АсосӣБойгонӣ

Навгонӣ

Майдончаи варзишӣ барои истифодаи кудакону наврасони биноҳои истиқоматӣ, мавриди баҳрабардорӣ қарор гирифт

27 Август 2013

Дар маркази шаҳри Хуҷанд боз як майдончаи варзишӣ барои истифодаи кудакону наврасони биноҳои истиқоматӣ, вокеъ дар кучаи Иванитский, мавриди баҳрабардорӣ қарор гирифт.

Ба ин хотир дар саҳни ҳавлии ин мавзеъ сокинон, собиқадорон ва кудакону наврасон ҷамъ омада, Раиси шаҳри Хуҷанд Раҷаббой Каримовро,ки ба хотири расми ифтитоҳи майдончаи варзишӣ ташриф оварда буд, гарму самимӣ пешвоз гирифтанд.

Раҷаббой Каримов ҷамъомадагонро бо ҷашни Истиқлолияти кишвар табрик намуда, изҳори каноатмандӣ намуд,ки сокинони маркази вилоят ғамхории Президенди кишвар Ҷаноби Олӣ, Эмомалӣ Раҳмонро эҳсос менамоянд ва мекушанд бо азми дучанд баҳри ободӣ ва пешрафти диёр меҳнати софдилона намоянд.

Муфассал... Шарҳ додан

Вохурӣ бо зиёиён ва ходимони дин

27 Август 2013

Дар Маркази фарҳанги шаҳри Хуҷанд вохури бо имомхатибон, раисони маҳллаҳо, фаъолон ва зиёиён бо масъулини Кумитаи оид ба корҳои дини назди Ҳукумати Ҷумҳурии Тоҷикистон Маркази исломӣ ва бахши танзими анъана ва расму оинҳо баргузор гардид.

Дар вохури Раиси шаҳри Хуҷанд Раҷаббой Каримов ширкат намуда, доири мақсади ин вохури сухани ифтитоҳӣ намуд.

Баъдан Завқибек Солиев сардари Раёсати Иттиҳодияҳои дини Кумитаи кор бо дини назди Ҳукумати Ҷумҳурии Тоҷикистон дар баромадаш доир ба масъалаҳои вобаста ба терроризм, гиромӣ доштани арзишҳои диниву фарҳангӣ ва ба ҳам муқобил нагузоштани онҳо, ки дар мамлакатҳои араб ин ҳолат боиси низоъ ва муборизаҳои мазҳабӣ, инчунин сабаби нооромиҳо ва хунрезиҳо гаштааст, сухан гуфт. У ҳамчунин дар бораи тоза нигаҳ доштани мазҳаб ва таини маош барои имомхатибон изҳори андеша намуд.

Муфассал... Шарҳ додан

Ободкорон шавқ ба ободӣ доранд

(2 овоз, миёна 5.00 аз 5)

22 Август 2013

Иҷрои нақшаҳо дар доираи «Сесад рӯзи ободонӣ ва созандагӣ» дар шаҳри Хуҷанд давом мекунад.

Имрӯз сокинони шаҳр ва меҳмонони онҳо дар майдонҳои Исмоили Сомонӣ ва «Ситораҳои Хуҷанд», ҳамчунин дар истгоҳу гулгаштҳо курсиҳои навсохтро мебинанд, ки барои нишасти бофароғат хеле қулай мебошанд. Мутахассисон, аллакай 20 чунин курсиро рӯи пайроҳаи тасполакпӯши ҷойҳои серодам устувор карданд. Шумори чунин курсиҳои зебо дар гулгашту хиёбонҳо ва майдонҳои таърихӣ ба панҷоҳ адад хоҳад расид.

Дар маҳалҳои серодам ва назди истгоҳҳои нақлиёти мусофирбар устувор кардани қуттиҳои махсус барои партофтани коғаз ва чизҳои сабуки ношоям ҳам аз кори хайр аст. Устоҳо дар муддати кӯтоҳ беш аз 100 қуттӣ гузоштанд.

Муфассал... Шарҳ додан

Маҷлиси машваратии омузгорон

(2 овоз, миёна 3.00 аз 5)

23 Август 2013

Чун ҳамасола дар интиҳои моҳи август кормандони соҳаи маориф ва омузгорон маҷлиси машваратӣ мегузаронанд. Дар кори маҷлиси машваратии навбатӣ Раиси шаҳри Хуҷанд Раҷаббой Каримов, сардори Раёсати маорифи вилояти Суғд Саидмухтор Ҷалолов, намояндаи Вазорати маорифи Ҷумҳурии Тоҷикистон Парвиз Саидов ширкат намуданд.

Дар бораи вазъи таълиму тарбия сатҳи донишомузии толибилмону омузгорон, мудири шуъбаи маорифи шаҳри Хуҷанд Акрам Аслонов маъруза намуд. Дар баромади худ А.Аслонов вазъи соли хониши 2012-2013-ро таҳлил намуда, нисбати натиҷаҳои кори омузгорон ба ҳозирон маълумот дод.

Муфассал... Шарҳ додан

Барои таъмири хонаҳои маданият маблағ ҷудо мешавад

21 Август 2013

Бори нахуст маҷлиси машваратии омузгорони муассисаҳои таълимӣ-фарҳанги шаҳри Хуҷанд баргузор гардид. Дар кори маҷлиси машваратӣ Раиси шаҳри Хуҷанд Раҷаббой Каримов дар он ширкат намуд. Дар оғози чорабинӣ мудири Бахши фарҳанг Бахтиёр Қосимов оиди фаъолияти омузгорони муассисаҳои таълимӣ-фарҳангӣ дар соли хониши 2013-2014 маълумот дод. Сипас Раиси шаҳри Хуҷанд Раҷаббой Каримов вазъу сатҳи таълими наврасонро дар муассисаҳои таълимии шаҳр сухан ронд. Ҳоло дар шаҳри Хуҷанд мактаби санъати бачагонаи №1 ба номи Лоиқ Шералӣ, мактабии бачагонаи мусиқии №2, ба номи Боймуҳаммад Ниёзов, Мактаби бачагонаи санъати № 3 мактаби бачагонаи рассоми амал мекунад, ки ҳамасола наздик 100 нафар кудакону наврасон ин таълимгоҳхои ҳунариро хатм менамоянд.