АсосӣБойгонӣ

Навгонӣ

Аёдат ва кумак ба собиқадорони ҷангу меҳнат

06 Сентябр 2013

Ба ифтихори ҷашни 22-юмин солгарди Истиқлолияти давлатии Ҷумҳурии Тоҷикистон иштирокчиёни Ҷанги Бузурги Ватанӣ аз тарафи Мақомоти иҷроияи ҳокимияти давлатии шаҳр аёдат карда шуда, мукофоти пулии Раиси шаҳр Раҷаббой Каримов супурда шуд.

Мудири Шуъбаи меҳнат ва ҳифзи иҷтимоии аҳолии шаҳр Шарифҷон Аҳмадов ва сармутахассиси Шуъбаи масоили иҷтимоӣ-фарҳангӣ ва робита бо созмонҳои ҷамъиятии Мақомоти иҷроияи ҳокимияти давлатии шаҳри Хуҷанд, Дадоҷон Ҳоҷибоев иштирокчиён ва маъюбони ҷанг Қосим Мирзохонов, Аҳмад Олимов, Мария Стелсова, Марина Робича ва Алишeр Комиловро аз номи Президенти Ҷумҳурии Тоҷикистон Эмомалӣ Раҳмон , Раиси вилояти Суғд Қоҳир Расулзода ва Мақомоти иҷроияи ҳокимияти давлатии шаҳр шахсан Раиси шаҳри Хуҷанд Раҷаббой Каримов бо иди Истиқлолият табрик гуфта, барояшон тани баофият ва умри дароз орзу карданд.

Муфассал... Шарҳ додан

Табрикоти Раиси шаҳр бахшида ба 22-солагии Рӯзи Истиқлолияти давлатии Ҷумҳурии Тоҷикистон

05 Сентябр 2013

Ҳамшаҳриёни азиз!

Аз он рӯзе, ки Тоҷикистон соҳибихтиёрӣ ва Истиқлолияти давлатии худро ба ҷаҳониён эълом дошт, 22 сол сипарӣ мегардад ва рӯзи 9 сентябр дар тақдиру сарнавишт ва таърихи Тоҷикистони навин бо ҳарфҳои зарҳалӣ абадӣ нақш баст.

22 сол ин ҷониб мардуми диёри ҳамешасабзи мо аз самараи Истиқлол бархурдоранду бо дастони худ иморати мӯҳташами давлати демократии ҳуқуқпояи дунявӣ ва ягонаи Тоҷикистонро бунёд мекунанд. Бо ақлу заковат ва бузургии халқу миллати тоҷик, ки пас аз дигаргуниҳои чашмнодидаву гӯшношунидаи мамлакат, пас аз ҷудоиҳову дур аз ватан афтоданҳо дар муддати бағоят кӯтоҳи таърихӣ боз ба ҳам пайваст, дар фазои кишвар сулҳу осоиш ва тинҷию амниятро барқарор кард, роҳи фардояшро мунаввар сохт ва дар миқёси умумиҷаҳонӣ мақому манзалати хосса пайдо намуд, оламиён ангушти ҳайрат мегазанд.

Муфассал... Шарҳ додан

Иди Истиқлолият дар муассисаҳои иҷтимоӣ

02 Сентябр 2013

Дар арафаи ҷашни 22 солагии Истиқлолияти давлатии Ҷумҳурии Тоҷикистон бо ташаббуси Мақомоти иҷроияи ҳокимияти давлатии шаҳри Хуҷанд дар 6 муассисаҳои иҷтимоӣ, аз қабили мактабу хона-интернатҳо барои пиронсолон ва маъюбон,хонаи кудакон муассисаҳои махсуси томактабӣ,мактаби бачаҳои ятим ва маъюб, чорабиниҳои идона пешбинӣ карда шудааст.

Чорабинии мазкур,ки дар ҳамаи муассисаҳои зикргардида санаи 03 сентябри соли ҷорӣ баргузор мегардад, аз ҷониби ширкату муассисаҳои вобастакардашуда барои ниёзмандон дастурхони идона ороста шуда, ҳамзамон кумаки яквақтаи моддӣ низ расонда мешавад.

Дар маҷму ъ 300 нафар ниёзмандон аз кумаки идона баҳраманд хоҳанд шуд.

Шарҳ додан

Тaбрикот

04 Сентябр 2013

Раиси шаҳри Хуҷанд Раҷаббой Каримов бо мақсади табрики бошандагони Хонаи пиронсолони маркази вилоят ташриф овард. Барои 58 нафар истиқоматкунандагони ин хона бахшида ба ҷашни Истиқлолият дастурхони идона ороста шуд. Дар оғоз Раиси шаҳр ҳозиронро бо иди фархундаи миллат аз номи Мақомоти иҷроияи ҳокимияти давлатии шаҳри Хуҷанд табрик намуд. У қайд намуд, ки шароити будубош саломатии сокинони хонаҳои пиронсолон ва шахсони имконияташон маҳдуд ҳамеша зери назорат ва таваҷҷуҳи бевоситаи Ҷаноби Олӣ, Президенти Тоҷикистон Эмомалӣ Раҳмон ва Раиси вилояти Суғд муҳтарам Қоҳир Расулзода аст. Сипас суханҳои шодбоширо аз номи Мақомоти иҷроияи ҳокимияти давлатии вилояти Суғд, Абдуллоҷон Мансуров Сардори Раёсати хизматчии давлати дар вилояти Суғд ба самъи ҳозирин расонд.

Муфассал... Шарҳ додан

Оғози соли таҳсил бо Раиси шаҳри Хуҷанд

(2 овоз, миёна 5.00 аз 5)

02 Сентябр 2013

Раиси шаҳри Хуҷанд Раҷаббой Каримов дар тантанаи оғози соли нави хониш дар мактаби таҳсилоти умумии № 2 шаҳри Хуҷанд иштирок намуд. Сароғоз Раиси шаҳр аз толори варзишии мактаб, ки аз таъмири капиталӣ бароварда шудааст, дидан намуд. Толори варзиши, ки тули 25 соли охир руи таъмирро надида буд, бо кумаки соҳибкори маҳаллӣ аз нав барои тадрису тамрини муҳассилини дабистони мазкур омода карда шуд. Раиси шаҳр аз сифати таъмир изҳори қаноатмандӣ намуда омузгоронро даъват намуда, омузгоронро даъват намуд, ки ба тарбияи варзишии хонандагон ва тарғиби ҳамаҷонибаи тарбияи ҷисмонӣ диққати махсус диҳанд.