АсосӣБойгонӣ

Навгонӣ

Таҷлили 60 – солагии шӯъбаи вилоятии Иттифоқи нависандагони Тоҷикистон

26 Май 2013

Дар театри мусиқӣ - мазҳакавии Камоли Хуҷандӣ 60 – солагии шӯъбаи вилоятии Иттифоқи нависандагони Тоҷикистон таҷлил карда шуд, ки дар он Раиси вилояти Суғд Қоҳир Расулзода иштирок намуд.

Раиси вилоят Қоҳир Расулзода зимни суханронии худ дар ҳузури аҳли зиё, шоирону наисандагон, мунаққидони соҳаи адабиёт, устодону донишҷӯёни муассисаҳои олии вилоят ва меҳмонону иштирокдорони чорабинии идона аз ғамхориҳои пайвастаи ҳукумату давлат ба аҳли эҷоду қалам ёдовар шуд ва фаъолияти муназзам ва пурвусъати Иттифоқи нависандагони Тоҷикистон ва бахши суғдии онро оинаи рўшани пайванди сиёсат ва адабиёт унвон кард.

Раиси вилоят аз дастовардҳои солҳои охири шӯбаи вилоятии Иттифоқи нависандагони Тоҷикистон ёдовар шуда, изҳор дошт, ки «ба дасти чоп расидани намунаҳои шеърии шоироне чун Фарзона, Озарахш, Гулноз, Суруш, Адиба, Нуралӣ Нурзод, Дилором дар кишварҳои Эрону Афғонистон, Федератсияи Россия, Қазоқистон, Қирғизистон ва ғайра рамзи эътирофи шеъри навини мо дар ин манотиқи ҷаҳон ва маҷмўан таҳаввулоти тоза дар раванди адабиёти имрўзи тоҷик маҳсуб меёбад.»

Муфассал... Шарҳ додан

300 рӯзи ободонӣ ва сабзкорӣ: Соҳили «Сирдарё» тоза карда шуд

25 Май 2013

Кормандони шӯъбаи ҳифзи муҳити зисти шаҳри Хуҷанд ташаббуси Раиси шаҳр Раҷаббой Каримовро оид ба 300 рӯзи ободонӣ ва сабзкорӣ ҳамаҷониба дастгирӣ намуда, аксия бо номи «Тозагии соҳил-2013» гузарониданд. Бо мақсади ҳифз намудани манбаъҳои об аз ифлосшавӣ толибилмони ду муассисаи таълимӣ ғайратмандона меҳнат карданд. Донишҷӯёни Коллеҷи тиббӣ соҳили чапи дарёи Сирро аз назди беморхонаи шараёни дил то кӯпруки кӯҳна ва толибилмони литсейи касбӣ-техникии №44 аз назди шӯъбаи Бозрасии давлатии автомобилӣ то мавзеи маҳаллаи Раззоқро аз партовҳо тоза карданд.

Муфассал... Шарҳ додан

Сафари корӣ: Таваҷҷӯҳи рӯзафзун ба корхонаҳо

(1 овоз, миёна 5.00 аз 5)

23 Май 2013

Раиси шаҳри Хуҷанд Раҷаббой Каримов мунтазам бо мақсади шиносоӣ аз фаъолияти корхонаҳои саноатӣ ва бохабар шудан аз муаммоҳои онҳо сафари корӣ анҷом медиҳад.

Сафари навбатӣ ба корхонаи аъмоён, ки дар маҳаллаи 27-ум воқест, ба вуқӯъ пайваст. Раиси шаҳр аз сехҳои коргоҳ дидан намуда, бо коргарон сӯҳбати судманд орост. Ба сифати маҳсулоти истеҳсолкардаашон баҳои баланд дода, онҳоро ба фатҳи қуллаҳои нави меҳнатӣ даъват кард.

Феълан дар корхонаи мазкур 63 нафар коргарон бо сарварии Равшан Ҷӯраев фаъолият доранд. Аз ин теъдод 32 нафарашон бонувон мебошанд.

Муфассал... Шарҳ додан

Семинари омӯзиш: Тарзи бастани шартномаҳои коллективӣ ва меҳнатӣ

(1 овоз, миёна 5.00 аз 5)

24 Май 2013

Дар толори Мақомоти иҷроияи ҳокимияти давлатии шаҳри Хуҷанд бо ташаббуси бахши меҳнат ва ҳифзи иҷтимоии аҳолии мақомот семинари омӯзишӣ барои соҳибкорони хурду миёна доир шуд.

Дар он роҳбарони муассисаю ташкилотҳои мухталиф, ки бо фаъолияти соҳибкорӣ машғуланд, иштирок карданд.

Чорабиниро бо сухани ифтитоҳӣ мудири бахши меҳнат ва ҳифзи иҷтимоии аҳолии Мақомоти иҷроияи ҳокимияти давлатии шаҳри Хуҷанд Шарифҷон Аҳмадов оғоз бахшид.

Муфассал... Шарҳ додан

Омодагӣ ба мавсим нав: Боздид аз корхонаҳои коркард

22 Май 2013

Мавсими кор дар корхонаҳои коркарди маваю сабзавот оғоз гардид. Ба ин хотир Раиси шаҳри Хуҷанд Раҷаббой Каримов бо ҳадафи ошноӣ аз рафти омодагии корхонаҳо ба мавсими имсола аз чанд корхона дидан кард.

Нахуст Раиси шаҳр ба Ҷамъияти саҳҳомии кушодаи «Лаъл», ки ба истеҳсоли зарфҳои шишагин муваззаф гардидааст, омада, бо роҳбарият ва кормандони он сӯҳбат гузаронд ва аз сехҳои корхона дидан намуд.

Маълум гардид, ки феълан дар ду сехи коргоҳ 217 нафар дар се баст фаъолият карда, шабонарӯзӣ 29-30 ҳазор дона банкаҳои дулитра истеҳсол менамоянд. Директори генералии ҶСК «Лаъл» Мирзоҳалим Мирзокаримов зимни пурсиши Раиси шаҳр гуфт, ки мавсими имсола аз 10-уми май оғоз гардида, барои ҷалби кормандон ҷиҳати ҷоннок намудани фаъолият тадбирҳои зарурӣ андешида шуданд.

Муфассал... Шарҳ додан