АсосӣБойгонӣ

Навгонӣ

Вазир сухторнишононро бо ид табрик намуд.

06 Ноябр 2014

Субҳи имрӯз ба қисми низомии хадамоти давлатии оташнишонии Вазорати корҳои дохилии Ҷумҳурии Тоҷикистон дар вилояти Суғд Вазири корҳои дохила Раҳимзода Рамазон Ҳамро, муовини аввали Раиси вилояти Суғд Ҷумъабой Сангинов ва Раиси шаҳри Хуҷанд Раҷаббой Аҳмадзода ташриф оварданд. Онҳо дар маросими кушодашавии бинои нави идораи хадамоти оташнишонии вилояти Суғд ширкат намуда, аз шароити кору фаъолияти ва ҳолати омодабошии қисми низомӣ ошно гаштанд.
Бинои нав аз ошхона, ҳуҷраҳои алоҳида иборат буда, ошёнаи дуюм бошад барои маҷлисгоҳ бо 30 ҷойи нишаст, пешбинӣ шудааст.
Роҳбарияти хадамоти оташнишонии вилоят ба меҳмонон воситаҳои оташнишонӣ, наклиётҳои махсус, либоси оташнишононро намоиш доданд. Таъкид гардид,ки тамоми воситаҳои сӯхторхомушкунандагон аз Федератсияи Россия харидорӣ шуда, барои сари вакт бартараф намудани ва пешгирӣ намудани сӯхтор пешбинӣ гардидааст.

Муфассал... Шарҳ додан

Сардори Раёсати омори шаҳри Хуҷанд иваз карда шуд.

06 Ноябр 2014

Дар мувофиқа бо Раиси шаҳри Хуҷанд ва фармони Директори Агентии омори назди Президенти Ҷумҳурии Тоҷикистон Ҳасанзода Гулнора Кенҷа сардори идораи мазкур дар шаҳри Хуҷанд Марҳабо Саидова тайин карда шуд.
Вобаста ба ин масъала Раиси шаҳри Хуҷанд Раҷаббой Аҳмадзода, Сардори Сарраёсати Агентии омори назди Президенти Ҷумҳурии Тоҷикистон дар вилояти Суғд Муним Холиқов ва ҳайати кормандони ин ниҳодро ба ҳузур пазируфт.
Муним Холиқов фармони аз вазифаи роҳбари Раёсати Агентии омор дар шаҳри Хуҷанд озод намудани Аҳмад Ғозиевро қироат намуда, иттилоъ дод,ки дар асоси фармони дигар Марҳабо Саидова ба ин вазифа тайин карда шудааст.
Раҷаббой Аҳмадзода барои фаъолияти пурсамари бистсолаи Аҳмад Ғозиев изҳори сипосмандӣ намуда,

Муфассал... Шарҳ додан

Хатнатӯйи тифлакон дар арафаи иди Сарқонун

05 Ноябр 2014

Боиси тазаккур аст, ки тибқи дастуру супоришҳои Президенти Ҷумҳурии Тоҷикистон Эмомалӣ Раҳмон аёдат ва дастгирии оилаҳои ниёзманд, баргузории тӯйи суннатӣ ва хонадоршавии шахсони ниёзманду оилаҳои камбизоат дар шаҳри Хуҷанд ба ҳукми анъана даромадааст.
Ба ҳамин монанд дар арафаи солгарди Сарқонуни кишвар дар маҳаллаи «Навбавҳор»-и шаҳри Хуҷанд тӯйи суннатии 20 нафар тифлакон аз оилаҳои камбизоат баргузор гардид. Раиси шаҳри Хуҷанд Раҷаббой Аҳмадзода ва ҳамроҳонаш ба тӯйхона ташриф оварда, кӯдаконро бо ин рӯзи фархунда таҳният гуфта, ба онҳо тӯҳфаҳои хотиравии МИҲД шаҳрро тақдим намуданд.
Лозим ба ёдоварист, ки аз оғози сол то ба имрӯз зиёда аз 2000 нафар шахсони эҳтиёҷманд аёдат карда шуда, ба онҳо кӯмаки моддӣ расонида шуд. Ҳамчунин беш аз 200 нафар кӯдакон аз чунин оилаҳо хатнатӯй карда шуданд.

Шарҳ додан

Мумфаршкунӣ дар шаҳри Хуҷанд идома дорад.

06 Ноябр 2014

Бо истифода аз ҳавои мусоид роҳсозон мумфаршкунии кӯчаҳоро идома медиҳанд.
Имрӯз боз як кӯчаи маҳаллаи «Навбаҳор» аз таъмири куллӣ бароварда шуд.
Раиси шаҳри Хуҷанд Раҷаббой Аҳмадзода ҳангоми боздид аз рафти асфалтхобонӣ барои сари вакт ва бо сифати баланд ба анҷом расондани корҳои таъмири роҳ таъмир дастур дод.
Аз ҷониби Раҷаббой Аҳмадзода зикр карда шуд,ки барномаи «Соли 2014- соли роҳҳои обод» ,ки бо ташаббуси Раиси вилояти Суғд Абдураҳмон Қодирӣ қабул гардидааст, дар маркази вилоят бо истифодаи тамоми имконияту захираҳои мавҷуда амалӣ мегардад. Дар баробари дастгирии Мақомоти иҷроияи ҳокимияти давлатии вилояти Суғд ва ташаббусҳои Мақомоти иҷроияи ҳокимияти давлатии шаҳри Хуҷанд соҳибкорони маҳаллӣ,саховатмандон ва сокинон низ дар ин амали хайр саҳми арзандаи худро мегузоранд.

Муфассал... Шарҳ додан

Бинои нави истиқоматӣ ба истиқболи ҷашн

05 Ноябр 2014

Дар шаҳри Хуҷанд бахшида ба ҷашни 20 солагии қабули Сарқонуни кишвар чорабиниҳои гуногун идома доранд. Боиси тазаккур аст, ки тибқи дастуру супоришҳои Президженти мамлакат Ҷаноби Олӣ мӯҳтарам Эмомалӣ Раҳмон соҳибкорон дар рушду нумӯи кишвар ва ободии диёр саҳми арзанда мегиранд.
Соҳибкор аз маркази вилоят Муртазо Алиев аз зумраи онҳоест, ки даст ба кори хайру саховат зада, нисбати ободии шаҳр саҳми сазовор мегирад.
Бо ташаббуси ӯ дар маҳаллаи «Навбаҳор» (микроноҳияи 34-ум) як бинои истиқоматии ҳозирзамон сохта шуд, ки маросими ба истифодадиҳии он субҳи имрӯз бо иштироки Раиси шаҳр Раҷаббой Аҳмадзода баргузор шуд.
Ёдовар мешаем, ки арзимши лоиҳавии бинои нави истиқоматии 6 ошёна 3 млн. сомонӣ буда, он иборат аз 36 ҳуҷраи истиқоматист.