АсосӣБойгонӣ

Навгонӣ

Ҳашари сокинон дар якҷоягӣ бо роҳсозони шаҳр.

26 Июн 2015

Аз субҳи имрӯз сокинони кӯчаҳои Урунбой Дадобоев ва Мурод Тоҷибоеви маҳаллаи «Чорчароғ»-и маркази вилоят бо ҳамроҳи идораи давлатии «Истифодабарии роҳҳо»-и шаҳри Хуҷанд ба ҳашар баромада кӯчаи худро тахту ҳамвор намуда барои мумфаршкунӣ омода менамоянд. Дар баробари воситаҳои техники роҳсозӣ, хуоду калони ин маҳал якдилона ба ҳашар баромада, ба роҳсозон дар ин кори нек кӯмак мерасонанд.
Аз оғози сол то имрӯз бошандагони кӯчаҳои номбурда ҷӯйбори обравро омода намуда, хатти оби нӯшокиро низ пурра аз намуданд. Баъди ба анҷом расидани ин корҳо онҳо бо ташаббуси мумфаршкунии кӯчаи худ ва дар он саҳм гирифтан ба Мақомоти иҷроияи ҳокимияти давлатии шаҳри Хуҷанд баромад намуданд. Раиси шаҳри Хуҷанд Раҷаббой Аҳмадзода ин ташаббуси мардумро дастгирӣ намуда, ба идораи рохсозии шаҳр супориш дод,ки он то интиҳои моҳи июн кӯчаҳои зикргардида аз таъмири пурраи бо сифат бароварда шавад.

Муфассал... Шарҳ додан

Таҷлили Рӯзи Ваҳдат дар Хуҷанд.

25 Июн 2015

Бегоҳии рӯзи гузашта дар майдони Театри давлатии мазхака-мусиқии ба номи Камоли Ҳуҷандӣ Иди Ваҳдати миллӣ бо шукӯҳу мутантан таҷлил гардид.
Дар қисмати ифтитоҳӣ дар назди ҳозирон Раиси шаҳри Хуҷанд Раҷаббой Аҳмадзода ва намояндаи Мақомоти иҷроияи ҳокимияти давлатии вилояти Суғд, сардори Раёсати маорифи вилоят Каримзода Осим Қосимӣ бо суханони табрикӣ баромад намуданд.
Раиси шаҳри Хуҷанд Раҷаббой Аҳмадзода тамоми мардуми Хуҷанд ва иштирокдорони ин чорабиниро бо Рӯзи Ваҳдати миллӣ табрик намуда, доири аҳамияти ин санаи таърихӣ аз ҷумла қайд намуд:
«Ин санаи тақдирсозе аст, ки бо маънии томаш ҳамчун санаи саодатофарин ва ощози созандагиҳои бузург мебошад. Дар ин рӯзи саид пас аз қаҳрамониҳову ҷонбозиҳои Президенти кишварамон, Ҷаноби Олӣ, муҳтарам Эмомалӣ Раҳмон Созишномаи истиқрори сулҳ ва ризоияти миллӣ дар Тоҷикистон ба имзо расид.

Муфассал... Шарҳ додан

Мушкилоти кӯчаи ба номи Ҷ. Зокир ҳалли худро ёфт.

(1 овоз, миёна 5.00 аз 5)

24 Июн 2015

Таи чанд сол буд, ки сокинони кӯчаи ба номи Ҷ. Зокир аз ҳолати садамавӣ ва ҷамъшавии об дар мавсими бориш душворӣ мекашиданд.
Барои ҳалли мушкилоти мавҷуда як гурӯҳ бошандагони кӯчаи номбурда ба Раиси шаҳри Хуҷанд Раҷаббой Аҳмадзода моҳи январи соли равон муроҷиат намуда, бартараф намудани ин ҳолатро дархост намуда буданд.
Бо мақсади ҳалли ин мушкилот ва шиносоӣ бо ҳалати воқеии муаммои ҷойдошта Раиси шаҳри Хуҷанд Раҷаббой Аҳмадзода бо ҳамроҳии мутасаддиёни идораҳои ободонӣ, роҳсозӣ, сохтмон, раисони маҳаллаҳо дар интиҳои моҳи январи соли ҷорӣ ба кӯчаи мазкур омада бо вазъи ин кӯча бевосита ошно гашта буд.
Кӯчаи мазкур аз буриши кӯчаи ба номи Фирдавсӣ оғоз ёфта то буриши кӯчаи ба номи К. Хуҷандӣ тӯл мекашад.

Муфассал... Шарҳ додан

Дар моҳи Рамазон ба шахсони ниёзманд кӯмак расонда мешавад.

(1 овоз, миёна 5.00 аз 5)

24 Июн 2015

Дар доири супоришҳои Президенти Ҷумҳурии Тоҷикистон Эмомалӣ Раҳмон бобати дастгирӣ ва таваҷҷӯҳӣ нисбати қишри ниёзманди аҳолӣ бо дастури Раиси шаҳри Хуҷанд Раҷаббой Аҳмадзода Мақомоти иҷроияи ҳокимияти давлатии шаҳри Хуҷанд нақшаи расондани кӯмаки моддиро ба нафарони зикргардида омода намудааст.
Дар ҳамин асос кумитаи маҳаллаи маркази вилоят, бахшҳои дахлдори макомоти шаҳр вазифадор гардиданд.ки рӯйхати ин нафаронро омода намуда, ба масъулин пешниҳод намоянд.
Пешбинӣ мешавад, ки дар моҳи шарифи Рамазон аз ҷониби Мақомоти иҷроияи ҳокимияти давлатии шаҳри Хуҷанд, сохторҳои ҳифзи иҷтимоӣ, соҳибкорон ва саховатмандон бештар аз ду ҳазор нафар шахсони эҳтиёҷманд аёдат карда шуда ба онҳо кӯмаки яквақтаи моддӣ расонда мешавад.

Шарҳ додан

Фурӯшандаҳои маркази савдо пӯшидани либоси ягонаро дастгирӣ менамоянд.

23 Июн 2015

Дар асоси амри Раиси шаҳри Хуҷанд Раҷаббой Аҳмадзода фурӯшандагони марказҳои савдо ва бозорҳои маркази вилоят бо либоси тавсиявии ягона ба кор машғул мешаванд. Ин иқдом аз ҷониби соҳибкорон дастгирӣ ёфта, онҳо ҷорӣ шудани чунин тартиботро ба манфиати кор арзёбӣ менамоянд. Зеро ба гуфти худи соҳибкорон пӯшидани чунин либоси ягона агар аз як ҷониб симои ҳар як фурушандаро зебо намояд аз ҷониби дигар сатҳи баланди хизматрасониро ба сокинон таъмин хоҳад кард
Тадбири мазкур аллакай дар қисме аз марказҳои савдои мавзеи Панчшанбе роҳандозӣ гардида, масъулин азм доранд чунин тартибро барои ҳамаи соҳибкорон ҷорӣ намоянд.
Айни замон фурӯшандагони маркази савдои «Бадри мунир», ки ба харидорон махсулоти ширию гӯштӣ пешниҳод менамоянд,