АсосӣБойгонӣ

Навгонӣ

Ҷаласаи зимистонгузарони доир гардид.

(1 овоз, миёна 5.00 аз 5)

28 Ноябр 2014

Раиси шаҳри Хуҷанд Раҷаббой Аҳмадзода бо муовинон, масъулини шӯъбаву бахшҳои Мақомоти иҷроияи ҳокимияти давлатии шаҳри Хуҷанд, роҳбарони сохторҳои ҳифзи ҳуқуқ, сарварони мактабҳои таҳсилоти миёнаи умумӣ, муассисаҳои тиббӣ, корхонаҳои воҳиди давлатӣ, имомхатибон, сарварони бозорҳо ва марказҳои савдои шаҳр ҷаласаи навбатӣ доир намуд.
Сараввал Раиси шаҳр ҳозиринро бо рӯзномаи ҷаласа, ки аз бандҳои оид ба пешгирии ҳолатҳои сар задани сӯхторҳо дар муассисаҳои таълимиву тиббӣ ва савдо, оид ба шомилшавии ҷавонон ба ҳизбу ҳаракатҳои террористиву экстремистидошта, оид ба вазъи ҷиноятсодиршавӣ дар шаҳри Хуҷанд ва оид ба омодагиҳо ба Наврӯзи умумиҷумҳуриявӣ дар шаҳри Хуҷанд иборат буд, ошно сохт.

Муфассал... Шарҳ додан

Бо кӯмаки шаҳрдори Хуҷанд саломатии шаҳрванд барқарор шуд.

26 Ноябр 2014

Сокини шаҳри Хуҷанд Байтулло Хоҷаев аз овони кӯдакӣ аз бемории пой ранҷ мекашид. Барои халосӣ аз ин беморӣ то ба имрӯз се маротиба ҷаррохӣ гардидааст. Бо тавсияи мутахассисон ҷаррохии ӯ якмаротиба дар шахри Санкт Питербург низ анҷом додааст, лекин бо гузашти муддате беморӣ аз нав авҷ мегирифт.
Бо шиддат гирифтани бемориаш номбурда мачбур гардид, ки бори дигар чаррохи намояд.
Барои ҷарроҳӣ бошад зарурати даъвати мутахассис аз Федератсияи Россия ба миён омад,ки он хароҷоти иловагиро талаб менамуд.
Бо мақсади расондани кӯмак барои анҷом додани ин ҷарроҳӣ Байтулло Хоҷаев ба Мақомоти иҷроияи ҳокимияти давлатии шаҳри Хуҷанд муроҷиат намуд. Барои қисман пӯшондани хароҷоти ҷарроҳӣ бо қарори Раиси шаҳри Хуҷанд Раҷаббой Аҳмадзода аз буҷаи маҳаллӣ 16 750 сомонӣ ҷудо гардид.

Муфассал... Шарҳ додан

Дар дар шаҳри Хуҷанд мавсими лолашинониро оғоз намуданд.

25 Ноябр 2014

Дар асоси дастури Раиси шаҳри Хуҷанд Раҷаббой Аҳмадзода мавсими шинондани пиёзаки гули лола дар маркази вилоят оғоз ёфт. Гулкорони Раёсати хоҷагии манзилию коммуналӣ ва ободонии шаҳри Хуҷанд то санаи 18 ноябр тамоми корҳои омода намудани заминро барои парвариши гули лола ба анҷом расонда алҳол дар майдонҳои барои парвариши гул пешбинишуда пиёзаки гули лоларо шинонда истодаанд.
То имрӯз кормандони муассисаи номбурда дар навбати аввал зиёда аз 30 ҳазор дона пиёзакҳо шинонда шуда, барои сари вақт ва беталафот сабзидани онҳо корҳои агротехнологиро анҷом медиҳанд.
Лозим ба ёдоварист,ки тибқи нақшаи омодашуда дар арафаи Наврӯзи соли 2015 гулзорҳои шаҳрро зиёда аз як миллион дона гули лола, бо намуди ҷадид оро хоҳад дод.

Муфассал... Шарҳ додан

Хушҳолии кӯдакони ятим дар рӯзи таҷлили ҷашни Парчами миллӣ

26 Ноябр 2014

Дар асоси ҳидояту супоришҳои Президенти Ҷумҳурии Тоҷикистон, Ҷаноби Олӣ, Эмомалӣ Раҳмон Мақомоти иҷроияи ҳокимияти давлатии шаҳри Хуҷанд пайваста ба табақаи ниёзманди аҳолӣ ба хусус ба кӯдакони ятим ва бепарастор ёрии моддӣ расонида мешавад. Чунин амали хайр дар рӯзи таҷлили иди Парчами миллӣ низ ба анҷом расид.
Бо дастури Раиси шаҳри Хуҷанд Раҷаббой Аҳмадзода ба бештар аз 100 нафар хонандагони ятиму бепарстор сару либос ва пойафзоли зимистона тақдим карда шуд. Кӯдакон бо хушҳолии зиёд тӯҳфаҳоро қабул намуда, барномаи фарощатии ҳунармандонро дар назди Парчами миллӣ тамошо карданд.
Мавриди зикр аст, ки аз тарафи мақомоти иҷроияи ҳокимияти давлатии шаҳри Хуҷанд дар рӯзҳои ҷашнҳои фархундаи миллӣ пирони кор ва собиқадорони чангу меҳнат аёдат карда шуда, ба онҳо ба таври доимӣ ёрии моддӣ расонида мешавад.

Шарҳ додан

Рӯзи Парчами давлатӣ дар Донишкадаи иқтисод ва савдои ДДТТ

24 Ноябр 2014

Бахшида ба Рӯзи Парчами миллӣ бо иштироки устодону донишҷӯёни Донишкадаи иқтисод ва савдои Донишгоҳи Давлатии Тиҷорати Тоҷикистон чорабинии илмӣ-фарҳангӣ баргузор гардид. Чорабиниро ҷонишини директор оид ба тарбия ва рушди ҷавонон, дотсент Гулчеҳра Аҳророва ҳусни оғоз бахшид.
Намояндаи Мақомоти иҷроияи ҳокимияти давлатии шаҳри Хуҷанд Муяссара Мавлонова паёми табрикотии Раиси шаҳр Раҷаббой Аҳмадзодаро ба ҳайати профессорону омӯзгорон ва донишҷӯён расонд.
Мудири кафедраи ҷомеашиносӣ, номзади илми фалсафа, дотсент Фаррух Турсунов дар мавзӯи «Парчам-рамзи ободиву осоиштагӣ» маърӯзаи илмӣ намуда, ҳамзамон оиди таърихи қабули Парчами давлатӣ маълумот доданд.