АсосӣБойгонӣ

Навгонӣ

Дар шаҳри Хуҷанд мавсими тобистонаи шинондани гулҳои ороишӣ идома дорад.

(1 овоз, миёна 5.00 аз 5)

22 Апрел 2015

Дар асоси дастури Раиси вилояти Суғд Абдураҳмон Қодирӣ ҳоло дар маркази вилоят сабзпӯш ва гулзор намудани мавзеҳои истироҳатӣ, кучаю хиёбонҳо ва гулгаштҳои шаҳр идома дорад.
Бо мақсади шиносоӣ аз мавҷудияти захираҳои гулу буттаҳои орошӣ ва сатҳу сифати парвариши онҳо Раиси шаҳри Хуҷанд Раҷаббой Аҳмадзода аз муассисаҳои кабудизоркунию гулпарварии шаҳр,- Идораи кабудизоркунӣ ва коргоҳи ғайридавлатии «Гулафшон», ки ҳамчунин ба парвариши гулҳои орошӣ машғул аст, дидан намуд.
Ҳоло дар муассисаҳои номбурда зиёда аз 30 намуд гулҳои ороишӣ аз қабили «Марҷонгул», «Питунья», «Голларгия», «Пагетис» ва ғайра парвариш меёбанд. Раиси шаҳри Хуҷанд роҳбарияти ин коргоҳҳои гулпарвариро муваззаф намуд,ки минбаъд барои қонеъ намудани талаботи тамоми ташкилоту муассисаҳои шаҳр бо гулҳои орошӣ фаъолитяи худро ба роҳ монанд.

Муфассал... Шарҳ додан

Ташкили чорабиниҳои «500 - рӯзи ободонӣ» дар шаҳри Хуҷанд.

(1 овоз, миёна 5.00 аз 5)

21 Апрел 2015

Дар асоси супориши Президенти Ҷумҳурии Тоҷикистон Эмомалӣ Раҳмон бобати дар сатҳи зарурӣ истиқбол намудани 25 - солагии Истиқлолияти давлатии Ҷумҳурии Тоҷикистон ва дар ин замина омода намудани иншооти таъиноти гуногуни соҳаҳои иқтисодиву иҷтимоии шаҳр ба тантанаҳои марбут ба чорабинии зикргардида, ҳамчунин дастури Раиси вилояти Суғд Абдураҳмон Қодирӣ, Раиси шаҳри Хуҷанд Раҷаббой Аҳмадзода доири дар шаҳри Хуҷанд аз моҳи апрели соли 2015 ташкил ва гузаронидани чорабиниҳои ободониро бо унвони «500-рӯзи ободонӣ» қарор имзо намуд.
Дар асоси ин қарор ба муовинон ва роҳбари Дастгоҳи Раиси шаҳр супорида шудааст, ки нақшаи мукаммали чорабиниҳои марбут ба ободонии шаҳрро мувофиқи минтақаҳои аҳолинишин ва саноатӣ таҳия ва тарҳрезӣ намуда, барои тасдиқ ба Раиси шаҳр пешниҳод намоянд.

Муфассал... Шарҳ додан

«Оташи абадӣ»- шаҳидони Ҷанги Бузурги Ватанӣ аз нав фурӯзон гашт.

(1 овоз, миёна 5.00 аз 5)

21 Апрел 2015

Поси хотири қурбониёни Ҷанги Бузурги Ватанӣ ва таваҷҷӯҳи ҳамарӯза барои собиқадорони ин ҷанг супориши Президенти Ҷумҳурии Тоҷикистон Эмомалӣ Раҳмон буда, баҳри иҷрои он мақомоти маҳаллӣ корҳои судмандро ба анҷом мерасонанд. Дар шаҳри Хуҷанд баробари чанд ёдгориҳои таърихию фарҳангӣ, муҷассамаи ёдгории барои шаҳидони Ҷанги Бузурги Ватанӣ дар даврони шӯравӣ бунёд ёфта, чун ёдоварӣ аз қаҳрамониҳои падару бобоёни мардуми диёр ба насли имрӯза хизмат мекунад.
Бо дастури Раиси шаҳри Хуҷанд Раҷаббой Аҳмадзода бахшида ба таҷлили 70 солагии Иди Ғалаба аз болои фашистони гитлерӣ оташи абадии ин ёдгорӣ аз нав барқарор карда шуд.
Лозим ба ёдоварист, ки муҷассамаи мазкур соли 1975 бахшида ба 30 солагии ғалабаи мардуми шӯравӣ бар фашизм бунёд ёфта тибқи лоиҳа яке аз қисматҳои ин ёдгорӣ оташи фурӯзон чун рамзи поси хотири ҷоннисорони ватан буд.

Муфассал... Шарҳ додан

Дар шаҳри Хуҷанд муҷассамаи хотираи қурбониёни садамаи Чернобил сохта мешавад.

(1 овоз, миёна 5.00 аз 5)

21 Апрел 2015

Ҳамсола тибқи қарордоди Созмони Миллали Муттаҳид санаи 26 апрел чун Рӯзи иштирокчиён ва поси хотири қурбониёни садамаи нерӯгоҳҳои атомӣ қайд карда мешавад.
Бо назардошти ин қарори Раиси шаҳри Хуҷанд Раҷаббой Аҳмадзода ба тавсиб расидааст, ки тибқи он дар ин сана баргузории чанд чорабиниҳои гуногун аз қабили гиромидошти хотираи ҳалокшудагон дар садамаи Нерӯгоҳи Атомии Барқии Чернобил ва маҳфили иштирокдорони бартарафсозии ин фалокат ба нақша гирифта шудааст.
Ҳамзамон тибқи қарори номбурда, барои кӯмаки беҳдошти саломатӣ, пардохти кӯмаки яквақтина барои оилаҳои бесаробонмонда, арзандони маюби онҳо ва баргузории чорабинии иштирокчиёни ин садама аз буҷаи маҳаллӣ ҷудо намудани маблағҳои зарурӣ пешбинӣ шудааст.

Муфассал... Шарҳ додан

Идомаи барномаи «Роҳҳои обод» дар шаҳри Хуҷанд.

(1 овоз, миёна 5.00 аз 5)

21 Апрел 2015

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корҳои вобаста ба таъмири роҳ,мумфаршкунӣ ва омодагӣ барои аз таъмири ҷорӣ ва куллӣ баровардани роҳҳои шаҳр вусъати тоза мегирадРаиси шаҳри Хуҷанд Раҷаббой Аҳмадзода дар оғози корҳои мумфаршкунии кӯчаи «30 солагии Ғалаба»-и маркази вилоят иштирок намуд. Лозим ба ёдоварист, ки наздики як километри кӯчаи номбурда пурра мумфарш шуда, аз самти кӯчаи «60 солагии Ғалаба» ба самти кӯчам «30 солагии Ғалаба» наздики якуним километр таъмири ҷорӣ хоҳад шуд.
Соли ҷорӣ таъмири кӯчаҳои шаҳри Хуҷанд соли 2015 низ идома ёфта, давоми соли равон наздик 100 км роҳи кӯчаҳои марказӣ ва маҳаллаҳои шаҳр аз таъмири пурра ва ҷорӣ бароварда мешаванд.

Муфассал... Шарҳ додан