АсосӣБойгонӣ

Навгонӣ

Мулоқоти самарабахш дар гимназияи № 4

(1 овоз, миёна 4.00 аз 5)

09 Апрел 2016

Бо мақсади пешгирӣ намудани омилҳои номатлуби шомилшавии ҷавонону наврасон ба гурӯҳҳои зиддидавлатӣ ва террористӣ Мақомоти иҷроияи ҳокимияти давлатии шаҳри Хуҷанд нақша-чорабинии махсусро таҳия намудааст,ки тибқи он дар тамоми муассисаҳои таълимӣ ва маърифатию фарҳангии маркази вилоят мулоқоту сӯҳбатҳои озоди хонандагону омӯзгорон бо масъулини сохторҳои қудратӣ, муассисаҳои динӣ ва идораи маориф баргузор мегардад. Дар доираи чунин як нақшаи тасдиқгардида дар гимназияи №4-и шаҳри Хуҷанд вохӯрии хонандагон бо намояндагони шӯъбаи шаҳрии Кумитаи давлатии амнияти миллии Ҷумҳурии Тоҷикистон ,Шӯъбаи Вазорати корҳои дохилӣ дар шаҳри Хуҷанд, Прокуратура, Шӯрои уламои дини вилояти Суғд ва идораи маорифи шаҳр гузаронида шуд.

Муфассал... Шарҳ додан

Кабули наздик 60 нафар шаҳрвандон аз ҷониби Раиси шаҳр

09 Апрел 2016

Тибқи нақшаи Мақомоти иҷроияи ҳокимияти давлатии шаҳри Хуҷанд имрӯз рӯзи қабули шаҳрвандон аз ҷониби иҷрокунандаи вазифаи Раиси шаҳри Хуҷанд Шариф Шарифзода баргузор гардид.
Дар қабули шаҳрвандон ҳамчунин роҳбарони воҳидҳои сохтори мақомоти маҳаллӣ ва масъулини мақомоти давлатӣ ширкат намуданд.
Давоми рӯз наздики 60 нафар сокинони маркази вилоят барои ҳалли мушкилоти худ ба унвонии Раиси шаҳр муроҷиат намуданд.
Аз ин ҷумла вобаста ба мусоидат намудан ба таъмири манзили истиқоматӣ 18 нафар, гирифтани замини наздиҳавлигӣ 15 нафар, кӯмаки тибби ройгон 4 нафар, бо ҷойи кор таъмин намудан 2 нафар ва ғайра дархост намуданд.

Муфассал... Шарҳ додан

Чорабинии маърифатию тарғиботӣ

08 Апрел 2016

Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон, тибқи нақшаи якҷояи мақомоти иҷроияи ҳокимияти давлатии шаҳр, дар самти пешгирии шомилшавии ҷавонон ба гурӯҳҳои ҷиноятпеша, ҳизбу созмонҳои терористию ифротгаро, тамоилҳои бегонапарастӣ, тақлид ба маданият ва тарзи либоспӯшии ба фарҳангӣ мо бегона ва ба ин васила тарбия намудани насли наврас дар руҳияи эҳтиром ба Ватан, қонун, арзишҳои миллӣ дар ташкилоту муассисаҳои таълимии маркази вилоят чорабиниҳои маърифатию тарғиботӣ доир гардида истодааст.

Муфассал... Шарҳ додан

Такя бар матонати ҳомиёни Ватан дорем

09 Апрел 2016

alt Ҳамдиёрони азиз!
Афсарону ҳимоятгарони марзу буми Ватан!
Муҳтарам собиқадорони Қӯшунҳои дохилӣ!
Ҳамаи шуморо ба муносибати Рӯзи Қӯшунҳои дохилии Ҷумҳурии Тоҷикистони соҳибистиқлол, ки ҳамасола рӯзи 10-уми апрел таҷлил карда мешавад, самимона табрик гуфта, бароятон дар иҷрои вазифаи муқаддасу пуршараф - ҳифзи марзу буми Ватан, ҳимояи манфиатҳои давлат, таҳкими дастовардҳои истиқлолият ва мустаҳкам намудани иқтидори мудофиа-вии мамлакат комёбиҳо орзу менамоям.
Имрӯзҳо Тоҷикистони соҳибистиқлоли мо рӯ ба рушд оварда, рӯзгори мардумаш обод гашта, шукри осмони софу мусаффо ва сулҳи бебозгашт карда, ба ояндаи дурахшон дилпурона менигарад.

Муфассал... Шарҳ додан

Аксия саломатӣ дар муассисаҳои тибби шаҳр.

08 Апрел 2016

Имрӯз бахшида ба Рӯзи байналмиллалии саломатӣ дар тамоми ташкилоту муассисаҳои тиббии маркази вилоят аксияи «Дар мубориза бо диабети канд муттахид мешавем гузаронида шуд.
Мақсади баргузории чорабиниро масъулини соҳа дар пешгирии беморшавии аҳолӣ ва баланд бардоштани фарҳангу саломатии ҷомеъа арзёбӣ менамоянд.
Барои дар сатҳи баландӣ ташкилӣ доир гаштани ин чорабинии маърифатӣ тиббӣ фармони Вазорати тандурустии Ҷумҳурии Тоҷикистон аз 4 апрели соли 2016, №226 «Дар бораи баргузорнамудани чорабинии ҷумҳуриявӣ бахшида ба рузи умумиҷаҳонии тандурустӣ» ба имзо расида ҳамзамон ин аксияро тадбирҳои тибқи барномаи вилоятии «Соли 2016- Соли фарди солим» андешидашуда марбут медонанд.