АсосӣБойгонӣ

Навгонӣ

Кӯчаи навбунёди маҳаллаи «Ваҳдат» ба номи Ином Деҳқонов гузошта шуд.

09 Май 2014

Яке аз кӯчаҳои шаҳри Хуҷанд ба номи табиби ҳозиқ, Корманди шоистаи Ҷумҳурии Тоҷикистон, собиқ мудири шуъбаи ҷарроҳии бачагонаи Беморхонаи клиникавии №1 шаҳри Хуҷанд, номзади илми тиб Ином Деҳқонов гузошта шуд.
Ба ин муносибат Раиси шаҳри Хуҷанд Раҷаббой Аҳмадзода дар ҷамъомади бахшида ба номгузорӣ шудани яке аз кӯчаи маҳаллаи «Ваҳдат»» баргузор гашта ширкат намуда, аз меҳнати шоён, хизматҳои арзандаи мавсуф дар рушди соҳаи тиб ва сиҳатии мардум ёдовар шуд.Дар баробари мутахассиси варзидаи соҳаи худ будан, Ином Деҳқонов барои баланд бардоштани маърифати тиббии мардум тавассути мақолаҳои илмию маърифатии худ дар саҳифаҳои газетаю маҷаллаҳо пайваста кӯшиш менамуд. Номбурда муаллифи бештар аз 100 мақолаи маърифатию илмии соҳаи тиб буда, ҳамчунин ба қалами ӯ китоби «Теғи ҷонбахши Сино» таалуқ дорад.

Муфассал... Шарҳ додан

Раҷаббой Аҳмадзода ба манзили иштирокчиёни ҷанг рафт.

(1 овоз, миёна 5.00 аз 5)

08 Май 2014

Бо мақсади иҷроиши дастуру супоришҳои сарвари давлат Президенти Ҷумҳурии Точикистон Эмомалӣ Раҳмон Раиси шаҳри Хуҷанд Раҷаббой Аҳмадзода иштирокчиёни Ҷанги Бузурги Ватанӣ, шахсони маъюбу танҳо ва камбизоатро аёдат намуд.
Раиси шаҳр кӯмаки молии сарвари давлат 1000 сомонӣ, ва Раиси вилояти Суғд Абдураҳмон Қодирӣ 500 сомонӣ ва Мақомоти иҷроияи ҳокимияти давлатии шаҳри Хуҷандро ба миқдори 250 сомонӣ, маблағ супорид.
Собиқадори ҷангу меҳнат Тоҳир Саидов, ҳамсари ҷанговари шаҳид Қобилҷон Қобилов - Тоҷиниссо Қобилова, худ низ солҳои ҷанг дар ақибгоҳ хизмат кардааст, аз иқдоми давлату ҳукумат изҳори хушнудӣ намуда сипосу дуои нек намуд. Раиси шаҳр баробари табрикоти самимӣ ҳамаи аёдатшудагонро ба истиқболи 69-умин солгарди ғалабаи бузург табрик намуда, изҳор намуд, ки диловариву шуҷоати онҳо барои имрузиён дарси ибрат ва шоёни арҷгузорист.

Муфассал... Шарҳ додан

Иштироки Раиси шаҳри Хуҷанд дар номгузории кӯча.

(1 овоз, миёна 5.00 аз 5)

