АсосӣБойгонӣ

Навгонӣ

Муҳлати муҳокимаи лоиҳаи «Нишони шаҳри Хуҷанд» то санаи 10 феврал тамдид ёфт.

30 Январ 2014

Давоми се моҳ мешавад, ки муофиқи карори Раиси шаҳри Хуҷанд Раҷаббой Каримов озмуни муқаррар намудани нишон ва рӯзи шаҳри Хуҷанд идома дорад. Бо мақсади баррасии пешниҳодҳои ба озмун воридшуда ҷаласаи кории ҳайати комиссияи озмуни лоиҳаи «Нишони шаҳри Хуҷанд» ва муқаррар намудани «Рӯзи шаҳр» баргузор гардид.

То санаи 20 январи соли равон барои муҳокимаи аъзоёни комиссия зиёда аз 100 лоиҳаҳо, аз ҷониби 65 нафар муаллифони нишон пешниҳод гардид. Ҳайати комиссия баъди муҳокимаи лоиҳаҳо ба хулоса омад, ки 30 лоиҳаи нишони шаҳри Хуҷанд барои муҳокимаи давраи минбаъда пешниҳод карда шавад.

Мудири бахши фарҳанги дастгоҳи Раиси шаҳри Хуҷанд Бахтиёр Қосимов бо муаллифони лоиҳаи мазкур машварати корӣ доир намуда, пешниҳоди аъзоёни комиссияи озмунро ба самъи онҳо расонд.

Муфассал... Шарҳ додан

Ҷаласаи васеъи Шӯрои ҳамоҳангсозӣ.

29 Январ 2014

Дар маркази фарханги шаҳри Хуҷанд мачлиси васеи Шӯрои хамохангсозии шаҳр бо иштироки Раиси шаҳри Хуҷанд Раҷаббой Каримов баргузор гардид. Дар чаласа пешниҳоди Прокурори шаҳри Хуҷанд «Оиди андешидани чораҳои дахлдор бо мақсади бартараф намудани қонунвайронкуниҳо, сабабу шароитҳои ба онҳо мусоидаткарда вобаста ба иҷрои Қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи масъулияти падару модар дар таълиму тарбияи фарзанд» ва сатҳи иҷроиши қонунҳои зикр гардида ва рафти иҷроиши «Барномаи давлатии мубориза бо ҷинояткорӣ дар Ҷумҳурии Тоҷикистон барои солҳои 2008-2015 мавриди барраси карор гирифт. Аз руи масалаи якум роҳбари дастгоҳи Раиси шаҳри Хуҷанд Биволида Самадова пешниходи Прократураи шахрро ба самъи хозирин расонид.

Муфассал... Шарҳ додан

Раиси шаҳр бо сокинони маҳаллаи «Ваҳдат» вохурд.

(1 овоз, миёна 5.00 аз 5)

29 Январ 2014

Вохурии навбатии Раиси шаҳри Хуҷанд Раҷаббой Каримов дар мактаби «Иршод» бо фаъолону сокинони маҳаллаи «Ваҳдат» баргузор гардид.

Раиси шаҳр аз натиҷаҳои назарраси соли 2013 барои ҳозирон иттилоъ дода, ёдрас намуд, ки мувофиқи дастури Президенти Ҷумҳурии Тоҷикистон, Ҷаноби Олӣ,муҳтарам Эмомалӣ Раҳмон таи солҳои охир ба зиёд намудани ҷойҳои нави корӣ, таъсиси корхонаҳои хурду миёна, эҳёи корхонаҳои саноатӣ эътибори ҷидди дода шуда истодааст. Бо мақсади вусъати тоза бахшидан ба корҳои ободонӣ соли 2014 аз ҷониби иҷрокунандаи Раиси вилояти Суғд Абдураҳмон Қодирӣ «Соли рохҳои обод» эълон шудааст.

Дар баробари ин аз ҷониби Мақомоти иҷроияи ҳокимияти давлатии шаҳри Хуҷанд тадбирҳои мушаххасро бобати беҳтар намудани сатҳи зиндагии мардум ҳамаруза андешида мешавад.

Муфассал... Шарҳ додан

Роҳбари нави КВДК «Муассисаи нақлиёти санитарии шаҳри Хуҷанд»

29 Январ 2014

Таъинот

Роҳбари нави КВДК «Муассисаи нақлиёти санитарии шаҳри Хуҷанд»

Дар КВДК «Муассисаи нақлиёти санитарии шаҳри Хуҷанд» маросими муаррифии роҳбари нави корхона баргузор шуд.

Онро бо сухани муқаддимавӣ муовини аввали Раиси шаҳри Хуҷанд Иброҳимҷон Иброҳимов ҳусни ифтитоҳ бахшида, хотиррасон кард, ки бинобар ба вазифаи директории генералии КВД «Хуҷандобуканал»-и шаҳр таъин шудани сардори корхона Муқим Бобоев мавсуф бо қарори Раиси шаҳри Хуҷанд Раҷаббой Каримов аз вазифааш озод карда шудааст.

Иброҳим Иброҳимов зимни суханрониаш аз хизматҳои Муқим Бобоев ёдрас шуда гуфт, ки ӯ тӯли фаъолияти худ як андоза вазъи тозагии шаҳрро ба эътидол дарорад.

Баъдан ӯ қарори Раиси шаҳрро дар бораи таъин намудани Иброҳимҷон Қаландаров ба вазифаи сардори КВДК «Муассисаи нақлиёти санитарии шаҳри Хуҷанд» қироат карда, гуфт, ки мавсуф то ин дам роҳбарии чанд корхонаву муассисаҳоро ба зимма дошт.

Муфассал... Шарҳ додан

Мулоқоти сокинони маҳаллаҳои «Бофанда» ва «Шарқ» бо Раиси шаҳри Хуҷанд.

(1 овоз, миёна 5.00 аз 5)

25 Январ 2014

Вохӯрии навбатии Раиси шаҳри Хуҷанд Раҷаббой Каримов бо сокинони маҳаллаи «Бофанда» ва «Шарқ» баргузор гардид.

Раиси шаҳри Хуҷанд зимни вохӯрӣ бобати корҳои ободонӣ дар шаҳр, дастовардҳо ва пешравиҳои соҳаҳои хоҷагии халқ дар соли 2013 маълумот дод. Соли гузашта, доири бартараф намудани муаммои партов дар шаҳр, наздик 40 км мумфарш намудани роҳҳо, ташкили 20 корхонаҳои хурду миёна, фароҳам овардани ҷойҳои нави корӣ, корҳои зиёди созандагию ободонӣ бо мақсади беҳтар намудани сатҳи некӯаҳволии сокинон аз ҷумлаи натиҷаҳои назаррас ба ҳисоб мераванд.

Муфассал... Шарҳ додан