АсосӣБойгонӣ

Навгонӣ

Консерт ба ифтихори ҷашни Истиқлолият идома дорад

04 Август 2013

Таи як моҳ мешавад ки дар Боғи фарҳангӣ-фароғатии ба номи К. Хуҷандии маркази вилоят, ҳаррузи шанбе соати 18.00, консерти ҳунармандони ҷавон ва шинохтаи вилояти Суғд баргузор мегардад. Санаи 3 август консерти навбатӣ бо иштироки Ихтиёр Сатторов, Анвар Болтуев, Ғолиб Юсупов, Анвар Ахмедов ва Домуллоҷон Юсупов баргзор гардид. Дар консерти ройгон зиёда аз панҷ хазор тамошобинон штирок намуда аз таронаҳои дилангези ҳунармандон баҳраманд гардиданд.

Муфассал... Шарҳ додан

Намоиш фуруши маҳсулот дар Хуҷанд

03 Август 2013

Ба истиқболи Иди Рамазон бо дастгирии Мақомоти иҷроияи ҳокимияти давлатии вилояти Суғд дар се мавзеи шаҳри Хучанд,-майдони «Ситораҳои Хуҷанд», маҳаллаи 20-ум ва 12-ум намоиш- фуруши маҳсулоти ниёзи мардум баргузор гардид. Дар он кишоварзони ноҳияҳои Б. Ғафуров, Спитамен, Зафаробод, Ғончӣ ва Шаҳристон ба ҳачми умумии 40 тоннагӣ маҳсулоти кишоварзии аз қабили орду равған биринҷу гушт картошка ва ғайраҳоро манзури сокинони шаҳр гардониданд. Аз рафти баргузории ин намоиш фуруш муовини Раиси вилояти Суғд Аҳмадҷон Қобилов ва Раиси шаҳри Хуҷанд Раҷаббой Каримов дидан намуданд.

Муфассал... Шарҳ додан

Сокинони шаҳри Хучанд шанбегӣ мегузаронанд

02 Август 2013

Тибқи дастури Раиси шаҳри Хуҷанд Раҷаббой Каримов ,санаи 3 август дар доираи чорабиниҳои «300 рузи ободонӣ» ва ба истиқболи Иди Рамазон дар тамоми 18 маҳалла , 8 китъаи маҳалли зист ва 13 қабристонҳои шаҳри Хуҷанд шанбегии оммавӣ гузаронида мешавад.

Пешбинӣ шудааст, ки сокинон мавзеҳои ахолинишин, ҷуйбору кучаҳо ва оромгоҳҳои шаҳрро аз партов ва алафҳои бегона тоза карда, намуди зоҳирии махалли зист ва биноҳоро ба тартиб медароранд. Хамзамон дар идомаи корҳои ободонӣ ва бунёдкорие,ки Мақомоти иҷроияи ҳокимияти давлатии шаҳри Хуҷанд пеша кардааст, ,дар кучаи Хайрӣ Раҷабова, корҳои мумфаршкунӣ оғоз меёбанд.

Шарҳ додан

Раиси шаҳри Хуҷанд шахсони барумандро аёдат намуд

03 Август 2013

Хабаргирии шахсони ниёзманд ва собиқадорони меҳнат дар арафи Иди Фитр ба ҳукми анъана даромадааст. Санаи 3 август Раиси шаҳри Хуҷанд Раҷаббой Каримов ба аёдати омузгори собиқадор Ҳақиқатхон Насруллоеваи 88 сола, рассом ва дузандаи моҳир Шаҳрванди фахрии шаҳри Хуҷанд, Зулфия Баҳриддиноваи 92 сола, Қаҳрамонмодар, нахустин тракторчизани вилоят соҳиби 110 набера ва абера Рафоат Насимоваи 90 сола, омузгор, собиқадори меҳнат Аълочии Маорифи Халқи Иттиҳоди Шуравӣ Мақсудахон Қосимоваи 80 сола рафт. Шахсони зикргардида дар баробари сокинони куҳансоли Хуҷанд будан, солиёни зиёд дар соҳаҳои мухталифи вилоят меҳнат намуда, соҳиби эҳтироми умум гардидаанд.

Муфассал... Шарҳ додан

Ба Хуҷанд «Корвони саломатӣ" омад

02 Август 2013

Бо дасгирии Мақомоти иҷроияи ҳокимияти давлатии вилояти Суғд ва шаҳри Хуҷанд 100 нафар духтурони баландихтисос ба маркази вилоят омада, ҳафт ҷарроҳии мураккаби ройгонро барои шахсони камбизоат гузарониданд.

«Корвони саломатӣ» дар беморхонаи клиникавии шаҳрии № 1 аз соати 8-и субҳ ба қабули сокинони маркази вилоят оғоз намуд. Дар ин рӯз тамоми хизматрасониҳои тиббӣ ба аҳолӣ ройгон буда, ҳадаф аз он тарзи ҳаёти солим ва наздик кардани хизматрасонии тиббӣ ба аҳолӣ арзёбӣ мешавад. То имрӯз нисбати 10 нафар шаҳрвандони вилоят ҷарроҳии мураккабро духтурони баландихтисос бо мувафаққият анҷом додаанд. Танҳо дар нимаи аввали руз зиёда аз се ҳазор нафар ба табибони «Корвони саломатӣ» муроҷиат намуда, кумаки амалии тиббӣ гирифтанд.

Шарҳ додан