АсосӣБойгонӣ

Навгонӣ

Нишаcти матбуотӣ бо Раиси вилоят

20 Июл 2013

Посухҳо қаноатбахш буданд

Рӯзи гузашта, 19-уми июли соли 2013 тибқи амру супориши Сардори давлат, мӯҳтарам Эмомалӣ Раҳмон дар толори маҷлисҳои Мақомоти иҷроияи ҳокимияти давлатии вилоят нишасти матбуотӣ бо иштироки Раиси вилояти Суғд, мӯҳтарам Қоҳир Расулзода доир гардид. Он аз рӯи натиҷаҳои хоҷагии халқи вилоят дар шаш моҳи сипарии соли 2013-ум гузаронида шуд. Дар нишаст хабарнигорони ВАО-и ватаниву хориҷӣ, ки дар қаламрави вилоят фаъолият мекунанд, иштирок доштанд. Мудири шӯъбаи иттилоот ва таҳлили Дастгоҳи Раиси вилоят Илҳом Ҷамолов нишасти матбуотиро ифтитоҳ намуд.

Раиси вилояти Суғд Қоҳир Расулзода дар бораи дастовардҳои муҳимтарини хоҷагии халқи вилоят дар ин давра ва фаъолияти Мақомоти иҷроияи ҳокимияти давлатии вилоят, шӯъбаю сохторҳои он гузориши мухтасар дод.

Муфассал... Шарҳ додан

Нишасти матбуотӣ

19 Июл 2013

Нишондиҳанда назаррас, сухан бо эътимод

Раиси шаҳри Хуҷанд Раҷаббой Каримов бо иштироки муовини Раиси вилоят Мубинҷон Қаюмов барои кормандони воситаҳои ахбори умуми шаҳр, вилоят ва ҷумҳурӣ нишасти матбуотӣ доир намуд. Мавзӯи асосӣ самараи фаъолияти Мақомоти иҷроияи ҳокимияти давлатии шаҳри Хуҷанд ҷиҳати пешбурди соҳаҳои муҳими хоҷагии халқи шаҳр мебошад. Ба гуфти Раиси шаҳр дар нимаи аввали соли 2013-ум аз ҷониби Мақомоти иҷроияи ҳокимияти давлатии шаҳри Хуҷанд ҷиҳати татбиқи Барномаи рушди иқтисодию иҷтимоӣ, қарорҳои Ҳукумати Ҷумҳурии Тоҷикистон, дастуру супоришоти Сарвари давлат дар самти суръатбахшӣ ба истеҳсолоти саноатӣ, таъмини тараққиёти ҳамаи соҳаҳои хоҷагии халқ, пешбурди кулли паҳлӯҳои ҳаёти ҷамъиятию сиёсӣ, иқтисодию иҷтимоӣ, фарҳангию маънавӣ, равнақи созандагию бунёдкорӣ ва ободонӣ тадбирҳои муҳим дар амал татбиқ карда шуданд.

Муфассал... Шарҳ додан

Гузориш аз иҷлосия

18 Июл 2013

Ҷавонон дар мадди назаранд

Субҳи рӯзи панҷшанбе, санаи 18-уми июли соли 2013 дар толори Маркази фарҳанги шаҳр Иҷлосияи чордаҳуми Маҷлиси вакилони халқи шаҳри Хуҷанд, даъвати чорум баргузор гардид.

Раиси шаҳри Хуҷанд, Раиси Маҷлис Раҷаббой Каримов иҷлосияро ифтитоҳ намуда, зикр кард, ки дар кори он бо намояндагӣ аз Мақомоти иҷроияи ҳокимияти давлатии вилояти Суғд, муовини Раиси вилоят Мубинҷон Қаюмов иштирок дорад. Ҳамзамон, роҳбарони сохторҳои давлатӣ, мақомоти ҳифзи ҳуқуқ, сардорону мудирони раёсату шӯъбаҳо ва бахшҳои мақомот, сарварони ташкилоту муассисаҳои таълимии томактабӣ, мактабӣ, раисони маҳалла ва қитъаҳои истифодабарии шаҳр ва намояндагони васоити ахбори омма ширкат намуданд.

Муфассал... Шарҳ додан

Гузориш аз маҷлиси фаъолони шаҳр

18 Июл 2013

Корро бояд ҷоннок намуд

Пас аз анҷоми Иҷлосияи чордаҳуми Маҷлиси вакилони халқи шаҳри Хуҷанд, даъвати чорум дар толори Маркази фарҳанг маҷлиси фаъолони шаҳр баргузор гардид.

Раиси шаҳри Хуҷанд Раҷаббой Каримов ба маҷлис ҳусни оғоз бахшида, зикр намуд, ки дар рӯзномаи он танҳо як масъала, оид ба натиҷаҳои рушди иҷтимоию иқтисодии шаҳри Хуҷанд дар нимсолаи аввали соли 2013-ум гузошта шуда, мавриди гуфтушунид қарор мегирад.

Доир ба вазъи иҷтимоию иқтисодии шаҳр дар моҳҳои январ-июни соли равон муовини Раиси шаҳри Хуҷанд Маҳмадӣ Давлатов гузориш дод. Мавсуф аз ҷумла қайд кард, ки дар моҳҳои январ-июни соли 2013-ум корхонаҳои саноатӣ ба маблағи 190 миллиону 525 ҳазор сомонӣ маҳсулот истеҳсол карданд, ки ин нисбат ба ҳамин давраи соли 2012-ум 12,9 фоиз зиёд аст.

Муфассал... Шарҳ додан

Пазироӣ: Шоду хушнуд аз сафар

16 Июл 2013

Раиси шаҳри Хуҷанд Раҷаббой Каримов гурӯҳи калони волидонро, ки бо иқдоми Мақомоти иҷроияи ҳокимияти давлатии шаҳри Хуҷанд ва бо дастгирии ҳамаҷонибаи Раиси вилояти Суғд, мӯҳтарам Қоҳир Расулзода барои дидорбинии фарзандонашон ба қисмҳои низомии шаҳри Душанбе, ноҳияҳои тобеи марказ ва водии Рашту вилояти Хатлон сафар карда буданд, ба ҳузур пазируфт.

Сароғоз Раиси шаҳр аз ҳоли падару модарон ва фарзандон-сарбозон пурсон шуд. Волидон аз шароити хидмати сарбозони Ватан-фарзандонашон, ки худ бевосита аз наздик бо чашмони хеш дидаанд ва хотирашон хеле ҷамъ шудааст, нақлҳои ҷолиб намуданд. Бахусус, модарони сарбозон Дилбар Нуриддинова, Мӯниса Ҳафизова, М.Файзиева, Б.Раҳимова ва падари сарбоз Абдусамад Абдуллоев аз шароити хидмат-ҷойи хоб, хурду хӯрок, таъминот бо сару либос ризомандӣ ва хотирҷамъии хешро баён карданд.

Муфассал... Шарҳ додан