АсосӣБойгонӣ

Навгонӣ

«Биржаи меҳнат» барои кироякорон.

(1 овоз, миёна 5.00 аз 5)

04 Сентябр 2014

Акнун кироякорон дар қади роҳ ва ё дар кӯчаҳо саргардон нестанд, зеро имрӯз дар маҳаллаи «Гулистон-и шаҳри Хуҷанд «Биржаи меҳнат» барои кироякорон ба фаъолият оғоз намуд. Дар ин иншооти навбунед барои кироякорон тамоми шароит мухайё буда, барои сохтмони он 52 ҳазор сомонӣ маблағ сарф шудааст.
Субхи имрӯз ин иншооти нав бо иштироки Раиси шаҳри Хуҷанд Раҷаббой Аҳмадзода ба истифода дода шуд. Таъкид гардид, ки ҳадаф аз бунёди ин иншоот бо сарпаноҳи доимӣ таъмин намудани кироякорон дар фасли гармову сармо аст. «Биржаи меҳнат» аз ҷониби соҳибкори маҳаллӣ Абдулло Абдуҳалимов бунёд ёфта, барои ҷой ва дигар шароитҳои мавҷуда маблағ ситонда намешавад.

Муфассал... Шарҳ додан

Раиси вилояти Суғд меҳмони манзили шоира Фарзона шуд.

03 Сентябр 2014

Аёдату хабаргирии шахсони барӯманди диёр дар арафаи ҷашнҳои бузурги миллӣ аз ҷониби роҳбарияти Мақомоти иҷроияи ҳокимияти давлатии вилояту шаҳр ба ҳукми анъана даромадааст.
Субҳи имрӯз Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода ба хотири аёдат ба манзили истиқоматии собиқадори меҳнат, профессор, устоди Донишгоҳи Давлатии Хуҷанд ба номи академик Б. Ғафуров, модари Шоири халқии Тоҷикистон Фарзона, Бароат Ҳоҷибоева омаданд.
Меҳмононро фарзандони муаллима,- шоира Фарзона, профессор Матлуба Хоҷаева ва дигарон самимона пешвоз гирифтанд.
Раиси вилояти Суғд Абдураҳмон Қодирӣ онҳоро бо фарорасии ҷашни шукӯҳманди давлатӣ- 23 солагии Истиқлолияти Ҷумҳурии Тоҷикистон табрик намуда, изҳор намуд, ки дар таҳкими арзишҳои худшиносию ватандӯстӣ ва тарбияи насли созандаю бунёдкор саҳми омӯзгори маъруф Бароат Ҳоҷибоева ва шоира Фарзона қобили зикр аст.

Муфассал... Шарҳ додан

Журналистони оянда соҳиби студияи таълимӣ шуданд.

01 Сентябр 2014

Соли нави хониш дар тамоми муассисаҳои таълимии кишвар оғоз гардид. Ба ҳукми анъана даромадааст,ки дар чорабиниҳои бахшида ба оғози соли нави хониш ва Рӯзи дониш воқеаи фараҳбахш мувофиқат мекунад. Устодону донишҷӯёни бахши журналистии Донишгоҳи Давлатии Хуҷандро дар Рӯзи дониш тӯҳфаи сазоворро соҳиб гаштанд. Дар кафедраи журналистикаи ин боргоҳи илму маърифат студияи таълимии «Фурӯғ» ба фаъолият шурӯъ намуд.
Раиси вилояти Суғд Абдураҳмон Қодирӣ ва Раиси шаҳри Хуҷанд дар маросими фаъолсозии студияи таълимии телевизионии «Фурӯғ»-и назди кафедраи журналистика ва назарияи тарҷумаи Донишгоҳи давлатии Хуҷанд ба номи академик Бобоҷон Ғафуров иштирок намуданд.
Абдураҳмон Қодирӣ бо пахши тугмаи рамзӣ ба фаъолияти телестудия ҳусни оғоз бахшида, дар хитоб ба донишҷӯён таъкид намуд, ки барои баланд бардоштани малакаи касбӣ аз васоити техникии муосир самаранок истифода баранд.

Муфассал... Шарҳ додан

Ҷавонони шаҳри Хуҷанд дар амалиёти ҷумҳуриявӣ ширкат намуданд.

02 Сентябр 2014

Тибқи нақша-чорабинии Бахши ҷавонон варзиш ва сайёҳии шаҳри Хуҷанд Бахшида ба 20 солагии қабули Сарқонуни Ҷумҳурии Тоҷикистон бахши мазкур бо иштироки ҷавонони фаъоли маркази вилоят, варзишгарон ҳашари ободонӣ доир намуд. Дар тозаю обод гардондани толори варзиш,ки дар маҳаллаи «Мевағул» воқеъ аст, зиёда аз 150 нафар ҷавонону наврасон ширкат намуда, кучаю гулгашт ва роҳравҳои маҳаллаи зикргардидаро аз партов ва алафҳои бегона тоза намуданд.
Чорабинии мазкур дар доираи Амалиёти умумиҷумҳуриявии 100 рӯзи ободонӣ таҳти унвони « Мо ҷавонон ин ватанро сабзу хуррам мекунем» ва дастуру супоришҳои Раиси шаҳри Хуҷанд Раҷаббой Аҳмадзода доир гардид.

Шарҳ додан

Соли хониши нав бо толори варзишии навбунёд.

(1 овоз, миёна 5.00 аз 5)

01 Сентябр 2014

Субҳи имрӯз дар тамоми мактабҳои шаҳри Хуҷанд садои занги аввал аз оғози соли нави хониш ва Рӯзи дониш дарак дод.
Раиси шаҳри Хуҷанд Раҷаббой Аҳмадзода дар расми кушоди толори варзишии мактаби таҳсилоти умумии № 17 шаҳри Хуҷанд иштирок намуд.
Дар оғоз Раҷаббой Аҳмадзода собиқадорони соҳаи маориф, омӯзгорон толибилмон ва кулли ҳозиронро бо Рӯзи дониш табрик намуд.
Мактаби мазкур аз оғози фаъолияти худ аз соли 1967 барои гузаронидани дарсҳои тарбияи ҷисмонӣ имконият надошта, муаллимон дар фасли сармо машғулиятҳоро дохили синфхонаҳо доир менамуданд. Дар таълимгоҳи мазкур 560 нафар хонандагон таҳсил дошта, бунёди толори варзишӣ барои сифатан беҳтар гаштани тарбияи ҷисмонии онҳо мусоидат менамояд.