АсосӣБойгонӣ

Навгонӣ

Майдончаи варзишӣ дар маҳаллаи 12-уми шаҳр

(2 овоз, миёна 5.00 аз 5)

21 Август 2013

Шоми дируз дар расми ба истифодадиҳии майдончаи варзишӣ дар маҳаллаи 12-ум, Раиси шаҳри Хуҷанд Раҷаббой Каримов ширкат намуд. Раиси шаҳри Хуҷанд бо сокинони маҳалли мазкур суҳбат намуда аз бобати корҳои ба сомонрасида, дар доираи тадбирҳои «300 рузи ободонӣ» иттилоъ дод. Ҳамчунин таваҷҷуҳи ҳозиронро ба баланд бардоштани масъулияти калонсолон ва волидайн дар тарбияи дурусти кудакону наврасон ҷалб намуд.

«Сарвари давлат, Ҷаноби Олӣ, Эмомалӣ Раҳмон ҳамеша таъкид менамоянд,ки танҳо дар сурати тарбияи хуб, мо имкон дорем ояндаи некро таъмин намоем. Барои хамин ғамхорӣ нисбати насли оянда бояд кори ҳамаруза бошад.

Муфассал... Шарҳ додан

Роҳи маҳаллаи «Раззоқ» мумфарш мешавад

20 Август 2013

Роҳи махаллаи «Раззоқ» ,ки канори шаҳрро бо маркази Хуҷанд мепайвандад мумфарш хоҳад шуд. Имруз аз қисмати дар мавзеи «Пахтакор»- будаи маҳаллаи мазкур, воситаҳои техникии роҳсозон, мумфаршкуниро шуруъ намуданд. Дарозии роҳ 2 км буда он ба маблағи сокинон ва соҳибкорони маҳаллаи мазкур ва бо дастгирии Мақомоти иҷроияи ҳокимияти давлатии шаҳри Хуҷанд ба анҷом мерасад. Дар расми шуруи ин амали нек Раиси шаҳри Хуҷанд Раҷаббой Каримов ширкат намуда, бо собиқадорон ва бошандагони маҳаллаҳои «Раззоқ» ва «Корираҳмат Курбонов» суҳбати гарму самимӣ анҷом дод. Раиси шаҳр доири таваҷҷуҳи ҳамешагии сарвари давлат Ҷаноби Олӣ Эмомалӣ Раҳмон ва Раиси вилояти Суғд муҳтарам Қоҳир Расулзодаро доири беҳтар намудани сатҳи зиндагии мардум, баланд бардоштани маърифати шаҳрдорӣ зикр намуда, иброз намуд, ки корҳои ободонӣ дар доираи чорабиниҳои шаҳрии «300 рузи ободонӣ» идома дорад.

Шарҳ додан

Роҳи беморхонаи № 2 шаҳри Хуҷанд таъмир мешавад

19 Август 2013

Мувофиқи дастури Президенти кишвар, Ҷаноби Олӣ, Эмомалӣ Раҳмон ва дастгирии Мақомоти иҷроияи ҳокимияти давлатии вилояти Суғд дар маркази вилоят корҳои ободонӣ идома дорад. Дар доираи корҳои «300 рузи ободонӣ» дар маҳаллаи «Бофанда»-и шаҳри Хуҷанд роҳи якунимкилометрии самти Беморхонаи шаҳрии №2 маркази вилоят мумфарш карда хоҳад шуд. Пешбинӣ мешавад, ки давоми панҷ руз роҳсозон корҳои мумфаршкуниро ба анҷом расонда барои истифода қарор диҳанд. Дар оғози корҳои роҳҳои мумфаршкунӣ Раиси шаҳри Хуҷанд Раҷаббой Каримов ширкат намуда, сокинони маҳалро ба идома додани корҳои ободонӣ даъват намуд. Ҳамчунин илова намуд, ки ҳамаи корҳои мумфаршкунӣ тариқи ҳашар бо иштироки бевоситаи сокинон ва соҳибкорон бе истифодаи маблағҳои буҷа амалӣ мегарданд Мувофиқи нақша боз 13 км кучаҳои шаҳр мумфарш хоҳанд шуд.

Шарҳ додан

Омодагӣ ба соли нави хониш вусъат дорад

20 Август 2013

Дина дар майдони пешорӯи китобхонаи оммавии ба номи Тошхӯҷа Асирӣ ярмарка-фурӯши лавозимоти хониш барпо шуд, ки дар он директорони мактабҳо ва муовинони онҳо, роҳбарони корхонаҳои саноати сабук, ки масъул ба дӯхтани либоси ягонаи мактабианд, ҳамчунин, мудирони бахшу идораҳои Мақомоти иҷроияи ҳокимияти давлатии шаҳри Хуҷанд ва дигар ашхоси масъул ба ташкили ин чорабинии муҳим ширкат карданд. Расми кушоди ярмарка оҳанги тантанавӣ дошт ва монанд ба иди муллимону хонандагон буд.

Раиси шаҳри Хуҷанд Раҷаббой Каримов дар ибтидои сухан омӯзгорону шогирдони онҳоро бо оғози амали ярмарка самимона табрик гуфт ва изҳори боварӣ кард, ки ҳамагон ба соли нави хониш бо тайёрии пухта меоянд.

Муфассал... Шарҳ додан

Табибон иди касбии худро таҷлил намуданд

(1 овоз, миёна 5.00 аз 5)

15 Август 2013

Ба муносибати иди касбии табибон дар толори Мақомоти иҷроияи ҳокимияти давлатии шаҳри Хуҷанд маҷлиси тантанавии кормандони соҳаи тандурустӣ бо иштироки Раиси шаҳри Хуҷанд Раҷаббой Каримов баргузор гардид. Дар ҷаласаи идона кормандони муассисаҳои тиббии шаҳр ва собиқадорони соҳа низ ширкат доштанд. Сардори Раёсати тандурустии вилоят Собирҷон Собиров табрикоти Раиси вилояти Суғд Қоҳир Расулзодаро ба самъи ҳозирон расонд. Сипас Раиси шаҳри Хуҷанд Раҷаббой Каримов кулли кормандони соҳаи тибро бо иди касбиашон муборакбод намуд.

Муфассал... Шарҳ додан