АсосӣБойгонӣ

Навгонӣ

Мусобиқаи шоҳмот байни собиқадорон баргузор гардид.

22 Декабр 2014

Бо ташаббуси Хонаи маданияти № 2 шаҳри Хуҷанд дар ҳамкорӣ бо Бахши ҷавонон варзиш ва сайёҳии Мақомоти иҷроияи ҳокимияти давлатии шаҳри Хуҷанд мусобиқаи шоҳмот байни собиқадорони меҳнати маҳаллаи 34-уми шаҳр, баргузор гардид.
Дар он 12 нафар аъзоёни маҳфили «Дӯсторони шоҳмот»,ки дар назди Хонаи маданияти № 2 амал мекунад, иштирок намуданд.
Дар оғози мусобиқа мудири бахши ҷавонон варзиш ва сайёҳӣ Бахтиёр Исматҷонов ба аъзоёни маҳфил ва иштирокдорони мусобиқа муваффақият хоста таъкид намуд,ки тибқи супориши Раиси шаҳри Хуҷанд Раҷаббой Аҳмадзода минбаъ низ фаъолияти маҳфилҳои гуногун, аз ҷумла фаъолияти чунин маҳфилҳое,ки дар маҳаллаҳо бо ташаббуси худи сокинон амал мекунад ҳамаҷониба дастгирӣ карда мешавад.

Муфассал... Шарҳ додан

Мактаби кӯхнатарини шаҳри Хуҷанд соҳиби толори варзишӣ мешавад.

(2 овоз, миёна 3.00 аз 5)

22 Декабр 2014

Моҳи равон ба таъсисёбии яке аз мактабҳои аввалини вилояти Суғд гимназияи № 1 ба номи Маҳмудхоҷа Беҳбудӣ 90 сол пур шуд.
Ба ин муносибат дар дабистони мазкур маҷлиси тантанавӣ баргузор гардид,ки дар он Раиси шаҳри Хуҷанд Раҷаббой Аҳмадзода иштирок намуд.
Дар оғоз Раиси шаҳри Хуҷанд ва собиқадорону омӯзгорони мактаб ба пояи лавҳаи ёдгорӣ, ки ба хотири аввалин омӯзгорони ин мактаб гузошта шудааст, гулчанбар гузошта поси хотири онҳоро гиромӣ доштанд.
Дар маҷлиси тантанавӣ ҳайати хонандагону омӯзгорони солҳои гуногун, собиқ роҳбарони ин дабистон ва шахсиятҳои шинохтаи кишвар, ки хатмкардаи ин мактабанд ҷамъ омада буданд.
Баъди қисмати муқаддимавӣ директории мактаб-гимназияи мазкур Хуршеда Атобоева суханро ба Раиси шаҳри Хуҷанд Раҷаббой Аҳмадзода дод.

Муфассал... Шарҳ додан

Кори комиссияи даъвати тирамоҳӣ натиҷагирӣ шуд.

(1 овоз, миёна 5.00 аз 5)

20 Декабр 2014

Бо иштироки Раиси шаҳри Хуҷанд Раҷаббой Аҳмадзода ҷаласаи ҷамбастии комиссияи даъвати тирамоҳии ҷавонон ба сафи Артиши Миллӣ баргузор гардид.
Дар оғоз Раиси комиссияи даъват, муовини аввали Раиси шаҳри Хуҷанд Иброҳим Иброҳимов доири фаъолияти комиссияи мазкур маълумот дода, фаъолияти пурсамари нозирони минтақавии Шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд, раисони кумитаҳои маҳаллаҳои «Бофанда», «Раззоқ», «Хуҷанд», чун намунаи ибрат боҳогузорӣ намуд.
Ҳамчунин қайд гардид,ки дар сурати фаъолияти натиҷабахши мутасаддиёни дигар маҳаллаҳо имкон буд нақшаи даъватро боз ҳам пештар иҷро намудан мумкин буд.
Мавсуф аз роҳбарияти маҳаллаҳои боқимондаро даъват намуд, ки барои мавсими даъвати соли оянда аз марҳилаи имрӯза оғоз намоянд.

Муфассал... Шарҳ додан

Ҷавонону варзишгарон дар ободонии шаҳр саҳм гузоштанд.

20 Декабр 2014

Тибқи дастури Раиси шаҳри Хуҷанд Раҷаббой Аҳмадзода имрӯз дар шаҳри Хуҷанд шанбегии умумишаҳрӣ гузаронида шуд.
Корхонаю муассисаҳои гуногун дар варзишгоҳи «Лочин», боғи «20 солагии Ғалаба» мавзеи фароғатию варзишии назди «Кӯпруки Ҷашнӣ» ва дигар мавзеи шаҳр муташаккилона ба шанбегӣ баромада барои ба тартиб даровардани мавзеҳои номбурда ва аз партов тоза намудани онҳо майдону гулгаштҳо саҳм гирифтанд.
Зиёда аз ҳазор нафар ҳашарчиён,ки аз ҳисоби ҷавонон варзишгарон муҳассилини синфҳои болоии мактабҳои шаҳр, кормандони ташкилотҳои дар минтақаҳои зикргардида ҷойгир шуда иборат буданд, барои беҳтар намудани намуди зоҳирии шаҳр иштироки фаъолона намуданд.
Лозим ба ёдоварист, ки шанбегии мазкур дар идомаи корҳои ободонӣ ва маъракаи ниҳолшинонӣ сурат мегирад, ки дар асоси нақшаи Мақомоти иҷроияи ҳокимияти давлатии шаҳри Хуҷанд пешбинӣ шудааст.

Шарҳ додан

Дар шаҳри Хуҷанд маъракаи ниҳолшинонӣ идома дорад.

(1 овоз, миёна 5.00 аз 5)

20 Декабр 2014

Имрӯз роҳбарон ва кормандони воҳидҳои сохтории Мақмоти иҷроияи ҳокимияти давлатии шаҳри Хуҷанд,Сарраёсати ободонӣ хоҷагию манзилӣ ва коммуналии шаҳр дар назди кӯпруки «Ҷашнӣ», хиёбонҳои «Сирдарё» ва ба номи Раҳим Ҷалил дар маъракаи ниҳолшинонӣ ширкат намуданд.
Раиси шаҳри Хуҷанд Раҷаббой Аҳмадзода ба корҳои ободонӣ ва ниҳолшинонӣ иштирок намуда, кулли сокинони маркази вилоятро даъват намуд, ки дар корҳои ободонӣ ва кабудизоркунии шаҳри Хуҷанд саҳм гузоранд.
Тибқи нақша то фасли баҳор бо кӯмаки сокинон, корхонаю ташкилотҳо ва мақомоти дахлдор то 100 ҳазор бех ниҳолу дарахтони ороишӣ, сояафкан ва мевадиҳанда шинонда мешаванд.
Бо ин мақсад дар марҳилаи аввал зиёда аз ҳазор бех ниҳоли навъи «Ардач» харидорӣ шуда, дар кӯчаю хиёбонҳои шаҳр шинонда хоҳад шуд.