АсосӣБойгонӣ

Навгонӣ

Шанбегӣ дар шаҳри Хуҷанд муташаккилона гузашт.

(2 овоз, миёна 5.00 аз 5)

10 Январ 2015

Тибқи супориши Раиси шаҳри Хуҷанд Раҷаббой Аҳмадзода имрӯз тамоми кормандони муасссисаҳои варзишӣ сокинони маҳаллаҳо, идораҳои ободонӣ ва мазилию коммуналӣ, варзишгарон ба шанбегии умумишаҳрӣ баромаданд.
Кормандони номбурда дар мавзеи вобастаи шуд дарахту буттаҳоро ба тартиб дароварда, ҷуйборҳоро тоза намуданд. Дар баробари ин дар мавзеи муассисаҳои варзишии шаҳр,- ҳавзи шиноварӣ варзишгоҳ, корти теннисӣ бошад зиёда аз 50 нафар кормандони ин иншоотҳо ва варзишгарон майдонҳои атрофро аз алафҳои бегона ва хушкида тоза намуда, барои минбаъд шинондани гулҳои ороишӣ омода намуданд.
Бо мақсади иҷроиши дастури Раиси шаҳри Хуҷанд коргарону мутахассисони идораи кабудизоркунӣ, ободонӣ ва идораи махсуси партовкашонӣ майдони дарахтзори кӯпруки марказии шаҳрро аз дарахтони хушкида ва алафҳои бегонаи худрӯй тоза намуда онро ҳамвор намуданд.

Муфассал... Шарҳ додан

Дар арафаи Наврӯз сарҳадбонон соҳиби хобгоҳ мешаванд.

09 Январ 2015

Соли 2015 дар шаҳри Хуҷанд ба фаъолият оғоз намудани чанд иншоотҳои наву замонавӣ пешбинӣ гаштааст.
Аз ҷумлаи яке аз ин иншоотҳо хобгоҳи нав барои афсарони қисми низомии Қӯшунҳои сарҳадиии марзбонони Кумитаи давлатии амнияти миллии Ҷумҳурии Тоҷикистон дар вилояти Суғд мебошад.
Бо мақсади шиносоии бо корҳои сохтмонӣ Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода ба мавзеи хобгоҳи оянда омаданд.
Айни замон қисмати асосии корҳои сохтмонӣ ба анҷом расида корҳои пардозгарӣ ва рангубордиҳӣ шурӯъ шудааст.
Сохтмони иншооти мазкур дар нимаи дуюми соли сипаригашта оғоз шуда, дар арафаи таҷлили Иди Наврӯз ба истифода дода мешавад.
Хобгоҳи мазкур аз се ошёна иборат буда барои 200 нафар хизматчиёни ҳарбии қисмҳои низомии сарҳадбонон пешбинӣ шудааст.

Муфассал... Шарҳ додан

Низомиён аз қалъаи таърихии шаҳри Хуҷанд мекӯчанд.

(1 овоз, миёна 5.00 аз 5)

07 Январ 2015

Дар асоси дастури Президенти Ҷумҳурии Тоҷикистон Эмомалӣ Раҳмон то ҷашни Наврӯзи умумиҷаҳонӣ дар шаҳри Хуҷанд қисми низомии 3501 қӯшунҳои дохилии Вазорати корҳои дохилии Ҷумҳурии Тоҷикистон аз худуди қалъаи таърихӣ бояд бароварда шавад.
Бо ин мақсад айни замон дар қисмати дигари шаҳр корҳои сохтмонӣ азнавсозӣ барои кӯчондани қисми низомии мазкур рафта истодааст. Бо мақсади шиносоӣ аз рафти корҳои омодагӣ сохтмонӣ дар макони нави будубоши низомиён Раиси вилояти Суғд Абдураҳмон Қодирӣ, Раиси шаҳри Хуҷанд Раҷаббой Аҳмадзода ва Вазири корҳои дохилӣ генерал-лейтенанти милитсия Раҳимзода Рамазон Ҳамро ба маҳалли нави шаҳраки низомиён омаданд.
Тибқи нақшаи лоиҳавӣ дар макони нави қисми низомӣ тамоми шароитҳо барои хизмати афсарону сарбозон аз қабили ҳуҷраҳои хизматӣ, иншоотҳои ёрирасон, толори варзиш ва маҷлисгоҳро дар бар мегирад.

Муфассал... Шарҳ додан

Барои гулзоркунии шаҳри Хуҷанд мутахассисони туркӣ ҷалб мешаванд.

08 Январ 2015

Дар асоси дастури Раиси вилояти Суғд Абдураҳмон Қодирӣ дар кори ҷаласаи нахустини худ дар соли 2015, Раиси шаҳри Хуҷанд Раҷаббой Аҳмадзода ба мутахассисони соҳаи ободонӣ ва кабудизоркунӣ супориш дода буд, ки барои сарсабзу гулпӯш намудани шаҳри Хуҷанд, дар ҳама мавсими сол чораҳои амалӣ андешиданд.
Ҳамчунин таъкид гардида буд, ки нақшаи тарҳу усул ва шинондани навъҳои гуногуни гулҳои ороиширо таҳия намуда аз моҳи январ корҳои омодагиро барои гулзоркуниии маркази вилоят шурӯъ намоянд.
Бо ин мақсад Раиси шаҳри Хуҷанд Раҷаббой Аҳмадзода намояндаи ширкатҳои туркии «Буюкфиданч-илик», Дурусу финдан-илик, «Асия лала» Тоҳир Саидзода, Темир Гумуш, Саваш Байрактарро қабул намуд.

Муфассал... Шарҳ додан

Бинои иловаги барои милитсионерони шаҳри Хуҷанд сохта мешавад.

07 Январ 2015

Имрӯз дар Шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд сохтмони бинои шӯъбаи мазкур оғоз ёфт.
Дар расми оғози бунёди ин иншоот Раиси шаҳри Хуҷанд Раҷаббой Аҳмадзода ва Вазири корҳои дохилии Ҷумҳурии Тоҷикистон Раҳимзода Рамазон Ҳамро иштирок намуданд. Сараввал Вазири корҳои дохилӣ Раҳимзода Рамазон Ҳамро ба 10 нафар нозирони минтақавӣ барои фаъолияти пурсамараашон дар соли сипаригашта тӯҳфаҳои хотиравӣ супорид.
Бинои иловагии шӯъбаи номбурда иборат аз ду ошёна ва таҳхона иборат буда, он аз ҳуҷраҳои корӣ, толори варзишӣ маҷлисгоҳ ва чанд имкониятҳои иловагӣ баро фаъолияти пурсамари кормандони милисаи шаҳри Хуҷанд иборат аст.
Раиси шаҳри Хуҷанд Раҷаббой Аҳмадзода ба сохтмончиён супориш дод,ки бинои нав бояд то ҷашни Истиқлолияти давлатии Ҷумҳурии Тоҷикистон соли 2015 мавриди истифода қарор гирад.

Муфассал... Шарҳ додан