АсосӣБойгонӣ

Навгонӣ

Масъулияти бештар дар иҷрои вазифа

(1 овоз, миёна 5.00 аз 5)

09 Феврал 2016

Ҷаласаи Шӯрои ҷамъиятии шаҳри Хуҷандро Раиси Шӯрои ҷамъиятӣ Раҷаббой Аҳмадзода ифтитоҳ намуда, ба аъзои шӯрои маълум сохт, ки дар ҷаласа се масъала мавриди баррасӣ ба муҳокимаронӣ қарор мегирад.
Масъалаи якум, оид ба тасдиқи ваколати аъзои Шӯрои ҷамъиятӣ, ки намояндаи худро дар Шӯрои ҷамъиятӣ иваз намудааст, пешбинӣ шудааст. Ба сабаби вафоти Ҳошим Осимов, раиси собиқадорони ҷангу меҳнат Мӯъминҷон Орифов ва бо сабаби иваз шудани ҷойи кори Зулфия Умарова, вазифаи котиби ҳамонҳангсози Шӯрои ҷамъиятӣ бар уҳдаи сармутахассиси шӯъбаи рушди ҷомеа ва робита бо ҷомеаи шаҳр Умеда Сайдуллоева вогузор карда шавад. Оид ба ин масъала Қарор қабул гардид.
Масъалаи дуюм, оид ба нақшаи фаъолияти Шӯрои ҷамъиятии шаҳри Хуҷанд барои соли 2016 пешниҳод ва бо қарор тасдиқ гардид.

Муфассал... Шарҳ додан

Ҷаласаи корӣ

(1 овоз, миёна 5.00 аз 5)

08 Феврал 2016

Субҳи имрӯз таҳти раёсати Раиси шаҳри Хуҷанд Раҷаббой Аҳмадзода бо иштироки роҳбарони сохторҳои МИҲД –и шаҳр, муовинони раиси шаҳр ҷаласаи корӣ баргузор гардид.
Бо мақсади сазовор истиқбол гирифтани 25-умин солгарди Истиқлолияти давлатии Ҷумҳурии Тоҷикистон ва иҷрои дастури Роҳбари давлат аз ин пас моҳе як маротиба нишондиҳандаҳои иқтисодию иҷтимоии шаҳр мавриди баррасиву таҳлил қарор дода хоҳад шуд,-гуфт Раҷаббой Аҳмадзода.
Нахсуст вазъи иҷрои буҷет баррасӣ шуд. Бино ба гуфти раиси шаҳр бо вуҷуди нақшаи ҷамъоварии маблағи андоз 103,2 фисад иҷро шудан нақшаи 5 намуди андоз иҷро нашудааст. Бақияи қарзи андоз ташвишовар боқӣ мемонад. Сардори Нозироти андози шаҳр Абдурауф Ҷумъаев изҳор дошт, ки хусусан ҷамъоварии андози амволи манқул ва ғайриманқул ташвишовар буда, кӯмаки мақомоти маҳаллии ҳокимияти давлатиро лозим аст.

Муфассал... Шарҳ додан

Номгӯи маҳсулоти намоиш- фурӯш зиёд мегардад.

(1 овоз, миёна 5.00 аз 5)

07 Феврал 2016

Бо мақсади иҷроиши дастуру супоришҳои Президенти Ҷумҳурии Тоҷикистон, Пешвои миллат Эмомали Раҳмон бобати таъмини сокинони маркази вилоят бо маводи хӯрока дар фасли зимистон бо нархҳои дастрас рӯзҳои истироҳат дар маркази шаҳр ярмарка-фурӯши маҳсулоти ниёзи аввала баргузор мегардад.
Рузҳои шанбе ва якшанбе кишоварзони ноҳияи вилояти Суғд дар ин намоиш маҳсулоти гуногунро барои харидори намудани бошандагони Хуҷанд пешкаш намуданд.
Хоҳишмандон аз сифату номгӯи маҳсулоти пешкашшуда изҳори қаноатманди намуда, барои ин тадбири муҳим ба давлату ҳукумат изҳори сипосманди менамуданд.
Назар ба гуфти харидорон онхо аз ин намоиш-фурӯш имкон доштанд сабзиро бо 60 -70 дирами, картошкаро бо нархи 1с 20 1 с 50 дирам, гӯшт 25-27 сомонӣ ва дигар маводи ғизоро бо нархҳои то 30 фоиз арзон харидорӣ намоянд.

Муфассал... Шарҳ додан

Шанбегӣ барои боз ҳам обод гаштани шаҳр мусоидат намуд.

(1 овоз, миёна 5.00 аз 5)

07 Феврал 2016

Дар асоси супориши Раиси шаҳри Хуҷанд Раҷаббой Аҳмадзода, эълон гаштани «300 рӯзи ободонӣ», нақшаи Мақомоти иҷроияи ҳокимияти давлатии шаҳри Хуҷанд ва бахшида ба таҷлили санаҳои таърихӣ,- Иди Наврӯз, 25 солагии Истиқлолияти давлатии Ҷумҳурии Тоҷикистон, дар маркази вилоят шанбегии умумишаҳрӣ баргузор шуд.
Назар ба маълумоти ситоди ин шанбегӣ шумораи иштирокчиён бештар аз 20 ҳазор нафарро ташкил дода, аз ин шумора бештар аз 12 ҳазор нафар дар корҳои тозаю обод намудани минтақаҳои гуногуни шаҳр саҳм гирифтанд.
Давоми рӯз бо кӯмаки ҳашарчиён ва мутахассисони Сарраёсати ободонӣ ва хоҷагию манзили коммуналии шаҳр 1016 бех ниҳолҳои сояафкан ва мевадиҳанда, 150 бех гулҳои ороишӣ, 1436 дона қаламчаи гул шинонда шуд.

Муфассал... Шарҳ додан

Раиси шаҳр арзи беш аз 80 нафар сокинонро баррасӣ намуд.

(1 овоз, миёна 5.00 аз 5)

07 Феврал 2016

Дар асоси дастуру супоришҳои Пешвои миллат, Президенти Ҷумхурии Тоҷикистон Эмомалӣ Раҳмон дар Мақомоти иҷроияи ҳокимияти давлатии шаҳри Хуҷанд, қабули шаҳрвандон аз ҷониби Раиси шаҳри Хуҷанд Раҷаббой Аҳмадзода баргузор гардид.
Дар ин рӯз бештар аз 80 нафар сокинон ба мақомоти маҳаллӣ омада, бо Раҷаббой Аҳмадзода мулоқоти бевосита намуданд.
Раиси шаҳри Хуҷанд бо мақсади ҳалли мушкилот ва баррасии масъалаҳои ҳалталаби шаҳрвандони муроҷиатнамуда, сокинонро бо усусли «Равзанаи ягона» қабул намуд.