АсосӣБойгонӣ

Навгонӣ

«Бозингарон» дар саҳнаи театр.

(1 овоз, миёна 5.00 аз 5)

07 Июн 2014

Дар Театри давлатии мазҳака-мусиқии ба номи Камоли Хуҷандӣ маркази вилоят намоишномаи кори дипломии хатмкунандагони шӯъбаи актёрӣ, аз рӯи асари Н. В. Гогол «Бозингарон» баргузор гардид. Хатмкунандагон давоми чаҳор сол дар факултаи санъати Донишгоҳи Давлатии Хуҷанд таҳсил намуда, ба онҳо устодон Умар Алиев, Насриддин Маликов, Бароат Мақсудова ва дигарон таълим доданд.
Нақшҳои асосиро чаҳор нафар хатмкунандагон Убайдулло Миродиев -накши Ихарев, Эҳсон Ҳомидов-нақши Утишительный, Акмал Абдураҳмониён-нақши Кругел ва Иноят Султонов-нақши Швахнёвро иҷро намуданд. Дар нақшҳои умуми донишҷӯёни солҳои таҳсили дуюм ва сеюм ширкат намуданд.

Муфассал... Шарҳ додан

Раиси шахри Хучанд дар "Занги камолот".

(1 овоз, миёна 5.00 аз 5)

07 Июн 2014

Субҳи имрӯз дар тамоми мактабҳои маркази вилоят бахшида ба интиҳои соли хониш чорабинии «Занги камолот» баргузор гардид. Раиси шаҳри Хуҷанд дар «Занги камолот»-и мактаби таҳсилоти умумии № 21 шаҳри Хуҷанд иштирок намуд.
Сарвари мактаб Файзуллоҷон Файзиев баъди муаррифии меҳмонон суханро ба Раиси шаҳри Хуҷанд дод.
Раҷаббой Аҳмадзода доири дастовардҳои соли хониши сипаригашта ҳарф зада изҳори умедворӣ намуд, ки ҷавнонписарону духтарон баҳри интихоби дуруст дар шоҳроҳи зиндагӣ ва хизмати сазовори ватани маҳбуби сайю кӯшиш хоҳанд кард.
«Дар соли таҳсили 2013-2014 омӯзгорону хонандагони шаҳр ба муваффақияту комёбиҳои назаррас мушарраф гардиданд.

Муфассал... Шарҳ додан

Озмуни ҳунармандони наврас.

06 Июн 2014

Бо ташаббуси Бахши занон ва оила ва дастгирии Мақомоти иҷроияи ҳокимияти давлати шаҳри Хуҷанд дар Маркази таҳсилоти иловагии шаҳри Хуҷанд озмуни ҷавнондухтарон таҳти унвони «Ҳунар чашмаи зоянда ва давлати поянда» баргузор гардид. Он тибқи барномаи давлатии тайёр намудани мутахассисон ва таъмини шуғли ҷавнондухтарон барои солҳои 2012-2015, дарёфти ҳунармандони миллӣ, баланд бардоштани сатҳи некӯаҳволии занон пешбинӣ шудааст. Озмун байни муҳассилини 6 муассисаҳои таълимии маркази вилоят баргузор гашта, иштирокдорон дар шартҳои зардӯзӣ, йӯрмадӯзӣ қуроқдӯзӣ маҳорати баланд нишон дода, аз ҷониби ҳакамон баҳои махсус гирифтанд.
Аз рӯи натиҷаҳои озмун ҷойи аввал насиби Гимназияи №24, ҷойи дуюму сеюм бошанд, мактаби таҳсилоти умумии № 10 ва 14 сазовор гаштанд.

Муфассал... Шарҳ додан

Баъди 35 сол кӯчаи маҳаллаи «Навбаҳор» мумфарш мешавад.

(1 овоз, миёна 5.00 аз 5)

06 Июн 2014

Дар шаҳри Хуҷанд мумфаршфкунии кӯчаҳо ва роҳхои маркази вилоят вусъати тоза мегирад. Имрӯз дар кӯчаи шафати бозори маҳаллаи «Навбаҳор» мумфаршкунии пурраи кӯчаи мазкур оғоз ёфт.
Роҳи мазкур таи 35 соли охир тамоман таъмирнашуда буд. Раиси шаҳри Хуҷанд Раҷаббой Аҳмадзода аз рафти корҳои мумфаршкунӣ ошно гашта, ба фаъолон ва сохибкорони маҳалла барои дастгирии ташаббуси Мақомоти иҷроияи ҳокимияти давлатии шаҳри Хуҷанд изҳори сипос намуд. Дарозии кӯча зиёда аз як километр буда, маблағи корҳои мумфаршкунӣ аз ҳисоби соҳибкорон, сокинон ва буҷаи шаҳри Хуҷанд ба анҷом мерасад. Роҳсозон ният доранд корҳои асфалтхобонӣ ва роҳсозиро ба мӯхлати се рӯз ба анҷом расонанд.
Ҳамчунин Раиси шаҳри Хуҷанд аз рафти корҳои мумфаршкунии кӯчаҳои М. Хуҷандӣ ва Шарқ, ки бо маром давом дорад, ошно шуд.

Муфассал... Шарҳ додан

Табрикоти Раиси шаҳри Хуҷанд Раҷаббой Аҳмадзода ба муносибати Рӯзи умумиҷаҳонии муҳити зист.

(1 овоз, миёна 5.00 аз 5)

05 Июн 2014

Дӯстони азиз!
Дар кишвари азизи мо, Тоҷикистон Рӯзи умумиҷахонии муҳити зист аз соли 1988 ва ҳамчун иди давлати бошад аз соли 2008 инҷониб дар сатҳи баланд қайд карда мешавад.
Таҷлилнамоии ин рӯз бо мақсади ба масалаҳои глобалӣ муҳити зисти сайёра таваҷҷӯҳ намудани сокинон равона гардидааст.
Президенти Ҷумҳурии Тоҷикистон Ҷаноби Олӣ мӯхтарам Эмомалӣ Раҳмон дар мавриди қабули барномаи махсуси Созмони Миллали Муттаҳид, ки даҳсолаи охирро «Соли оби тоза» эълон гаштааст, ташаббускори асосии қабули он буданд, ки яке аз қисматҳои муҳими амалисозии нигоҳдории сайёраи замин аз ҳар гуна омилҳои таъсиррасони экологӣ маҳсуб меёбад.