АсосӣБойгонӣ

Навгонӣ

Барои гулзоркунии шаҳри Хуҷанд мутахассисони туркӣ ҷалб мешаванд.

08 Январ 2015

Дар асоси дастури Раиси вилояти Суғд Абдураҳмон Қодирӣ дар кори ҷаласаи нахустини худ дар соли 2015, Раиси шаҳри Хуҷанд Раҷаббой Аҳмадзода ба мутахассисони соҳаи ободонӣ ва кабудизоркунӣ супориш дода буд, ки барои сарсабзу гулпӯш намудани шаҳри Хуҷанд, дар ҳама мавсими сол чораҳои амалӣ андешиданд.
Ҳамчунин таъкид гардида буд, ки нақшаи тарҳу усул ва шинондани навъҳои гуногуни гулҳои ороиширо таҳия намуда аз моҳи январ корҳои омодагиро барои гулзоркуниии маркази вилоят шурӯъ намоянд.
Бо ин мақсад Раиси шаҳри Хуҷанд Раҷаббой Аҳмадзода намояндаи ширкатҳои туркии «Буюкфиданч-илик», Дурусу финдан-илик, «Асия лала» Тоҳир Саидзода, Темир Гумуш, Саваш Байрактарро қабул намуд.

Муфассал... Шарҳ додан

Низомиён аз қалъаи таърихии шаҳри Хуҷанд мекӯчанд.

(1 овоз, миёна 5.00 аз 5)

07 Январ 2015

Дар асоси дастури Президенти Ҷумҳурии Тоҷикистон Эмомалӣ Раҳмон то ҷашни Наврӯзи умумиҷаҳонӣ дар шаҳри Хуҷанд қисми низомии 3501 қӯшунҳои дохилии Вазорати корҳои дохилии Ҷумҳурии Тоҷикистон аз худуди қалъаи таърихӣ бояд бароварда шавад.
Бо ин мақсад айни замон дар қисмати дигари шаҳр корҳои сохтмонӣ азнавсозӣ барои кӯчондани қисми низомии мазкур рафта истодааст. Бо мақсади шиносоӣ аз рафти корҳои омодагӣ сохтмонӣ дар макони нави будубоши низомиён Раиси вилояти Суғд Абдураҳмон Қодирӣ, Раиси шаҳри Хуҷанд Раҷаббой Аҳмадзода ва Вазири корҳои дохилӣ генерал-лейтенанти милитсия Раҳимзода Рамазон Ҳамро ба маҳалли нави шаҳраки низомиён омаданд.
Тибқи нақшаи лоиҳавӣ дар макони нави қисми низомӣ тамоми шароитҳо барои хизмати афсарону сарбозон аз қабили ҳуҷраҳои хизматӣ, иншоотҳои ёрирасон, толори варзиш ва маҷлисгоҳро дар бар мегирад.

Муфассал... Шарҳ додан

Нишасти матбуотии Раиси шаҳри Хуҷанд баргузор гардид.

06 Январ 2015

Дар маҷлисгоҳи Мақомоти иҷроияи ҳокимияти давлатии шаҳри Хуҷанд нишасти матбуотӣ доир шуд, ки дар он Раиси шаҳр Раҷаббой Аҳмадзода ба намояндагони воситаҳои ахбори оммаи шаҳру вилоят ва ҷумҳурӣ оид ба фаъолияти Мақомоти иҷроияи ҳокимияти давлатии шаҳри Хуҷанд дар соли 2014 дар самти пешбурди хоҷагии халқ маълумот дод. Аз ҷумла зикр кард, ки корхонаҳои саноатии шаҳр давоми соли 2014 ба миқдори 490 миллион сомонӣ маҳсулот истеҳсол карданд, ки нисбат ба ҳамин давраи соли 2013-ум 82, 1 миллион сомонӣ зиёд аст. Дар ин давра шумораи корхонаҳои саноатӣ ба 153 адад расид, ки нисбат ба ҳамин давраи соли гузашта 46 адад афзуд. Аммо 4 корхона: ҶС «Лаъл», ҶДММ «Некон», Идораи сохтмони №1 ва ҶДММ «Ворис» фаъолият надошт. Барои азнавсозии технология ва модернизатсияи корхонаҳои саноатии навташкил зиёда аз 44 миллион сомонӣ сармояҳои хориҷӣ ва дохилӣ масраф шуда, 1000 ҷойи нави корӣ таъсис ёфт.

Муфассал... Шарҳ додан

Бинои иловаги барои милитсионерони шаҳри Хуҷанд сохта мешавад.

07 Январ 2015

Имрӯз дар Шӯъбаи Вазорати корҳои дохилии Ҷумҳурии Тоҷикистон дар шаҳри Хуҷанд сохтмони бинои шӯъбаи мазкур оғоз ёфт.
Дар расми оғози бунёди ин иншоот Раиси шаҳри Хуҷанд Раҷаббой Аҳмадзода ва Вазири корҳои дохилии Ҷумҳурии Тоҷикистон Раҳимзода Рамазон Ҳамро иштирок намуданд. Сараввал Вазири корҳои дохилӣ Раҳимзода Рамазон Ҳамро ба 10 нафар нозирони минтақавӣ барои фаъолияти пурсамараашон дар соли сипаригашта тӯҳфаҳои хотиравӣ супорид.
Бинои иловагии шӯъбаи номбурда иборат аз ду ошёна ва таҳхона иборат буда, он аз ҳуҷраҳои корӣ, толори варзишӣ маҷлисгоҳ ва чанд имкониятҳои иловагӣ баро фаъолияти пурсамари кормандони милисаи шаҳри Хуҷанд иборат аст.
Раиси шаҳри Хуҷанд Раҷаббой Аҳмадзода ба сохтмончиён супориш дод,ки бинои нав бояд то ҷашни Истиқлолияти давлатии Ҷумҳурии Тоҷикистон соли 2015 мавриди истифода қарор гирад.

Муфассал... Шарҳ додан

Барномаи солинавии шаҳри Хуҷанд беҳтарин дар вилоят.

03 Январ 2015

Бо мақсади дарёфти чеҳраҳои нави ҳунарӣ истеъдодҳои ҷавон ва ҷалби шахсони лаёқатманд ба фарҳангу ҳунар аз санаи 15 то 31 декабр дар майдони «Ситораҳои Хуҷанд», дар назди арчаи асосӣ озмуни барномаи фарҳангии солинавии шаҳру ноҳияҳои вилояти Суғд баргузор гардид. Давоми 16 рӯз истеъдодҳои ҷавони шаҳру ноҳияҳои вилоят дар назди ҳакамон ва сокинону меҳмонони шаҳри Хуҷанд барномаҳои ҷолибу рангини худро пешниҳод намуданд.
Дар асоси низомнома аҳли фарҳанги шаҳру ноҳияҳо барои интихоби жанр ва тарзи пешниҳоди барномаи солинавӣ ихтиёр доштанд. Санаи 31 декабри соли сипаришуда, дар чорабиниҳои ниҳоии солинавӣ ҳайати ҳакамони бо салоҳият, ки аз ҷониби Раёсати фарҳанги вилояти Суғд таъсис дода шуда буд, натиҷаҳои озмуни солинавӣ эълон гардид.