АсосӣБойгонӣ

Навгонӣ

Аёдати собиқадорони ҷанг идома дорад.

(2 овоз, миёна 5.00 аз 5)

05 Май 2015

Дар шаҳри Хуҷанд чорабиниҳои идона бахшида ба 70 солагии Ғалабаи халқи шӯравӣ аз болои фашистони истилогар идома дорад.
Давоми чанд рӯз аст, ки Раиси шаҳри Хуҷанд Раҷаббой Аҳмадзода ба меҳмонии иштирокчиёни ин ҷанг ва шахсони дар давраи ин ҷанг бесарпаноҳмонда меравад.
Раҷаббой Ахмадзода ба манзили 23 нафар иштирокчиёни Ҷанги Бузурги Ватанӣ ва 2 нафар шахсони дар натиҷаи ин ҷанг бесарпаноҳ монда рафта ба ҳамаи онҳо кӯмаки яквақтинаи моддӣ иборат аз мавод ғизо,- орд биринҷ, равған, гӯшт, шакар макарон ва ғайра расонд Ҳамчунин ба ҳамаи иштирокдорони ҷанг либоси идона чун тӯҳфаи Раиси вилояти Суғд Абдураҳмон Қодирӣ супорида шуд. Раиси шаҳр ин мардони фидокорро бо фарорасии Иди Ғалаба табрик намуда, таманниёти неку орзуҳои самимонаи Президенти Ҷумҳурии Тоҷикистон Эмомалӣ Раҳмон ва Раиси вилояти Суғд Абдураҳмон Қодириро ба хотири ин санаи фархунда ба онҳо расонд.

Муфассал... Шарҳ додан

Раиси шаҳри Хуҷанд дар манзили собиқадорони ҷанг меҳмон шуд.

(3 овоз, миёна 5.00 аз 5)

02 Май 2015

Дар шаҳри Хуҷанд аз оғози ҳафта чорабиниҳои идона бахшида ба 70 солагии Ғалабаи халқи шӯравӣ аз болои фашистони истилогар оғоз ёфт.
Қисмати дуюми рӯз Раиси шаҳри Хуҷанд Раҷаббой Аҳмадзода ба табрик ва аёдати иштирокдорони ин ҷанг рафт.
Раҷаббой Ахмадзода ба манзили иштирокчиёни Ҷанги Бузурги Ватанӣ,- Мамадхон Ишонов, Ӯрунов Ҷурабой, Самеъ Ҷалилов ва Маҷид Ғаниев омад. Раиси шаҳр ин мардони фидокорро бо фарорасии Иди Ғалаба табрик намуда, таманниёти неку орзуҳои самимонаи Президенти Ҷумҳурии Тоҷикистон Эмомалӣ Раҳмон ва Раиси вилояти Суғд Абдураҳмон Қодириро ба хотири ин санаи фархунда ба онҳо расонд.

Муфассал... Шарҳ додан

Ободӣ дар кӯчаи Шариф Раҷабов идома дорад.

(3 овоз, миёна 5.00 аз 5)

30 Апрел 2015

Дар кӯчаю хиёбонҳои маркази вилоят корҳои мумфаршкунӣ рӯз аз рӯз вусъат мегирад.
Имрӯз роҳсозони идораи «Суғдроҳ» қисмати дигари кӯчаи ба номи Шариф Раҷабовро оғоз намуданд.
Раиси шаҳри Хуҷанд Раҷаббой Аҳмадзода ба маҳаллаи «Раззоқ» омада, аз рафти корҳои ободонии кӯчаи мазкур огоҳ шуд.
То имрӯз бо маблағгузории Мақомоти иҷроияи ҳокимитяи давлатии шаҳри Хуҷанд ва иштироки фаъолонаи сокинон зиёда аз як километр роҳ таъмири пурра гардида, давоми ду рӯзи дигар роҳсозон ният доранд, боз наздик се ҳазор метри мураббаъ асфалт хобонанд.
Тибқи нақшаи тасдиқнамудаи Мақомоти иҷрояи ҳокимияти давлатии шаҳри Хуҷанд соли равон зиёда се келометр роҳи маҳаллаи мазкур аз таъмири хушсифат бароварда шуда, боз таъмири ҷории чанд кӯчаҳои ин маҳалла пешбинӣ шудааст.

Муфассал... Шарҳ додан

Табрикоти Раиси шаҳр ба муносибати Рӯзи байналмилалии якдилии меҳнаткашон

(3 овоз, миёна 5.00 аз 5)

30 Апрел 2015

Ҳамшаҳриёни азиз!
Иди баҳору меҳнат ва Рӯзи байналмилалии якдилии меҳнаткашонро барои ҳар яки Шумо ва тамоми сокинони диёрамонро аз номи мақомоти иҷроияи ҳокимияти давлатии шаҳр табрик намуда, бароятон тансиҳативу хотирҷамъӣ, рӯзгори ободу осуда ва дар кору зиндагии ҳамарӯзаатон комёбиҳо орзу менамоям.
Ин иди умумиҷаҳонӣ на танҳо санаи 1 май дар айёми зебои сол ҷашн гирифта мешавад, балки гузашта аз ин, таҷассуми олитарин арзишҳои инсонист, ки меҳнаткашони тамоми ҷаҳонро новобаста аз миллату халқият ва наҷод ба дӯстиву рафоқат ҳидоят менамояд. Қиммати ин иди умумибашариро тоҷику тоҷикистонӣ, ки дар гузаштаи начандон дур парокандагиҳои халқу миллатро дида, туфайли иродаи қавӣ ва ақли солими худ боз ба ҳам омадааст, нащз медонад.

Муфассал... Шарҳ додан

Боздиди Раиси шаҳр аз таълимгоҳ ва корхонаи саноатӣ

(3 овоз, миёна 5.00 аз 5)

29 Апрел 2015

Эҳёи ҳунарҳои қадима ва дар ин замина таъсиси ҷойҳои нави корӣ як аз иқдомҳои созандаи Раиси вилоят мӯҳтарам Абдураҳмон Қодирӣ буда, татбиқи он ба зиммаи МИҲД шаҳру навоҳии вилоят вогузор шудааст.
Ногуфта намонад, ки ба татбиқи ин ҳадафи созандаи Роҳбари вилоятамон чун анъана пеш аз ҳама дар маркази вилоят чораҳои зарурӣ андешида шуданд. Маркази таълимӣ-истеҳсолии «Шероз» бо иштироки Президенти кишвар Ҷаноби Олӣ мӯҳтарам Эмомалӣ Раҳмон ба истифода дода шд.
Ҳадафи асосии боздиди кории Раиси шаҳри Хуҷанд Раҷаббой Аҳмадзода аз Литсейи касбии хизматии шаҳри Хуҷанд ва Муассисаи таълимӣ-истеҳсолии «Веттоҷ» огаҳ будан аз рафти иҷрои дастури Роҳбари вилоят дар самти эҳёи ҳунарҳои қадима дар ин ду муассиса буд.