АсосӣБойгонӣ

Навгонӣ

Сокинони маҳаллаҳои навбунёд бо оби нӯшокӣ таъмин хоҳанд шуд.

(3 овоз, миёна 5.00 аз 5)

26 Январ 2016

Бо ташаббуси Мақомоти иҷроияи ҳокимияти давлатии шаҳри Хуҷанд ва дастгирии Ҳукумати Ҷумҳурии Тоҷикистон давоми солҳои 2016-2017 маҳаллаҳои навбунёди аз 1 то 11 ва маҳаллаҳои 14 ва 15-уми шаҳри Хуҷанд бо оби нӯшокӣ таъмин хоҳанд шуд.
Доири мушкилоти ҷойдошта ҳангоми боздид аз ин маҳаллаҳо ва мулоқот бо Раиси шаҳри Хуҷанд Раҷаббой Аҳмадзода дар моҳи ноябри соли гузашта сокинон изҳори назар намуда буданд. Раиси шаҳри Хуҷанд ба масъулини идораи сохтмонӣ, шаҳрсозӣ ва обтаъминкунии шаҳр супориш дода буд,ки бобати ҳалли масъалаҳои ҷойдошта чораҷӯӣ намуда лоиҳаи бо оби нӯшокӣ таъмин намудани ин маҳаллаҳоро омода намоянд.
Бо ин мақсад лоиҳаи «Таҷдид ва зиёд намудани иқтидорҳои истгоҳи обкашии № 4 ва 4 «а» таҳия ва омода карда шуда, оғози корҳои лоиҳавӣ дар соли 2016 ба нақша гирифта шудааст.

Муфассал... Шарҳ додан

Марҳилаи сеюми лоиҳаи «Беҳтаррдонии вазъи таъминоти оби нӯшокӣ ва партовоб» оғоз мегардад.

(3 овоз, миёна 5.00 аз 5)

26 Январ 2016

Бо дастгирии Ҳукумати Ҷумҳурии Тоҷикистон давоми се сол аст,ки дар маркази вилоят,- шаҳри Хуҷанд лоиҳаи «Беҳтаррдонии вазъи таъминоти оби нӯшокӣ ва партовоб» амалӣ мегардад. Соли 2016 иҷроиши корҳои лоиҳавӣ дар доираи марҳилаи сеюми лоиҳаи зикргардида ба нақша гирифта шудааст.
Маблағгузории лоиҳаи мазкур тибқи созишномаи қарзӣ ва грантӣ байни Ҳукумати Ҷумҳурии Тоҷикистон Бонки Таҷдид ва Рушди Аврупо амалӣ гашта, он аз соли 2014 шурӯъ шудааст.
Марҳилаи якум ва дуюми лоиҳа давоми солҳои 2014 ва 2015 иҷро гардида бо мақсади таъмини саривақтӣ ва босифати оби нӯшокӣ дар шаҳри Хуҷанд ба маблағи умумии 13 миллиону 665 ҳазор доллари ИМА корҳо ба анҷом расонда шуданд.
Дар марҳилаи сеюми лоиҳа лоиҳа азнавсозии иншоотҳои партовоб, ивази қубурҳои партов ва оби нӯшокӣ, харидорӣ намудани обченкунакҳои ҳаҷмаш калон, таъмиру азнавсозии таҷҳизоти ташхисгоҳи оби нӯшокӣ ва партовоб пешбинӣ шудааст.

Муфассал... Шарҳ додан

Қабули шаҳрвандон аз ҷониби Раиси шаҳри Хуҷанд.

(3 овоз, миёна 5.00 аз 5)

23 Январ 2016

Қабули шаҳрвандон дар мақомоти маҳаллӣ ва баррасии масъалаҳои сокинон аз ҷониби роҳбарияти шаҳр бо иштироки масъулини сохторҳои дахлдор тариқи «Равзанаи ягона» яке аз самтҳои муҳими шаҳрдорӣ аст, ки аз дастуру супоришҳои Президенти Ҷумҳурии Тоҷикистон Эмомалӣ Раҳмон бармеояд.
Раиси шаҳри Хуҷанд Раҷаббой Аҳмадзода имрӯз бештар аз 50 нафар сокинони маркази вилоятро қабул намуда, бобати баррасии дархости онҳо ба роҳбарону мутасаддиёни марбута супоришҳои мушаххас дод.
Раиси шаҳри Хуҷанд дархости 10 нафар сокинонро доири кӯмак расондан барои таъмири манзилашон, хоҳиши 17 нафарро барои гирифтани манзил ва қитъаи замини наздиҳавлигӣ, муроҷиати 5 сокини шаҳри Хуҷандро барои дастрасии масолеҳи сохтмонӣ, муроҷиати якҷояи соҳибкоронро бобати аз байн бурдани иншооти худсохт шунида, барои баррасӣ ва ҳалли мусбии масъалаҳои ҷойдошта дастур ва мӯҳлат дод.

Шарҳ додан

Намоиш фурӯши маҳсулот дар шаҳри Хуҷанд.

(3 овоз, миёна 5.00 аз 5)

25 Январ 2016

Бо максади иҷроиши дастуру супоришҳои Президенти Ҷумҳурии Тоҷикистон Эмомалӣ Раҳмон ҳамчунин таъмини сокинони маркази вилоят бо маҳсулоти кишоварзӣ, ғизо ва нигоҳдории нархҳои нисбатан арзон дар маркази вилоят намоиш-фурӯши маҳсулоти ниёзи аввала ташкил шудааст. Ин тадбир имкон медиҳад, ки сокинон барои захираи маҳсулоти ниёзи худ дар фасли зимистон имконият пайдо намуда, ҳамзамон ба рақобати солими бозори дохили шароит фароҳам орад.
Дар дар майдони Театри мазҳака-мусиқии ба номи К. Хуҷандӣ дар интиҳои ҳафтаи сипаригашта чунин намоиш-фурӯши маҳсулоти кишоварзӣ баргузор гардид. Назар ба маълмуоти масъулини шӯъбаи савдои Мақомоти иҷрояи ҳокимяти давлатии шаҳри Хуҷанд аз ҷониби деҳқонону кишварзони ноҳияҳои вилоят бештар аз 30 тонна маҳсулот аз қабили гӯшту равған, катошкаю сабзӣ, пиёз ва ғайра ба фурӯш гузошта шуда буд.

Муфассал... Шарҳ додан

Машқи пагоҳии оммавӣ дар шаҳри Хуҷанд.

(3 овоз, миёна 5.00 аз 5)

23 Январ 2016

Субҳи имрӯз дар маркази вилоят шахри Хуҷанд бо иштироки бештар аз 300 нафар ҷавонону наврасон ва варзишгарони табҳои варзишии Хуҷанд машқи пагоҳӣ доир гардид. Иқдоми мазкур ҷихати иҷрои дастуру супориши Президенти Ҷумҳурии Тоҷикистон, Пешвои миллат, Ҷаноби Олӣ мӯҳтарам Эмомалӣ Раҳмон, нақшаи чорабинии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон, мақомоти иҷроияи ҳокимияти давлатии шаҳри Хуҷанд баргузор карда шуд. Ҳадафи баргузории ин чорабинии оммавӣ таблищи тарзи ҳаёти солим, мусоидат барои инкишофи ҳамаҷонибаи қобилияти ҷисмонии инсон аст.