АсосӣБойгонӣ

Навгонӣ

Ба Раиси шаҳр аз омодагӣ ба Наврӯз ҳисобот доданд

04 Март 2016

Субҳи имрӯз таҳти раёсати Раиси шаҳри Хуҷанд Раҷаббой Аҳмадзода ҷаласаи корӣ бо иштироки муовинон, роҳбари дастгоҳ мудирони шӯъба, роҳбарони воҳидҳои сохторӣ, муассисаҳои таълимӣ, идораҳои коммуналӣ ободонӣ кабудизоркунӣ ва фаъолони шаҳр баргузор гардид.
Дар он Раҷаббой Аҳмадзода аз масъулини шаҳрдорӣ доири омодагиҳои корхонаю ташкилот ва муассисаҳои маркази вилоят пурсиш ба амал оварда бобати вусъати корҳои ободию сабзкорӣ супоришҳои мушаххас дод.
Бо назардошти он, ки дар маркази вилоят шаҳри Хуҷанди бостонӣ бори нахуст фестивали лолаҳо ва карнавали наврӯзӣ доир мегардад, ба идораи хоҷагию манзилӣ ва муассиаҳои гулкорию кабудизоркунӣ супориш дода шуд, ки ба тарҳу ороиши махсус хиёбону гулгашт ва кӯчаҳои шаҳр бо гулу лолаҳои рангоранг оро дода шуда, биноҳои ташкилоту муассисаҳои шаҳр рангубор карда шаванд. Идораҳои кабудизоркунӣ ва ороишии гулҳо дар навбати худ барои пешниҳоду шинондани тарзу усулҳои гуногуни ороши гулҳои баҳорӣ муваззаф гардида, маҳалҳои гулкории онҳо муқаррар карда шуд.

Муфассал... Шарҳ додан

Таҳсилоти фосилавӣ қадами навбатӣ барои воридшавӣ фазои ягонаи таҳсилоти ҷаҳонӣ

(1 овоз, миёна 5.00 аз 5)

02 Март 2016

Дар Донишкадаи политехникии Донишгоҳи техникии Тоҷикистон ба номи академик М.С.Осимӣ дар шаҳри Хуҷанд семинари илмӣ- амалии ҷумҳуриявӣ дар мавзӯи «Таҳсилоти фосилавӣ» доир гардид. Дар кори семинар роҳбарони як қатор муассисаҳои таҳсилоти олии касбии вилоят, устодони донишгоҳҳо ширкат доштанд. Як ҷанбаи фарқкунандаи семинар он буд, ки бо дастгирии ширкати мобилии ТСЕЛЛ ҷомеаи меҳнатии Донишгоҳи техникии Тоҷикистон, Донишгоҳи давлатии шаҳри Кӯлоб ва Донишкадаи энергетикии шаҳри Қурғонтеппа тавонистанд бевосита дар муассисаҳои худ истода, тариқи интернет ба таври мустақим ба кори семинар пайваст шаванд.

Муфассал... Шарҳ додан

Мактаби № 30 соҳиби толори варзиш ва синфхонаҳои дарси меҳнат мешавад.

(1 овоз, миёна 5.00 аз 5)

01 Март 2016

Имрӯз Раиси шаҳри Хуҷанд Раҷаббой Аҳмадзода дар маросими гузоштани хишти аввали бинои толори варзишии мактаби таҳсилоти умумии № 30 маркази вилоят ширкат намуд.
Мактаби мазкур соли 1995 мавриди истифода қарор гирифта, давоми соли хониш бинобар набудани толори варзиш, дарси хонандагон ба таври мукаммал баргузор намегашт.
Ба Раиси шаҳри Хуҷанд сохтмончиён қаблан доири лоиҳаи бинои толори варзишии мактаб иттилоъ дода қайд намуданд, ки толори варзишӣ барои баргузории дарси тарбияи ҷисмонӣ, мусобиқаҳои варзишии мактабиён ва ҳуҷраҳои таълимии омӯзгорон ва утоқҳои либоскашии духтарона ва писарона ба назар гирифта шудааст.
Фармоишгари иншоот Идораи сохтмони асосии шаҳр буда, иҷрокунандаи он Идораи сохтмонии «Нерӯи Суғд» мебошад.

Муфассал... Шарҳ додан

Ҷаласаи нахустини Шӯрои кор бо ҷавонон баргузор гардид.

(1 овоз, миёна 5.00 аз 5)

01 Март 2016

Имрӯз таҳти раёсати Раиси шаҳри Хуҷанд Раҷаббой Аҳмадзода нахустин ҷаласаи Шӯрои кор бо ҷавонони назди Раиси шаҳри Хуҷанд баргузор гардид. Кори ҷаласаро Раҷаббой Аҳмадзода ифтитоҳ намуда, иттилоъ дод, ки аз 20 нафар аъзои Шӯро 18 нафар нафар иштирок доранд.
Аъзоёни Шӯро рӯзномаи ҷаласаро иборат аз тасдиыи наышаи кории Шӯрои кор бо ҷавонони назди Раиси шаҳри Хуҷанд барои соли 2016, баррасии масъалаҳои ҷорӣ ва вазифагузориҳо тасдиқ намуданд.
Раиси шаҳри Хуҷанд Раҷаббой Аҳмадзода зимни суханронии худ дар шӯрои мазкур таъкид намуд, ки давлату ҳукумат бо сарварии Президенти Ҷумҳурии Тоҷикистон, Асосгузори сулҳу ваҳдат, Пешвои миллат Ҷаноби Олӣ, муҳтарам Эмомалӣ Раҳмон ба рушди соҳаи ҷавонон, илму фарҳанг ва маънавиёти ҷомеа, махсусан ба таълиму тарбияи насли ҷавон эътибори аввалиндараҷа дода, барои пешрафти ин соҳа ва тайёр намудани мутахассисони соҳиби донишу малакаи баланди касбӣ ҳамаҷониба мусоидат менамоянд.

Муфассал... Шарҳ додан

Гранти Раиси шаҳр барои дастгирии ҳунармандони Хуҷанд

(1 овоз, миёна 5.00 аз 5)

27 Феврал 2016

Ҷиҳати иҷрои Фармони Президенти Ҷумҳурии Тоҷикистон аз 3 декабри соли 1999, № 5 «Дар бораи тадбирҳои баланд бардоштани мақоми зан дар ҷомеа», ва амалӣ гаштани дастуру супоришҳои Пешвои миллат Эмомалӣ Раҳмон барои эҳё намудани ҳунарҳои миллии ниёгон, бо ҷойи кор таъмин намудани занону духтарон, дастгирии рушди ҳунарҳои дастӣ ва меҳнати хонагӣ ва қарори Раиси вилояти Суғд аз 29 январи соли 2016, №45 «Дар бораи таъсиси грантҳо барои дастгирии рушди ҳунарҳои дастӣ ва меҳнати хонагӣ дар соли 2016» Раиси шаҳри Хуҷанд Раҷаббой Аҳмадзода «Дар бораи таъсиси грантҳо барои дастгирии рушди ҳунарҳои дастӣ ва меҳнати хонагӣ дар соли 2016 дар шаҳри Хуҷанд» қарори дахлдор ба имзо расонд.