АсосӣБойгонӣ

Навгонӣ

Семинар-машварат оид ба сабақҳои омӯхташуда

07 Август 2015

Дар доираи Созишномаи кӯмаки башардӯстона - бунёди вижаи вокуниш ба ҳолатҳои фавқулодда, ки ба оилаҳои зарардида аз офати табиӣ дар шаҳру ноҳияҳои Исфара, Ҷ.Расулов ва Айнии вилояти Суғд барои 130 оила аз ҳисоби Федератсияи байналмилалии ҷамъиятҳои Салиби Сурх ва Ҳилоли Аҳмар маводҳои ғайрихӯрока, аз ҷумла кампал, рахти хоб, болиш, бистар, ҷиҳози обгирӣ, сатили пластмасӣ, бел, каланд, маводҳои ошхонаву гигиенӣ дастрас карда шудааст, бо мақсади ҳамоҳангсозии минбаъдаи фаъолияти дастаҳои миллӣ ба ҳолатҳои фавқулодда дар маҳал рӯзи 5 августи соли 2015 дар шаҳри Хуҷанд семинар-машварат оид ба сабақҳои омӯхташуда баргузор гардид.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода ба муносибати Рӯзи кормандони сохтмон

07 Август 2015

Кормандони ташкилотҳои бинокорӣ, кули сохтмончиёнро ба муносибати иди касбиашон - Рӯзи сохтмончиён сидқан аз номи мақомоти иҷроияи ҳокимияти давлатии шаҳри Хуҷанд муборакбод менамоям. Барои ҳар яки онҳо тани сиҳату хотири ҷамъ, рӯзгори обод ва дар меҳнати пурифтихорашон баҳри ободию шукуфоии кишвари азизамон муваффақиятҳо хоҳонам.
Аслан мафҳуми созандагию бунёдкориро ҳам ба сохтани иморат, бунёди шаҳру деҳот ва ҳам ба тафаккури покизаи инсонӣ, обод кардани иморати зиндагӣ, бунёдгузории ҳаёти нав нисбат медиҳанд. Аз ин хотир тазаккур бояд дод, ки рӯ ба созандагӣ ниҳодани мамлакат, бунёди даҳҳо иншооти таъиноти иҷтимоию маишӣ ва фарҳангӣ, торафт ободу зебо гардондани манзилу макон нишони тинҷию осоиш, устувории сулҳу амонӣ ва хотири ҷамъи мардумон аст.

Муфассал... Шарҳ додан

Ҷаласаи кории Раиси шаҳри Хуҷанд.

06 Август 2015

Имрӯз Раиси шаҳри Хуҷанд Раҷаббой Аҳмадзода бо иштироки муовинон, мудирони шӯъба ва роҳбарони як қатор сохторҳои мақомоти маҳаллӣ ҷаласаи корӣ доир намуд. Раиси шаҳри Хуҷанд доири дастуру супоришҳои Президенти Ҷумҳурии Тоҷикистон Эмомалӣ Раҳмон дар ҷаласаи васеи Ҳукумати ҷумҳурӣ, ки рӯзи гузашта баргузор гардида буд, ба масъулин супоришҳои мушаххас дод.
Таъкид гардид, ки то санаи 10 августи соли равон бояд тамоми муассисаҳои тиббӣ ва таълимӣ ҳамчунин муассисаҳои иҷтимоии шаҳр корҳои омодагӣ ба мавсими зимистонгузаронӣ ба анчом расонда шавад. Мутасаддиёни соҳа ба Раиси шаҳри Хуҷанд маълумот доданд, ки то имрӯз тамоми муассисахои соҳаи маориф ва тандрустӣ бо маблағҳои лозима таъмин гашта, дар мӯҳлати муқарраргардида, аз иҷрои нақшаи омодагӣ ба мавсими тирамоҳу зимистон иттилоъ хоҳанд дод.

Муфассал... Шарҳ додан

Табрикоти Раиси шаҳри Хуҷанд муҳтарам Раҷаббой Аҳмадзода бахшида ба Рӯзи варзишгарон

06 Август 2015

Варзишгарон, собиқадорону мураббиён ва кормандони соҳаи варзишро аз номи мақомоти иҷроияи ҳокимияти давлатии шаҳри Хуҷанд бо ин рӯзи муборак табрику таҳният гуфта, бароятон тансиҳативу хонаободӣ, бахту иқболи баланд ва дастовардҳои бузурги варзиширо таманно дорам.
Воқеан, варзиш дар ҳар давру замон қосиди сулҳу дӯстӣ ва муаррификунандаи ҷаҳони маънавию солимии миллату давлат буд ва минбаъд низ боқӣ хоҳад монд. Бо шарофати сиёсати хирадмандонаи Сарвари давлат, Ҷаноби Олӣ, муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи муҳими таркибӣ ва пураҳамияти арзишҳои фарҳангӣ гашта, рушду инкишоф додани он дар байни табақаҳои васеи омма яке аз омилҳои муҳими солимгардонии ҷомеа ба ҳисоб меравад.

Муфассал... Шарҳ додан

Маркази сайёри хунсупорӣ дар шаҳри Хуҷанд.

05 Август 2015

Имрӯз сокинони шахри Хуҷанд имкон доштанд, бо хоҳиши худ дар маркази сайёр хун супоранд.
Таи чанд сол аст, ки бо дастгирии Мақомоти иҷроияи ҳокимияти давлатии шаҳри Хуҷанд дар кӯчаю хиёбонҳои шаҳр маркази сайёри донорӣ ташкил карда мешавад.
Имрӯз низ дар назди дармонгоҳи дандонпизишкии маркази вилоят духтурон ва ҳамшираҳои тиббии Маркази хуни вилояти Суғд бунгоҳи тиббии қабули хунро ташкил намуда буданд.
Давоми нимаи аввали рӯз зиёда аз 40 нафар ба ин маркази сайёр муроҷиат намуда, 26 нафари онҳо хун супориданд.
Тибки муқаррароти қабулгашта дар аввал шахсони хоҳишманд аз муоинаи тиббӣ гузашта,