АсосӣБойгонӣ

Навгонӣ

Ҳама ҷо анҷумани Наврӯз аст

23 Март 2016

Дар ширхогоҳ-кӯдакистони №24 ҷашни Наврӯзи байналмилал ботантана таҷлил карда шуд. Дар чорабинии наврӯзӣ, ки таҳти унвони «Наврӯз ҷаҳонӣ шуд!» баргузор гардид, ҳамаи кормандони ширхоргоҳ-кӯдакистон ва зиёда аз 300 нафар тарбиятгирандагон иштирок намуданд. Дар ин рӯз намоиши корҳои дастисохти миллии мураббиён, гӯшаи миллӣ иборат аз асбобҳои миллии қадима, дар як канори саҳна духтаракон бо сӯзанидӯзӣ, дар тарафи дигар духтаракони гурӯҳи калони томактабӣ ба ӯсмакашиву мӯйбофӣ машғул буданд. Аз тарафи мураббиёни ширхоргоҳ-кӯдакистон дастурхони миллӣ ороста шуд, ки дар он хӯрокҳои миллӣ ба монанди оши палав, шавла, шавлаи мошдор, қалама, қурутоб, чалпаки бо пиёз, ҳалвои тар, фатири равғанин, манту гузошта шуда буд. Дар дигар гӯша бошад, дастурхони наврӯзӣ бо номи «Ҳафтсин» ва «Ҳафтшин» густурда шуд.

Муфассал... Шарҳ додан

Наврӯзи «Дӯстии халқҳо» бо зиёиён

22 Март 2016

Таҷлили Наврӯзи Аҷам дар маҳаллаҳои шаҳр идома дорад. Имрӯз шодмонии сокинони маҳаллаи «Дӯстии халқҳо»-ро ҳадду канор набуд.
Зеро дар рӯзҳои таҷлили Наврӯзи оламафрӯз бошандагони биноҳои баландошёнаи № 38-39 соҳиби майдончаи варзишӣ гардиданд.
Қобили кайд аст, ки дар маросими чорабинии наврӯзӣ ва расми ифтитоҳи майдончаи варзишии навбунёд Раиси шаҳри Хуҷанд Раҷаббой Аҳмадзода ва ҳайати меҳмонон иштирокдорони ҳамоиши адабии ҳавзаи Наврӯз, ки дар пойтахти кишварамон шаҳри Душанбе доир гашта буд, ширкат намуданд.
Бештар аз 500 нафар сокинони маҳалла меҳмононро гарму самимӣ истиқбол намуда, бо ҳунару истеъдод, риояи суннатҳои наврӯзӣ, хони идона ошно намуданд. Ҳамчунин бо қувваи бошандагони маҳаллаи номбурда дар растаи наврӯзӣ намунаи маросимҳои наврӯзӣ ва суннатҳои мардуми минтақаҳои кишвар намоиш дода шуд.

Муфассал... Шарҳ додан

Лолахои Хучанд

22 Март 2016

Муфассал... Шарҳ додан

Иди Наврӯз ва хатнатӯйи дар Шабакаи барқи шаҳри Хуҷанд

22 Март 2016

Имрӯз дар Идораи шабакаҳои барқи шаҳри Хуҷанд чорабинии ботантанаи наврӯзӣ ва хатнатӯйии 6 нафар кӯдак аз оилаҳои ниёзманд баргузор гардид.
Дар саҳни коргоҳ, ки идона оро ёфта, шукӯҳи наврӯзиро дошт, кормандону пайвандони кӯдакон ҷамъ омада, суруру шодмонӣ доштанд.
Дар оғози ин маросими суннатӣ Раиси шаҳри Хуҷанд Раҷаббой Аҳмадзода кули кормандони Шабакаҳои барқии шаҳр ва пайвандони кӯдакони тӯйдоштаро бо фарорасии Наврӯзи Аҷам табрик намуд.
«Иқдомҳои нек ва дастуру супоришҳои ғамхоронаи Асосгузори сулҳу ваҳдат, Пешвои миллат, Ҷаноби Олӣ, мӯҳтарам Эмомалӣ Раҳмон доири дастгирии шахсони ниёзманд дар рӯзҳои иду маросимҳои мардумӣ дар шаҳри Хуҷанд дастгирии ҳамаҷониба дорад. Маҳз яке аз ойини наврӯзӣ ин ғамхорию дастгирии нафарони эҳтиёҷманд ва кушодани дастурхони хайру саховат аст,ки имрӯз мо шоҳиди он ҳастем» қайд намуд дар баромади худ Раиси шаҳри Хуҷанд.
Раҷаббой Аҳмадзода ва сардори идораи Шабакаҳои барқи шаҳр Рустам Пӯлотов ба 6 нафар кӯдакон тӯҳфаҳои пулӣ ва хотиравиро супориданд.

Шарҳ додан

Таҷлили бошукӯҳи Наврӯз дар Хуҷанд

(2 овоз, миёна 1.50 аз 5)

21 Март 2016

Имрӯз дар маркази вилоят сокинону меҳмонони шаҳри Хуҷанди бостонӣ қадами мубору файзбор, хуҷастапаю фараҳмандии Наврӯзро бо шукӯҳу шаҳомати хос таҷлил намуданд.
Аз субҳи барвақт таҷаммӯи сокинон оҳангу суруди дилнишон, руҳияи болидаи иштирокдорони ин иди суннатӣ дар саҳни театри мазҳака мусиқии ба номи К. Хуҷандӣ файзи идҷойро афзун намуда буд. Дар саргаҳи ид зери садои карнаю дойира Раиси шаҳри Хуҷанд Раҷаббой Ахмадзода меҳмонони Наврӯзи Хуҷандро бо нону намак, суманак ва таомҳои миллӣ гарм истиқбол намуд.
Шаҳрдори Хуҷанд Раҷаббой Аҳмадзода ҳайати бонуфузи бародаршаҳри Хуҷанд, шаҳри Могилев бо роҳбарии муовини аввали раиси Кумитаи иҷроияи шаҳри Могилев Александр Потемкин, Сардори Палатаи саноат ва савдои Федератсия Россия дар Ҷумҳурии Тоҷикистон Михаил Короблин, роҳбари Палатаи савдо ва саноати шаҳри Уралск Сергей Стругов ва дигар меҳмонон аз кишварҳои муштаракулманоферо ба Иди Наврӯзи Хуҷанд хайрамақдам гуфт.

Муфассал... Шарҳ додан