АсосӣБойгонӣ

Навгонӣ

Корҳои ободонӣ Хуҷандро зебо мегардонанд.

21 Июл 2015

Дар асоси супориши Раиси шаҳри Хуҷанд Раҷаббой Аҳмадзода давоми ду ҳафта дар ҳудуди шаҳр бо ҳамдастии сокинон ташкилоту муассисаҳо ва идораҳо дар интиҳои ҳафта ҳашари умумишаҳрӣ доир мегардад. Дар баробари ин таъмиру тармими объектҳои хоҷагии манзилию коммуналӣ кӯчаю хиёбонҳо, воситаҳои равшанидиҳии шаҳр идома ёфта шинондани гулҳои тирамоҳӣ оғоз ёфтаанд.
Давоми ду рӯз дар интиҳои ҳафтаи сипаригашта аз ҷониби гулкорони идораи кабудизоркунӣ ба миқдори 4000 дона гули тирамоҳӣ шинонда шуда, омода намудани майдонҳои гулкорӣ барои шинонидани навҳои гуногуни гулҳои тирамоҳӣ идома дорад. Ҳамчунин дар баробари тоза кардани ҷӯйборҳои қадди роҳҳои асосии шаҳр, корҳои таъмири ва тоза кардани ҳавзҳои фаввораҳои маҷмааи муҷассамаи И.Сомонӣ, муҷассамаи А.Рӯдакӣ ба сомон расонда шуд.

Муфассал... Шарҳ додан

Боз як фаввораи Хуҷанд азнавсозӣ мешавад.

21 Июл 2015

Дар баробари ободу зебо нигоҳ доштани маркази вилоят тибқи дастури Раиси шаҳри Хуҷанд Раҷаббой Аҳмадзода давоми моҳи равон азнавсозии чанде аз мавзеҳои фароғатии сокинон ба нақша гирифта шудааст. Яке аз онҳо фаввораи назди ҳайкали К. Хуҷандӣ дар шоҳроҳи ба номи И. Сомонӣ аст.
Фаввораи мазкур давоми ду ҳафта аст, ки бо меҳнати мутахассисону кормандони Идораи сохтмони асосии шаҳри Хуҷанд азнавсозӣ мешавад. Аз рӯи лоиҳа фаввораи мазкур тарҳи нав гирифта, он чароғакҳои ранга ороиш дода мешавад. Фишори оби фаввораҳо низ баландтар шуда, он аз қисмат иборат хоҳад буд. Баландии он бошад зиёда аз панҷ метр гашта, интизорӣ меравад намои хуштарҳу фаввораҳои ҷолиби он ба мавзеи номбурда ҳусни ҷадид зам хоҳад кард.

Муфассал... Шарҳ додан

Дар гузари «Кӯпруки баланд» чойхона азнавсозӣ шуда, боғчаи кӯдакон бунёд мегардад.

18 Июл 2015

Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон мақомоти маҳаллӣ кӯшиш менамояд дархост ва муроҷиати шаҳрвандонро сари вақт ҳаллу фасл намояд.
Рӯзи қабули шаҳрвандон якчанд сокинони гузари «Кӯпруки баланд»-и маҳаллаи «Чорчароғ» ба Раиси шаҳри Хуҷанд Раҷаббой Аҳмадзода барои мусоидат ва дастгирии таъмиру азнавсозии чойхонаи маҳалла муроҷиат намуда буданд.
Имрӯз Раиси шаҳри Хуҷанд Раҷаббой Аҳмадзода бо ҳамроҳии муовинон, роҳбарони сохторҳои меъморию шаҳрсозӣ, кумитаи замин, муасссисаи ободонӣ ба чойхонаи гузари «Кӯпруки баланд» омад.
Сокинони ба Раиси шаҳри Хуҷанд доири таъмирталаб будани чойхонаи ин гузар маълумот дода изҳор намуданд, ки дар сурати дастгирии макомоти маҳаллӣ онҳо низ тариқи ҳашар барои ободонии ин чойхона саҳми худро хоҳанд гузошт.

Муфассал... Шарҳ додан

Раиси шаҳр бо сокинони маҳалли азнавсохташаванда сӯҳбат намуд.

20 Июл 2015

Дар асоси накшаи генералӣ ва лоиҳаи азнавсозии кӯчаю хиёбонҳо дар маркази вилоят сохтмону бозсозии чандин иншоотҳои муҳим ва бунёди хонаҳои истиқоматии баландошёна пешбинӣ гаштааст.
Раиси шаҳри Хуҷанд Раҷаббой Аҳмадзода бо сокинони бинои дуошёна, ки дар кӯчаи ба номи Камоли Хуҷандӣ № 134 аст, мулоқот намуд.
Бинои мазкур тибқи нақшаи генералии шаҳрсозӣ бо мақсади васеъ намудани кӯчаи ба номи К Хуҷандӣ ва аз байн бурдани биноҳои мӯҳлати истифодаашон ба охир расида, бояд азнавсозӣ шавад.
Дар асоси нақшаи номбурда ва тасдиқи Шӯрои шаҳрсозӣ ба ҷойи бинои мазкур аз ҷониби Ширкати сохтмонии ҶДММ «Эҷод» бунёди як бинои 12 ошёнаи 54 ҳуҷрагӣ ба нақша гирифта шудааст.

Муфассал... Шарҳ додан

Раиси шаҳр баробари аёдат мушкилоти ниёзмандонро ҳал мекунад

(1 овоз, миёна 5.00 аз 5)

16 Июл 2015

Ба муносибати Иди саиди Фитр аз ҷониби Раиси шаҳри Хуҷанд, вакилони маҳаллӣ корхонаву ташкилотҳо ва соҳибкорон зиёда аз се ҳазор нафар шахсони бемор, яккаву танҳо нафарони камбизоат ва пирони рӯзгордидаю собиқадорони меҳнати шаҳр аёдат карда шуданд.
Раиси шаҳри Хуҷанд ба аёдати якчанд нафар шахсони ниёзманд ва бемору танҳо рафта, онҳоро бо Иди саиди Фитр аз номи Президенти Ҷумҳурии Тоҷикистон ва Раиси вилояти Суғд табрик намуд.
Арафаи Иди Фитр шодии ду оилаи эҳтиёҷманди шаҳри Хуҷанд,- оилаи Абдуллоевҳо ва Зумратовҳоро канор набуд.
Толиб Абдуллоев сокини шаҳри Хуҷанд буда дар муассисаи идораи нақлиёти санитарӣ фаъолият дорад. Номбурда беш аз 20 сол мешавад, ки иҷоранишин буда, ҳамроҳи ҳамсари бемораш се кӯдаки ноболиғро ба воя мерасонад.