АсосӣБойгонӣ

Навгонӣ

Намоиши аксбардорони ҷавон «Нигоҳи дирӯзу имрӯз»

15 Май 2014

Дар доираи чорабиниҳои бахшида ба «Рӯзҳои ҷавонони Тоҷикистон дар шаҳри Хуҷанд» дар намоишгоҳи Арт галиреяи «Сомониён» намоиши аксбардорони ҷавон зери унвони «Нигоҳи дирӯзу имрӯз» баргузор гардид. Дар намоиш 30 адад аксҳои аксбардорони ҷавон Ҷӯрабой Ҷумаев ва Санҷар Манасиян барои тамошо гузошта шуд.
Аксбардорон бештар маводи худро дар жанри «Чеҳранигорӣ» ва «Импревизатсия» манзури тамошобинон намуданд.
Дар расми ифтитоҳи он мудири Бахши ҷавонон варзиш ва сайёҳии шаҳри Хуҷанд Бахтиёр Исматҷонов ширкат намуда, зикр кард, ки ташаббуси ташкили ин намоишро Раиси шаҳри Хуҷанд Раҷаббой Аҳмадзода дастгирӣ намуда, пайваста барои дастгирии ҷавонони лаёқатманд ва эҷодкор тамоми имконияту шароитҳои мавҷударо фароҳам меоранд.

Муфассал... Шарҳ додан

Дар шаҳри Хуҷанд Рӯзи оила таҷлил гардид

15 Май 2014

Имрӯз бахшида ба Рӯзи байналхалқии оила бо ташаббуси Мақомоти иҷроияи ҳокимияти давлатии шаҳри Хуҷанд чорабинии идона баргузор гардид. Дар он 100 нафар шахсон аз оилаҳои барӯманд, оилаҳои ҷавон, собиқадорони меҳнат, пешқадамони соҳаҳои мухталифи маркази вилоят ширкат намуданд. Дар оғози тантана муовини Раиси вилояти Суғд Раънохон Бобоҷонова табрикоти Раиси вилояти Суғд Абдураҳмон Қодириро ба самъи ҳозирон расонд.
Муовини Раиси шаҳри Хуҷанд Умеда Муродова, кулли ҳозиронро бо Рӯзи байналхалқии оила аз номи Раиси шаҳри Хуҷанд Раҷаббой Аҳмадзода табрик намуд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода бахшида ба Рӯзи оила.

14 Май 2014

Ҳамдиёрони арҷманд!

Фарорасии Рӯзи байналхалқии оиларо аз номи Мақомоти иҷроияи ҳокимияти давлатии шаҳри Хуҷанд ба Шумо таҳният хонда, хоҳони оромиву ободии сарзамини соҳибихтиёр ва осудагии рӯзгори шаҳрвандон ва устувории бинои оила ҳастем.

Дар Конститутсияи (Сарқонуни) Ҷумҳурии Тоҷикистон қайд гардидааст, ки «Давлат оиларо ҳамчун асоси ҷамъият ҳимоя ва пуштибонӣ мекунад.» Ҷаноби Олӣ, Президенти кишвар, мӯҳтарам Эмомалӣ Раҳмон борҳо зикр намудаанд:«Солимии ҷомеаро аз тарбияи насли солим бояд донист, ки асоси онро оила мегузорад»Қабули Барномаи давлатӣ оид ба паҳлӯҳои мухталифи ҳаёти ҷомеа, бахусус, оила шаҳодати ғамхории рӯзафзуни давлат ва ҳукумат нисбат ба аҳли ҷамъият маҳсуб мешавад. Мақомоти иҷроияи ҳокимияти давлатии шаҳр иҷрои саривақтии ин барномаҳоро дар мадди назар гузоштааст.

Муфассал... Шарҳ додан

Озмуни довталабони стипендияи Раиси шаҳри Хуҷанд баргузор гардид.

(3 овоз, миёна 5.00 аз 5)

15 Май 2014

Мувофиқи қарори Раиси шаҳри Хуҷанд аз санаи 05 майи соли 2014 «Дар бораи таъсис додани стипендияи Раиси шаҳри Хуҷанд барои хонандагони мактабҳои таҳсилоти миёнаи умумӣ, омӯзишгоҳи касбӣ, донишҷуёни коллеҷу мактабҳои олии шаҳри Хуҷанд дар солҳои хониши 2013-2014» барои довталабон озмун баргузор гардид.

Дар оғоз муовини авали Раиси шаҳри Хуҷанд Иброҳим Иброҳимов, раиси комиссияи муқаррар намудани гирандагони стипендияи Раиси шаҳр ҳозиронро аз номи Раиси шаҳри Хуҷанд Раҷаббой Аҳмадзода баҳри иштироки фаъолона сипосмандӣ намуда, ба довталабон таманнои ғолибият намуд.
Дар он тибқи пешниҳоди муассисаҳои таълимӣ 72 нафар ширкат намуданд.
Мувофиқи Низомнома озмун аз рӯи шартҳои саволу ҷавоби тести, нақли хаттӣ бо ҷалби омӯзгорони ботаҷриба гузаронида шуд.

Муфассал... Шарҳ додан

Ҳашари ҷавонон барои обод намудани соҳили дарёи Сир.

14 Май 2014

Бо мақсади таҳкими сиёсати ободкорӣ ва созандагии Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корҳои назаррас ба анҷом мерасанд. Мақомоти иҷроияи ҳокимияти давлатии шаҳри Хуҷанд дар баробари гулзоркунии кӯчаю хиёбонҳо ва корҳои ободонӣ барои дар шароити мусоид нигоҳ доштани мавзеҳои истироҳатӣ ва соҳили дарёи Сир, ки рамзи зебогӣ ва нотакрории маркази вилоят аст, чораҳои амалӣ меандешад.
Тибқи дастури Раиси шаҳри Хуҷанд Раҷаббой Аҳмадзода ҷавонони фаъол ва варзишгарони мактабҳои варзишӣ ба ҳашар баромада, соҳили дарёро аз алафҳои бегона ва партов тоза намуданд.