АсосӣБойгонӣ

Навгонӣ

Табрики Раиси шаҳри Хуҷанд ба муносибати Рӯзи кормандони хадамоти ҳолатҳои фавқулодда ва мудофиаи гражданӣ

14 Август 2014

Дӯстони азиз!
Наҷотдиҳандагони ҳаёт ва молу амволи инсонҳо!
Боиси хушнудист, ки имсол таҷлили 20-солагии таъсисёбии Хадамоти ҳолатҳои фавқулодда ва мудофиаи граждании ҷумҳурӣ дар арафаи 20-умин солгарди қабули Конститутсияи Ҷумҳурии Тоҷикистон рост омадааст. Ба ин муносибат Мақомоти иҷроияи ҳокимияти давлатии шаҳри Хуҷанд кулли кормандони ситодро муборакбод намуда, дар кори пурмасъулу заҳматталаб, вале пурифтихор барору комёбиҳо таманно дорад.
Хадамоти ҳолатҳои фавқулодда ва мудофиаи гражданӣ дар замоне таъсис ёфт, ки Ҷумҳурии Тоҷикистон нав дар фазои соҳибихтиёрӣ парвоз оuоз мекард. Ва инак, тайи ин қадар солҳо заминаи кадриву техникии он мукаммалтар гашта, таҳким ёфтааст. Ин имкон медиҳад, ки дараҷаи оперативии ситод баланд гашта, талафоти ҷонӣ ва хисороти молӣ кам шавад.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи табибон

(1 овоз, миёна 5.00 аз 5)

14 Август 2014

Саломатӣ барои инсон давлати бузург ва аз зару зевар қиматтар аст ва ана ҳамин сиҳатиро маҳз табибон ва кулли кормандони муассисаҳои тандурустӣ ҳифз мекунанд. Аз номи Мақомоти иҷроияи ҳокимияти давлатии шаҳри Хуҷанд Шумо, табибони ҳозиқ, ҳамшираҳои шафқат ва собиқадорони муассисаҳои тиббиро бо Рӯзи кормандони тибби Тоҷикистони соҳибистиқлол самимона табрику муборакбод мегӯям. Орзу дорам, ки тандуруст, сарбаланду саодатманд ва ҳамеша омода ба ҳифзи сиҳатии омма бошанд.
Дар сатҳи баланди маънавию фарҳангӣ таҷлил кардани Иди касбии кормандони тиб, воқеан, ба зодрӯзи асосгузори тибби ҷаҳон Абӯалӣ ибни Сино рост меояд. Соли 2013-ум табибони олам 1033-солагии нобиғаи оламшумул, олим, файласуф, донишманд, классики адабиёти тоҷику форс ва энсиклопедисти беҳамто Абӯалӣ ибни Синоро ба таври хотирмон қайд карда буданд.

Муфассал... Шарҳ додан

Рӯзҳои фарҳангии ҷавонони тоҷику қирғиз дар шаҳри Хуҷанд.

(1 овоз, миёна 5.00 аз 5)

12 Август 2014

Пазироии гарму тантанавии иштирокдорон ва меҳмонони Рӯзҳои фарҳанги ҷавонони Ҷумҳурии Қирғизистон ва Ҷумҳурии Тоҷикистон дар назди ҳайкали сардафтари адабиёти классики тоҷик Абуабдулло Рӯдакӣ баргузор гардид. Раиси шаҳри Хуҷанд Раҷаббой Аҳмадзода бо ҳамроҳии ҷавонону зиёиёни маркази вилоят меҳмононро ба шаҳри бостонии Хуҷанд хайрамақдам гуфта, қайд намуд, ки робитаи ҷавонони шаҳри Хуҷанди вилояти Суғд ва шаҳри Баткенти вилояти Баткент заминаи усутвор дорад. Зеро муносибати хуби дӯстию рафоқати сокинон ва ба хусус ҷавонони ин ду шаҳри маркази вилоятҳо аз омилҳои хуби ҳамсоядорӣ ва эҳтироми таърихии арзишҳои ҳамдигар маншаъ мегирад. «Имрӯз шумораи зиёди ҷавонони қирғиз ба шаҳри Хуҷанд барои тамошо истироҳат ва меҳмонӣ меоянд.

Муфассал... Шарҳ додан

Таъмири кӯчаи «Загородная».

(2 овоз, миёна 5.00 аз 5)

13 Август 2014

Дар шаҳри Хуҷанд боз як кӯча аз таъмири ҷорӣ бароварда мешавад.
Раиси шаҳри Хуҷанд аз рафти корҳои мумфаршкунии кӯчаи «Загородная», дар маҳаллаи «Бофанда» дидан намуда, барои сари вақт ва бо сифат ба анҷом расондани таъмири роҳи мазкур ба роҳсозон дастурҳои мушаххас дод.
Дар доираи барномаи «Соли 2014 соли роҳҳои обод» Мақомоти иҷроияи ҳокимияти давлатии шаҳри Хуҷанд тибқи нақша бояд 116 км роҳҳои марказивилоятро таъмир намуда, то интиҳои соли равон, тасмим дорад, корҳои нақшавиро ба анҷом расонад.
Лозим ба ёдоварист, ки ин роҳ яке аз роҳҳои асосии маҳаллаи номбурда буда, он беморхонаи шаҳрии №2 –ро бо роҳи марказӣ мепайвандад.

Муфассал... Шарҳ додан

Майдончаҳои варзишии нав дар Рӯзи варзишгарон.

(1 овоз, миёна 5.00 аз 5)

09 Август 2014

Бахшида ба Рӯзи варзишгарон маҳаллаҳои «Дӯстии халқҳо» ва «Бофанда» майдончаи варзишӣ ба истифода дода шуд. Дар маросими ба истифодадиҳии онҳо Раиси шаҳри Хуҷанд Раҷаббой Аҳмадзода ширкат намуд.
Раҷаббой Аҳмадзода ҷамъомадагонро бо Рӯзи варзишгарон табрик намуда, зикр намуд,ки ҳоло дар шаҳри Хуҷанд тибқи нақшаи Мақомоти иҷроияи ҳокимияти давлатии шаҳри Хуҷанд то интиҳои сол бояд 20 майдончаи варзишӣ сохта ба истифода дода мешавад.
«Яке аз самтҳои асосии сиёсати Президенти Ҷумҳурии Тоҷикистон, Ҷаноби Олӣ, мӯхтарам Эмомалӣ Раҳмон ин рушди варзиш ва тавассути он тарғиби тарзи ҳаёти солим аст.
Мавҷудияти майдончаҳои варзишӣ, фароҳам овардани шароитҳои мусоид бевосита дар худи маҳаллаҳо ва назди биноҳои истикоматӣ барои ноил гаштан ба ин ҳадафҳо замина мегузорад».