо унвони «Ҷавонон ҷонибдори тарзи ҳаёти солим» аз шаҳри Хуҷанд оғоз ёфт.
Ба ин муносибат дар пояи парчами миллӣ расми гусели варзишгарон бо иштироки зиёда аз 100 нафар ҷавонони маркази вилоят ва масъулини мақомоти маҳаллӣ доир гардид.
Тибқи нақшаи баргузоркунандагони ин чорабинӣ давоми панҷ рӯз ҳафт нафар варзишгарони вилоят бо роҳи Хуҷанд- Спитамен- Шаҳристон- Айнӣ- Варзоб санаи 16 май ба пойтахти кишварамон шаҳри Душанбе расида, санаи 17 май дар «Дави миллӣ» иштирок хоҳанд кард.
Дар расми гусели варзишгарон муовини Раиси шаҳри Хуҷанд Умеда Муродова ширкат намуда орзую таманниёти неки Раиси шаҳри Хуҷанд Раҷаббой Аҳмадзодаро ба иштирокдорони ин марафон расонд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба «Рӯзи оила»

(1 овоз, миёна 5.00 аз 5)

12 Май 2015

Ҳамдиёрони гиромӣ!
Рӯзи байналхалқии оиларо барои ҳар яки Шумо ва тамоми сокинони диёрамон аз номи Мақомоти иҷроияи ҳокимияти давлатии шаҳри Хуҷанд муборакбод намуда, хоҳони рӯзгори ободу осуда ва устувории бинои оила ҳастем.
Президенти Ҷумҳурии Тоҷикистон, мӯҳтарам Эмомалӣ Раҳмон дар Паёми навбатии худ ба Маҷлиси Олӣ, ба масъалаҳои маърифати оиладорӣ, баланд бардоштани масъулияти падару модар дар таълиму тарбияи фарзанд, омода кардани фарзандон ба ҳаёти мустақилона ва пойдории оила таваҷҷӯҳи махсус зоҳир намуда, аз ҷумла гуфтаанд: «Мусаллам аст, ки ҷомеаи солим аз оилаи солим ва насли солим ташаккул меёбад. Вобаста ба ин пешниҳод менамоям, ки соли 2015 дар кишвар «Соли оила» эълон карда шавад.»

Муфассал... Шарҳ додан

Марҳилаи навбатии гулзоркунии шаҳр идома дорад.

(1 овоз, миёна 5.00 аз 5)

12 Май 2015

Дар шаҳри Хуҷанд марҳилаи нави гулшинонӣ, гулзоркунии кӯчаю хиёбонҳо ва майдонҳо оғоз ёфт.
Дар асоси супориши Раиси вилояти Суғд Абдураҳмон Қодирӣ ва дастури Раиси шаҳри Хуҷанд Раҷаббой Аҳмадзода ҳоло кормандони муассисаҳои ободонӣ ва кабудизоркунии шаҳр ба ҷойи гулҳои аз нашунамо монда, гулҳои мавсимии «Питуня» «Карнайгул» ва дигар намуди гулҳои маҳаллиро ба тарзу усули махсуси ороишӣ шинонда истодаанд.
Бо мақсади огоҳӣ ёфтан аз вазъи феълии корҳо дар ин самт Раиси шаҳри Хуҷанд аз рафти корҳои гулзоркунӣ ва ободонӣ шинос шуд. Таъкид гардид, ки дар баробари гулзор намудани шаҳр ба талаботи агротехнологӣ истифодаи ранги гул вобаста ба мавзеъ эътибори ҷиддӣ дода шавад.