07 Май 2014

Дар шаҳри Хуҷанд ҳафтаи поси хотир идома дорад. Раиси шаҳри Хуҷанд Раҷаббой Аҳмадзода дар маросими номгузории яке аз кӯчаҳои маркази вилоят ба номи Мукаррама Муҳиддинова, - собиқадори соҳаи маориф, омӯзгори шинохта, нафаре, ки дар солҳои Ҷанги Бузурги Ватанӣ дар ақибгоҳ меҳнати фидокорона намудааст, ширкат намуд. Раҷаббой Аҳмадзода кулли ҳозиронро бо фарорасии иди Ғалаба табрик намуда қайд намуд, ки давлату ҳукумат, Президенти Ҷумҳурии Тоҷикистон Ҷаноби Олӣ, Эмомалӣ Раҳмон барои эҳтирому гиромидошти хизматҳои собиқадорон, шахсони барӯманди миллат, хамеша таваҷҷӯҳи хоса зоҳир менамоянд.
Номгузорӣ шудани кӯчаи мазкур ба номи Мукаррама Муҳиддинова шаҳодати чунин сиёсат ва ғамхорӣ маҳсуб меёбад.
Ҷавонии М. Муҳиддинова ба солҳои ҷанг рост омад. Ба дӯши ин зани хоксору қавиирода таълиму тарбияи фарзандони мардум, меҳнати пурмашаққати ин солҳои мудҳиш фаромад.

Муфассал... Шарҳ додан

Поси хотири шаҳидони Ҷанги Бузурги Ватанӣ дар шаҳри Хуҷанд.

(1 овоз, миёна 5.00 аз 5)

08 Май 2014

Субҳи имрӯз дар дар шаҳри Хуҷанд, назди ёдгории шаҳидони Ҷанги Бузурги Ватанӣ бахшида ба 69-умин солгарди ғалабаи халқи шӯравӣ ба фашизм танатанаи пуршукӯҳ баргузор гардид. Дар ин ҳамоиши идона иштирокчиёни Ҷанги Бузурги Ватанӣ, меҳнаткашони ақибгоҳ, собиқадорони меҳнат, иштирокчиёни ҷангҳои байналмиллал, сокинони маркази вилоят иштирок намуданд.
Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода ҳамроҳи шуҷатмандони ватан, ки дар набардҳои шадид ҷонбозиҳо намудаанд, дар лаҳзаи мутантан ба пояи ёдгории шаҳидони ин ҷанг гулчанбар гузошта, хотираи неки фарзандони диёр, ки баҳри озод намудани инсоният аз фашизми гитлерӣ қурбон гаштаанд, пос доштанд.
Сипас роҳбарони корхонаю ташкилотҳо ва муассисаҳо низ ҳамроҳи кормандони худ бо гулу гулдастаҳо эхтироми ҷоннисорони диёрро ба ҷо оварданд.

Шарҳ додан

Туҳфаи идона ба иштирокчиёни Ҷанги Бузурги Ватанӣ.

(2 овоз, миёна 3.50 аз 5)

06 Май 2014

Бахшида ба 69-умин солгарди ғалаба бар фашизми гитлерӣ, барои 21 нафар иштирокчиёни Ҷанги Бузурги Ватанӣ дар толори Мақомоти иҷроияи ҳокимияти давлатии шаҳри Хуҷанд кумаки яквақтаи пулӣ супорида шуд.
Ҷамомадро Раиси шаҳри Хуҷанд Раҷаббой Аҳмадзода ифтитоҳ намуда, абармардони қахрамонро ба муносибати Иди Ғалаба табрик намуд.
Муовини Вазири адлияи Ҷумҳурии Тоҷикистон Мирсайзод Ҳаким Саид, қаҳрамонони набарди таърихиро аз номи Президенти Ҷумҳурии Тоҷикистон Эмомалӣ Раҳмон бо ин иди фархунда табрик намуда, ба ҳар кадом аз иштирокчиёни Ҷанги Бузурги Ватанӣ ҳазор сомонӣ мукофотпулӣ супорид.
Ҳамин гуна туҳфаро ба ҳаҷми 500 сомонӣ аз номи Раиси вилояти Суғд Абдураҳмон Қодирӣ ба суханҳои самимӣ Сардори Раёсати адлияи вилояти Суғд Баҳоваддин Тӯрахонов супорида, орзуи тансиҳативу хонаободии пирони барнодилро намуд.

Муфассал... Шарҳ додан