АсосӣБойгонӣ

Навгонӣ

Мулоқоти Раиси шаҳри Хуҷанд бо сокинони маҳаллаи «Мевағул».

20 Сентябр 2014

Раиси шаҳри Хуҷанд Раҷаббой Аҳмадзода дар мактаби таҳсилоти ҳамагонии № 23 бо сокинони маҳаллаи «Мевағул»-и маркази вилоят мулоқот анҷом дод. Дар суханони муқаддимавии худ номбурда ёдовар шуд, ки ин вохуриҳо дар асоси дастури Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон баргузор гашта истодааст ва ин вохӯрӣ сеюмин ба ҳисоб меравад.
Раҷаббой Аҳмадзода доири пешравиҳои шаҳри Хуҷанд дар соли равон харф зада таъкид намуд, ки тамоми омилҳои пешравӣ пеш аз ҳама аз иштироки фаъолонаи ҳар як сокини шаҳри бостонии Хуҷанд маншаъ мегирад. Ташкили коронаҳои хурду миёнаи истеҳсолӣ, дастгирии аҳолии ниёзманд, омодагӣ ба зимистонгузаронӣ, таъмир ва пурра мумфаршкуниии роҳҳо, вусъати тозаи корҳои созандагию ободонӣ, баррасии саривақтии муроҷиати шаҳрвандон ва ғайра асоси фаъолияти Мақомоти иҷроияи ҳокимияти давлатии шаҳри Хуҷандро ташкил медиҳад.

Муфассал... Шарҳ додан

Раиси шаҳри Хуҷанд иҷроиши дархости сокинонро санҷид.

(1 овоз, миёна 5.00 аз 5)

19 Сентябр 2014

Раиси шаҳри Хуҷанд Раҷаббой Аҳмадзода вобаста ба иҷроиши муроҷиат ва дархости шаҳрвандон имрӯз аз чанд манзилҳои сокинони ниёзманд дидан намуд.
Сокинони шаҳри Хуҷанд Шарифа Сайфиддинова ва Наргиза Норматова, ки модари танҳо маҳсуб ёфта фарзандони маюб доранд, дар рӯзи қабули Раиси шаҳри Хуҷанд барои сохтмони манзил аз Мақомоти иҷроияи ҳокимияти давлатии шаҳри Хуҷанд кӯмак хоста буданд.
Шаҳрвандони мазкур баъди соҳиб шудан ба қитъаи замини наздиҳавлигӣ имкони бунёди манзил надоштанд. Раҷаббой Аҳмадзода дар ҳамроҳии роҳбарони идораҳои сохтмонӣ меъморӣ ва заминсозӣ барои оғози корҳои сохтмонӣ дастуру супоришҳои мушаххас дод. « То фаро расидани фасли сармо сокинони мазкур бояд дар манзили нав истиқомат намоянд»-таъкид намуд Раиси шаҳри Хуҷанд.

Муфассал... Шарҳ додан

Мулоқоти вакилон бо интихобкунандагон.

(1 овоз, миёна 5.00 аз 5)

18 Сентябр 2014

Имрӯзҳо дар корхонаю муассисаҳо ва ташкилотҳои мухталиф мулоқоти вакилони Маҷлиси Намояндагони Маҷлиси Олии Ҷумҳурии Тоҷикистон баргузор гашта истодааст. Чунин як вохурӣ дар маҷлисгоҳи Мақомоти иҷроияи ҳокимияти давлатии шаҳри Хуҷанд аз ҷониби вакилони Маҷлиси Намояндагони Маҷлиси Олии Ҷумҳурии Тоҷикистон Домуллоҷон Ҷабборов ва Мунаввара Кенҷаева бо кормандони дастгоҳи Раиси шаҳри Хуҷанд ва интихобкунандагон баргузор гардид. Дар вохурӣ Раиси шаҳри Хуҷанд Раҷаббой Аҳмадзода иштирок намуда, мулоқотро ифтитоҳ бахшид ва таъкид намуд, ки ин силсилавохӯриҳо барои боз хам беҳтар шудани иртиботи намояндагони мардум бо интихобкунандагон аст.

Муфассал... Шарҳ додан

Дар коҳиш додани сатҳи ҷинояткорӣ фаъол бояд буд.

(1 овоз, миёна 5.00 аз 5)

19 Сентябр 2014

Тибқи супориши Сардори давлат Эмомалӣ Раҳмон ва нақшаи Прокуратураи вилояти Суғд дар Кохи фарҳанги шаҳри Хуҷанд маҷлиси васеъ бо иштироки сарварони мактабҳои олӣ ва мактабҳои таҳсилоти умумӣ, мудирони шуъбаҳои Мақомоти иҷроияи ҳокимияти давлатии шаҳри Хуҷанд, намояндагони уламои дини вилояту шаҳр, раисони кумитаҳои маҳаллаҳои шаҳр, шӯроҳои занон ва бибиотунҳо доир гардид. Дар он Прокурори вилояти Суғд Қурбонзода Шариф Ҳабибулло, Раиси суди вилоят Анвар Иброҳимзода иштирок намуданд.
Маҷлисро Раиси шаҳри Хуҷанд Раҷаббой Аҳмадзода оғоз кард ва ба ҳозирин маълум сохт, ки бо вуҷуди ин қадар пешравиву муваффақият, ҷиноятсодиркунии шаҳрвандон ва ноболиғон дар ҷомеа боиси нигаронии шаҳрдорӣ ва мақомоти ҳифзи ҳуқуқ гардидааст.- Аз ин рӯ, фаъолони шаҳрро ин ҷо сарҷамъ намудем, то аз ин вазъ бохабар созем,- зикр намуд Раҷаббой Аҳмадзода ва суханро ба Прокурори вилоят Қурбонзода Шариф Ҳабибулло дод.

Муфассал... Шарҳ додан

Раиси шаҳри аз се кӯдакистон дидан намуд.

(1 овоз, миёна 5.00 аз 5)

17 Сентябр 2014

Мувофиқи дастури Президенти Ҷумҳурии Тоҷикистон Эмомалӣ Раҳмон Раиси шаҳри Хуҷанд ба ғайр аз рӯзҳои қабули худ, ҳар ҳафта рӯзи шанбе, дар маҳаллаҳо бо сокинон мулоқоту сӯҳбат доир менамояд.
Дар маҳаллаи «Раззоқ» ба Раиси шаҳри Хуҷанд доири таъмир ва азнавсозии кӯдакистонҳои № 4 ва № 7, ки дар маҳаллаи мазкур ҷойгир аст, муроҷиат намуда буданд.
Нимаи аввали рӯз Раиси шаҳри Хуҷанд Раҷаббой Аҳмадзода бо ҳамроҳии роҳбарони идораи сохтмон,маориф аз се кӯдакистонҳое,ки дар маҳаллаҳои шаҳр воқеанд дидан намуд. Дар оғоз Раиси шаҳри Хуҷанд аз шароити таълиму тарбия ҷойи хоб, сифати таълими кӯдакистони № 7 дидан намуд.
Дар ин тарбиятгоҳ 124 нафар кӯдаконро 6 нафар мураббиён таълим дода, теъдоди умумии кормандони он 21 нафарро ташкил медиҳад.