АсосӣБойгонӣ

Навгонӣ

Арзи сипос: СОБИҚАДОРОН МИННАТДОРАНД

17 Май 2013

Таҷлили 68-солагии Fалаба дар Ҷанги Бузурги Ватании солҳои 1941-1945 дар партави Паёми Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон ба Маҷлиси Олӣ бо шукӯҳу шаҳомати хоса ва дар сатҳи баланди сиёсию ташкилӣ баргузор гардид.

Табрикоти самимии Сарвари давлат, ғамхорию меҳрубонии Ҷаноби Олӣ, роҳбарияти вилояти Суғд ва шаҳри Хуҷанд аз тарафи иштирокчиён ва маъюбони ҶБВ, оилаҳои бесаробонмонда, заҳматкашони ақибгоҳ бо сипосмандӣ ва қаноатмандӣ пазируфта шуданд.

Мақомоти иҷроияи ҳокимияти давлатии шаҳр, шӯъбаҳо, бахшҳои он, комиссариати ҳарбӣ, афсарон ва сарбозони гарнизони Суғд барои ботантана қайд кардани ҷашни фархунда корҳои зиёди ташкилӣ, тарғиботию ташвиқотӣ анҷом доданд.

Муфассал... Шарҳ додан

Нақш дар ҷомеа

16 Май 2013

Давлат оиларо чун асоси ҷомеа ҳифз ва пуштибонӣ мекунад. Ин аст, ки Мақомоти маҳаллии ҳокимияти давлатӣ нисбат ба пойдории оилаҳо тадбирҳои зарурӣ меандешанд.

Ба ифтихори Рӯзи байналмилалии оила бо ибтикори МИҲД-и шаҳри Хуҷанд таҳти унвони «Хушдомани беҳтарин» маҳфили идона доир гардид. Дар он оилаҳои соҳибэҳтироми шаҳр, ки 40-50 сол зиндагии шоиста ба сар бурдаанд: Марофиевҳо, Дадобоевҳо, Fаниевҳо ва Шарифовҳо иштирок намуданд.

Чун меҳмонони ифтихорӣ ходимони намоёни ҷамъиятиву сиёсӣ Биҳоҷал Раҳимова, Шуҷоат Ҳасанова, Мавлуда Файзуллоева, Муҳаббат Нозимова, Зулфия Раҷабова, Мунаввара Дадобоева низ ба маҳфил даъват шуда буданд.

Муфассал... Шарҳ додан

Таҷлил: Оилаҳои саодатманд

(2 овоз, миёна 5.00 аз 5)

15 Май 2013

Дар Хонаи ақди никоҳи шаҳри Хуҷанд ба ифтихори Рӯзи байналхалқии оила чорабинии идона бо номи «Оила - шаҳсутуни зиндагӣ» баргузор гардид. Нахуст сарвари Хонаи ақди никоҳ Хуршеда Хоҷаева иштирокчиёни маҳфилро бо ин санаи фархунда муборакбод гуфта, ду оилаи намунавӣ ва обрӯманди шаҳрро муаррифӣ кард.

Сипас, корманди Китобхонаи вилоятии ба номи Т.Асирӣ Ирода Игамова доир ба таърихи пайдоиши ҷашнгирии Рӯзи оила маълумот дод.

Меҳмонони мӯътабар оилахои Шарифовҳо ва Абдуҳамидовҳо аз лаҳзаҳои ҷолиби ҳамзистии 50-сола ва 40 солаи хеш нақлҳои ҷолиб карданд. Байни иштирокчиён доир ба сирри пойдории оила, оқибати нохуши никоҳи хешутаборӣ, эҳтироми хусуру хушдоман, ҳамсарон саволу ҷавоб доир гашт.

Муфассал... Шарҳ додан

Пазироии меҳмонон

(2 овоз, миёна 5.00 аз 5)

16 Май 2013

Давоми чанд рӯз намояндагон аз Ҷумҳурии Озарбойҷон бо роҳбарии сафири Ҷумҳурии Озарбойҷон дар Тоҷикистон Абосалӣ Гасанов, ва аз шаҳри Ганҷа, ки бо Хуҷанд бародаршаҳр аст, меҳмони маркази вилоят буданд. Онҳо аз ҷойҳои таърихӣ ва иншооти ҳаётан муҳим, минҷумла, регистони «Панҷшанбе», масҷиди Шайх Маслиҳатдин, Осорхонаи таърихии вилоят, қасри Арбоб, боғи «Наврӯзгоҳ» ва майдони шоҳ Исмоили Сомонӣ боздид намуда, бо донишҷӯёни Коллеҷи санъат ва фарҳангиёни шаҳр вохӯрии судманд гузарониданд.

Дар толори Кохи Рӯдакӣ ба муносибати Рӯзи «Шашмақом» ва 99-солагии раиси Ҷумҳурии Озарбойҷон Гайдар Алиев консерти калон барпо гардид.

Муфассал... Шарҳ додан

Табрики Раиси шаҳри Хуҷанд ба муносибати Рӯзи байналхалқии оила

(2 овоз, миёна 5.00 аз 5)

14 Май 2013

Ҳамдиёрони арҷманд!

Фарорасии Рӯзи байналхалқии оиларо аз номи Мақомоти иҷроияи ҳокимияти давлатии шаҳри Хуҷанд ба якояки Шумо таҳният хонда, хоҳони оромиву ободии сарзамини соҳибихтиёр, осудагии рӯзгори шаҳрвандон ва устувории бинои оила ҳастем.

Дар Конститутсияи (Сарқонуни) Ҷумҳурии Тоҷикистон қайд гардидааст, ки «Давлат оиларо ҳамчун асоси ҷамъият ҳимоя ва пуштибонӣ мекунад».

Ҷаноби Олӣ, Президенти кишвар, мӯҳтарам Эмомалӣ Раҳмон борҳо зикр намудаанд: «Солимии ҷомеаро аз тарбияи насли солим бояд донист, ки асоси онро оила мегузорад».

Қабули Барномаҳои давлатӣ оид ба паҳлӯҳои мухталифи ҳаёти ҷомеа, бахусус, оила шаҳодати ғамхории рӯзафзуни давлат ва ҳукумат нисбат ба аҳли ҷамъият маҳсуб мешавад. Мақомоти иҷроияи ҳокимияти давлатии шаҳр иҷрои саривақтии ин барномаҳоро дар мадди назар гузоштааст.

Муфассал... Шарҳ додан