АсосӣБойгонӣ

Навгонӣ

Машварати занони соҳибкор

(2 овоз, миёна 3.00 аз 5)

14 Август 2013

Бахши кор бо занон ва оилаи Мақомоти иҷроияи ҳокимияти давлатии шаҳри Хуҷанд дар мавзуи «Ояндаи соҳибкорӣ» машварати омузишӣ гузаронд. Мақсади баргузории ин чорабинӣ рушди минбаъдаи соҳибкорӣ ва соҳиби шуғл гаштани занон аст. Дар оғози машварат Муовини раиси шаҳр Муҳаббат Бобоҷонова сухани ифтитоҳӣ намуда иброз намуд ки ин ҷаласа чун идомаи мулоқоти Раиси шаҳри Хуҷанд Раҷаббой Каримов баргузор гардида, байни соҳибкорони шинохтаи кишвар зикр гардидани занони соҳибкор аз дастгирии ҳамарузаи Мақомоти иҷроияи ҳокимияти давлатии вилояти Суғд ва шаҳри Хуҷанд шаҳодат медиҳад.

Сипас мудири шуъбаи омузиши касбии ассотсиатсияи миллии занони соҳибкори Тоҷикистон Муҳаббат Нозимова, Салима Каримова аъзои иттифоқи ҳунармандони Тоҷикистон баромад намуда доири саҳми занон дар пешрафти соҳибкорӣ сухан ронданд.

Муфассал... Шарҳ додан

Мулоқоти Раиси шаҳри Хуҷанд бо соҳибкорон

14 Август 2013

Раиси шаҳри Хуҷанд Раҷаббой Каримов бо соҳибкорони муваффақи шаҳри Хуҷанд вохурд.

Дар чорабинӣ зиёда аз 100 нафар роҳбарони ширкату муассисаҳои тиҷоратӣ, сарварони ташкилотҳои хизматрасонӣ ва соҳибкорони инфиродӣ ширкат намуданд.

Дар оғоз Раиси шаҳри Хуҷанд Раҷаббой Каримов бобати дастовард ва фаъолияти пурсамари соҳибкорони Хуҷанд ҳарф зада, аз ҷумла қайд намуд, ки маҳз тавассути андешидани чораҳои мушаххас аз ҷониби сарвари давлат Ҷаноби Олӣ, муҳтарам Эмомалӣ Раҳмон ва Ҳукумати Ҷумҳурии Тоҷикистон Раиси вилояти Суғд муҳтарам Қоҳир Расулзода, соҳибкорӣ ва ба хусус соҳибкории хурду миёна рушд меёбад.

Муфассал... Шарҳ додан

Раиси шаҳри Хуҷанд варзишгаронро табрик намуд

(1 овоз, миёна 5.00 аз 5)

09 Август 2013

Ҳамасола санаи 10 август чун рузи варзишгарон таҷлил мегардад. Бахшида ба ин сана Раиси шаҳри Хуҷанд Раҷаббой Каримов бо варзишгарон, мураббиён ва собиқадорони ин соҳа вохурд. Дар оғоз мавсуф доири дастовардҳои варзишгарон ва натиҷаҳои ба дастовардаи онҳо сухан ронда, қайд намуд, ки имруз барои рушди соҳаи варзиш давлати Тоҷикистон таҳти сарварии Ҷаноби Олӣ Президенти Ҷумҳурӣ Эмомалӣ Раҳмон тамоми шароитҳоро фароҳам оварда, барои тарбия ва омода гаштани варзишгарони кишвар дар сатҳи баланд эътибори ҳамаруза медиҳад. Агар ба маълумоти оморӣ нигарем фаъолияти пурсамари 200 иншоотҳои варзишӣ барои иштироки варзишгарон дар 47 мусобиқаҳои гуногунсатҳ, ноил шудан ба 508 медали тилло, 463 медали нутра ва 561 медали биринҷӣ мусоидат намуд.

Муфассал... Шарҳ додан

Иди сохтмончиён бо иштироки Раиси шаҳри Хуҷанд

10 Август 2013

Мувофиқи Қонуни Ҷумҳурии Тоҷикистон «Дар бораи рузҳои ид» якшанбеи дуюми моҳи август Рузи кормандони сохтмон таҷлил карда мешавад. Раиси шаҳри Хуҷанд Раҷаббой Каримов дар таҷлили ин ҷашн иштирок намуд. «Биноҳои баландошёнаи истиқоматӣ муассисаҳои фарҳангӣ таълимӣ ва хизматрасонӣ,ки дар ду соҳили дарё қомат меафрозанд, Хуҷандро ободтару зеботар мегардонанд. Аз ин ҷиҳат дар қиёси солҳои пешин шаҳри соҳили Сир хеле дигаргун ва назаррабо гаштааст. Дар ин бобат мо ибтикор ва дастгирии ҳамешагии Ҷаноби Олӣ, Президенти Ҷумҳурии Тоҷикистон,муҳтарам Эмомалӣ Раҳмон ва Раиси вилояти Суғд муҳтарам Қоҳир Расулзодаро дар мавриди рушди шаҳрсозӣ ва риояи фарҳанги шаҳрдорӣ ҳамеша эҳсос менамоем» - қайд намуд, дар суханони табрикотии худ, Раиси шаҳри Хуҷанд Раҷаббой Каримов.

Муфассал... Шарҳ додан

Намози идона дар Хуҷанд

(1 овоз, миёна 5.00 аз 5)

08 Август 2013

Cубҳи рузи панчшанбе кулли мардуми шарифи шаҳри Хуҷанд дар баробари сокинони диёрамон бо руҳияи идона ва шукргузорӣ аз даврони истиқлолият Иди Фитрро таҷлил намуданд.

Дар Масҷиди ҷомеъи Шайх Маслаҳатдини маркази вилоят барои табрики намозгузорон муовини Раиси вилояти Суғд Мубинҷон Қаюмов ва Раиси шаҳри Хуҷанд Раҷаббой Каримов ташриф оварданд. Мубинҷон Қаюмов табрикоти Раиси вилояти Суғд Муовини аввли Раиси Маҷлиси Миллии Маҷлиси Олии Ҷумҳурии Тоҷикистон Қоҳир Расулзодаро ба самъи ҳозирон расонд.

Сипас Раиси шаҳри Хуҷанд Раҷаббой Каримов ҷамъомадагонро бо рузи саиди Фитр табрик намуда, қайд намуд, ки имруз Ҳукумати Тоҷикистон бо сарварии Президенти кишвар Ҷаноби Олӣ Эмомалӣ Раҳмон баҳри ҳимояи арзишҳои миллӣ, динӣ ва мазҳабӣ чӣ дар дохил ва чӣ дар хориҷи он талош меварзад.

Муфассал... Шарҳ додан