АсосӣБойгонӣ

Навгонӣ

Ҳисоботи эҷодии муассисаҳои таълимии мусиқӣ ва ҳунарӣ

(1 овоз, миёна 5.00 аз 5)

04 Июн 2015

Ҳамасола баъди интиҳои соли хониш муассисаҳои таълимии мусиқӣ ва ҳунарии шаҳри Хуҷанд ҳисоботи эҷодии худро доир менамоянд.
Бори нахуст бо дастгирии Мақомоти иҷроияи ҳокимияти давлатии шаҳри Хуҷанд дар Қасри фарҳангии ба номи А.Рӯдакӣ ҳисоботи эҷодии якҷояи ин таълимгоҳҳо доир гардид.
Раиси шаҳри Хуҷанд Раҷаббой Аҳмадзода аз намоиши маҳсули меҳнати аъзоёни маҳфилҳои ин муассисаҳои таълимӣ дидан намуда, дар консерти ҳисоботии ҳунармандони ҷавон иштирок намуд.
Ҳангоми боздид аз асарҳои офаридаи рассомон, дӯзандаҳо, кешбофон ва дигар ҳунармандону эҷодкорон Раиси шаҳри Хуҷанд аз завқи бадеӣ ва ҳунарии тарбиятгирандон изҳори қаноатмандӣ намуда, ба мутасаддиёни соҳаи фарҳанг, маориф ва ин муассисаҳо супориш дод, ки дар Маҷмааи фарҳангию таърихии «Қалъаи Хуҷанд» мағзаи махсуси фурӯши маҳсулоти ин таълимгоҳхоро ташкил намоянд.

Муфассал... Шарҳ додан

Гузари «Заргарон» баъди 40 сол таъмир мешавад

(1 овоз, миёна 5.00 аз 5)

03 Июн 2015

Дар баробари таъмиру азнавсозии кӯчаҳои марказӣ ва хиёбонҳои шаҳр, таъмири гузару тангкӯчаҳои маҳаллаҳои маркази вилоят идома дорад.
Аз субҳи барвақт сокинони кӯчаи Давронбек Аҳмадбеков ҳама якдилона барои иштирок дар ҳашар ҷамъ омада буданд. Кӯчаи мазкур яке аз гузарҳои қадимаи шаҳри Хуҷанд буда, байни сокинони шаҳр он бо номи гузари «Заргарон» маъмул аст.
Дар ин кӯча 90 ҳавлӣ ва 130 оила зиндагӣ мекунанд.
Ва инак баъди 40 сол дар кӯчаи онҳо таъмири роҳ ва мумфаршкунӣ оғоз ёфт.
Ба муносибати ифтитоҳи корҳои асфалтхобонӣ Раиси шаҳри Хуҷанд Раҷаббой Аҳмадзода ба кӯчаи мазкур омада бо роҳсозон, бошандагон ва фаъолони маҳалла сӯҳбат намуд.

Муфассал... Шарҳ додан

Сохтмони бинои нави кӯдакистон оғоз ёфт.

(2 овоз, миёна 5.00 аз 5)

02 Июн 2015

Бахшида ба Рӯзи муҳофизати кӯдакон азнавсозӣ ва сохтмони бинои нави кӯдакистони № 16 маркази вилоят оғоз гардид.
Боғчаи мазкур аз соли 1959 фаъолият дошта, ба ҷойи 50 кӯдаки нақшавӣ зиёда аз 80 нафарро ба таълиму фароғт фаро гирифта буд.
Ба ин муносибат дар саҳни боғчаи мазкур маросими гузоштани хишти аввал баргузор гардид. Дар ин маросим Раиси шаҳри Хуҷанд Раҷаббой Аҳмадзода иштирок намуд.
«Таъмини шароити мусоид ва тарбияи сазовор барои насли оянда, аз муҳимтарин самтҳои стратегии кишвар аст, ки аз дастуру ҳидояти Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон сарчашма мегирад. Ин нуктаҳои муҳим дар баромади Раиси вилояти Суғд, мӯҳтарам Абдураҳмон Қодирӣ дар рӯзи таҷлили Рӯзи кӯдакон низ зикр ёфтанд. Бо назардошти ин дар шаҳри Хуҷанд доири фарогирии кӯдакон ба боғчаҳои бачагона нақшаи мушаххас таҳия гаштааст».

Муфассал... Шарҳ додан

Наврасони се бинои баландошёна соҳиби майдончаи варзишӣ шуданд.

(1 овоз, миёна 5.00 аз 5)

03 Июн 2015

Сокинони се бинои баландошёнаи маҳаллаи «Темурмалик», соҳиби майдончаи варзишӣ шуданд.
Ба ин муносибат дар назди биноҳои № 53 ва № 54 маҳаллаи номбурда ҳамоиши бо тантанаи сокинону меҳмонон баргузор гардид.
Дар ин ҳамоиш Раиси шаҳри Хуҷанд Раҷаббой Аҳмадзода иштирок намуд.
«Кушода шудани ин майдончаи варзишӣ иҷроиши яке аз нақшаҳои Мақомоти иҷроияи ҳокимияти давлатии шаҳри Хуҷанд дар асоси дастуру супоришҳои Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон аст. Мо этимод дорем, ки ин ғамхории сарвари давлат барои насли имрӯзу фардо таҳкимбахши ояндаи нек аст.» зикр намуд дар мулоқоти худ бо сокинони маҳалла Раиси шаҳри Хучанд.

Муфассал... Шарҳ додан

Раиси шаҳр кӯдакони имконияташон маҳдудро аёдат намуд.

(1 овоз, миёна 5.00 аз 5)

02 Июн 2015

Раиси шаҳри Хуҷанд Раҷаббой Аҳмадзода бахшида ба Рӯзи муҳофизати кӯдакон ба ёдати чанде аз кӯдакони имконияташон маҳдуд рафт.
Қаблан Раиси шаҳр ба аёдати Муҳаммадшариф Исломов рафт.
Муҳаммадшарифи 10 сола сола бо душворӣ сухан мегӯяд ва иллати шунавоӣ низ дорад.
Номбурда аз ташрифи Раиси шаҳр ба манзилаш изҳори хурсандӣ намуда, бо шавқмандии зиёд тӯҳфаҳои Раиси шаҳрро қабул намуд. Волидайнаш бо қаноатмандӣ изҳор намуданд, ки айни замон ӯ хонандаи синфи сеюми мактаб-парваришгоҳи махсуси ёрирасони шаҳр аст. Ба таҳсилу хониш шавқу таваҷҷӯҳ дорад.
Раҷаббой Аҳмадзода ҳамчунин аз холи кӯдакони имконяташон маҳдуд Амирҷон Юнусов, оилаи Раҳматовҳо, ки фарзандони маюбро тарбия менамоянд рафта таъкид намуд,