АсосӣБойгонӣ

Навгонӣ

1-уми июн - Рӯзи байналмилалии ҳифзи кӯдакон: Ворисони фардои мо

29 Май 2013

Ба ифтихори Рӯзи байналмилалии ҳифзи кӯдакон дар мактаб-интернати ёрирасони шаҳри Хуҷанд чорабинии идона доир шуд. Он таҳти унвони «Субҳи зиндагӣ» ҷараён гирифта, барои табрики омӯзгорону толибилмони ин боргоҳи маърифат меҳмонон аз мақомоти шаҳру вилоят ташриф оварданд.

Нахуст мудири шӯъбаи рушди иҷтимоӣ ва робита бо ҷомеаи Мақомоти иҷроияи ҳокимияти давлатии вилоят Аминҷон Шарифов сухан карда, номаи табрики Раиси вилояти Суғд Қоҳир Расулзодаро ба самъи ҳозирин расонид. Муовини Раиси шаҳри Хуҷанд Дадоҷон Абдуллоев кормандони мактаб-интернатро бо Рӯзи байналмилалии ҳифзи кӯдакон аз номи Мақомоти иҷроияи ҳокимияти давлатии шаҳр, хоса Раиси шаҳр Раҷаббой Каримов табрик гуфта, ба наврасон бачагии хушбахтона таманно намуд.

Муфассал... Шарҳ додан

«Донояк» - Шукронахон

(1 овоз, миёна 5.00 аз 5)

28 Май 2013

Тибқи нақшаи шӯъбаи маорифи шаҳри Хуҷанд ва бо мақсади иҷрои фармони Раёсати фарҳанги Мақомоти иҷроияи ҳокимияти давлатии вилояти Суғд пиромуни гузаронидани озмуни вилоятӣ таҳти унвони «Fунчаҳои истиқлол» тадбирҳо амалӣ шуданд. Бо мақсади баланд бардоштани дараҷаи таълиму тарбия дар муассисаҳои таҳсилоти томактабӣ ва бо ин васила ташаккул додани ҷаҳонбинӣ, дарёфт намудани кӯдакони эҷодкор, соҳибистеъдоду лаёқатманд, ба остонаи маърифат раҳнамун сохтани писаракону духтаракон ва ба муносибати Рӯзи байналхалқии ҳимояи кӯдакон дар кӯдакистони рақами 36 озмуни доноякони муассисаҳои таҳсилоти томактабии шаҳри Хуҷанд бо номи «Донояк» баргузор карда шуд.

Муфассал... Шарҳ додан

Варзиш: Fалабаи боксчиёни Хуҷанд

(2 овоз, миёна 4.00 аз 5)

27 Май 2013

Варзишгарони 16-солаи хуҷандӣ Ҳамза Сулаймонов ва Далер Ҳусейнов чанде пеш аз шаҳри Шимкенти Ҷумҳурии Қазоқистон баргаштанд. Онҳо дар мусобиқаи варзишӣ аз рӯи намуди бокс байни наврасони солҳои таваллудашон 1997-1998 иштирок намуда, сазовори ҷои дувум гаштанд. Мусобиқа санаҳои 13 - 22-юми апрели соли равон доир гардид. Ба қавли мураббии онҳо Баҳром Усмонов «ин ду варзишгари ҷавон 5 сол инҷониб пайваста барои омӯхтани ин намуди варзиш машқу тамрин мекунанд ва ҳамзамон дар якчанд мусобиқаи ҷумҳуриявию берун аз кишвар ширкат варзида, ҷойҳои намоёнро соҳиб гаштаанд. Тасдиқи гуфтаҳо ин аст, ки Далер Ҳусейнов соли равон дар мусобиқаи байналмилалӣ, ки дар шаҳри Новосибирски Федератсияи Русия доир гардид ҷои аввалро сазовор гашта буд.

Муфассал... Шарҳ додан

Боздид аз Хонаи кӯдакон: Кӯдакон ба ғамхорӣ фаро гирифта мешаванд

(1 овоз, миёна 3.00 аз 5)

28 Май 2013

Мо бояд ба кӯдакони бепарастор бештар ғамхорӣ зоҳир намоем, аз фарзандони худамон зиёдтар аҳамият диҳем, гуфт Раиси шаҳри Хуҷанд Раҷаббой Каримов дар тантанаи идона дар Хонаи кӯдакони шаҳри Хуҷанд.

Саҳни Хонаи кӯдакони хеле тозаву ороиш ёфта буд. Маълум, ки баргузории тантанаи идона ба ифтихори Рӯзи байналмилалии ҳифзи кӯдакон дар назар аст. Кӯдакони зебо, поку беолоиш ва маъсум, ки чанде гирди мизҳои идона ва чандеи дигар дар бағали мураббияҳои меҳрубон нишаста буданд, тимсоли меҳру шафқат ба одамон назар медӯхтанд. Оре, ҳолатҳои мухталифи зиндагӣ онҳоро ба ин ҷо шомил гардонидааст, аммо сухан ҳоло дар хусуси ҳифзи кӯдакон дар ҷамъияти мо меравад. Шояд мувофиқи одат аст, ки дар арафаи ҷашнҳо мо ба мавзӯъҳои мавсимӣ рӯй меорем, аммо фикр мекунам, дар арафаи идҳо ба он аҳамият додан, аз як нигоҳ ҷамъбасти солонаи фаъолияти ҳар соҳа мебошад.

Муфассал... Шарҳ додан

Робитаи наслҳо

(1 овоз, миёна 5.00 аз 5)

26 Май 2013

Бо дастгирии Мақомоти иҷроияи ҳокимияти давлатии вилояти Суғд ва шаҳри Хуҷанд бо иштироки рассоми ҷавон бо номи «Турфа шогирде, ки дар ҳайрат кунад устод»-ро вохӯрии судаманд доир гардид.

Онро бо сухани ифтитоҳӣ раиси бахши Иттифоқи рассомони Тоҷикистон дар вилояти Суғд Насиба Эшонова оғоз бахшида, зикр кард, ки мақсад аз ин нишаст барқарор намудани робитаи наслҳои ҷавон ва миёнаи рассомон, ҷалб намудани чавонон ба талошҳои эҷодӣ, рақобати солими эҷодкорӣ ва тарбияи рассомони ҷавон дар рӯҳияи ватандустӣ, хештаншиносӣ ва сайқал додани маҳорати касбии онҳо мебошад.

Муфассал... Шарҳ додан