АсосӣБойгонӣ

Навгонӣ

Марафони саломатии велосипедронӣ дар шаҳри Хуҷанд.

20 Август 2016

Санаи 20 августи соли 2016 аз назди Маҷмааи ҳавзҳои шиноварии ба номи «20-солагии Истиқлолияти Тоҷикистон» то майдони Парчами Ҷумҳурии Тоҷикистон, Марафони саломатии вилосипедронӣ баргузор гардид. Чорабинии варзишии мазкур дар асоси нақша чорабиниҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Федератсияи футболи кишвар бахшида ба истиқболи 25 солагии Истиқлолияти давлатии Ҷумҳурии Тоҷикистон ва бо мақсади рушди оммавии варзиши намуди вилосипедронӣ баргузор гардид.
Қабл аз оғози чорабинии мазкур мудири Бахши ҷавонон, варзиш ва сайёҳии шаҳр Бахтиёр Исматҷонов кулли иштирокдорони марафони саломатиро барои дастгирии ташаббус изҳори сипос намуд.

Муфассал... Шарҳ додан

Мулоқоти Раиси шаҳр бо зойирини шаҳри Хуҷанд

18 Август 2016

Сафари гурӯҳи зойирини шаҳри Хуҷанд тавассути тайёра санаи 21 августи соли равон ба давлати Арабистони Саудӣ пешбинӣ гаштааст.
Имсол 126 нафар сокинони маркази вилоят тибқи қарори комиссияи дахлдори Мақомоти иҷроияи ҳокимияти давлатии шаҳри Хуҷанд озими давлати Арабистони Саудӣ хоҳанд шуд.
Раиси шаҳри Хуҷанд Шарифзода Шариф Файз дар маҷлисгоҳи Мақомоти иҷроияи ҳокимияти давлатии шаҳри Хуҷанд бо зойирини имсола мулоқот намуд.
Шарифзода Шариф Файз таъкид намуд, ки маҳз дар рӯзҳои таҷлили 25 солагии ҷашни истиқлолияти давлатии Ҷумҳурии Тоҷикистон иттифоқ афтодани иҷрои фарзҳои ҳаҷ басо рамзӣ буда, ҳозиронро даъват намуд, ки минбаъд барои тарғиби дастовардҳои кишвар, эҳтироми арзишҳои миллӣ, шукргузорӣ аз имкониятҳои ин даврони осоишта фаъол бошанд.

Муфассал... Шарҳ додан

Шариф Шарифзода: ваъда бояд иҷрошаванда бошад

15 Август 2016

Мулоқоти навбатии Раиси шаҳр Шарифзода Шариф Файз бо бошандагони кумитаи маҳаллаи «Тиллокон»-и шаҳр ба назари мо нисбати ба пештарааш хеле такмил ёфта, ин дафъа бо ҷавобҳои саҳеҳу мушаххас ва ошкорову умедворнакунандаи мири шаҳр фарқ мекард. Дар ин бора баъдтар.
Ба маҳаллаи «Тиллокон» истиқоматкунандагони маҳаллаи 12-ум дохил мешаванд. Дар ин минтақаи канории шаҳр расман 10 ҳазору 181 нафар дар 3321 оила истиқомат мекунанд. Бунёди ин микроноҳия ибтидои солҳои 80-уми қарни гузашта оғоз гардида, охирҳои солҳои 80-ум ба итмом расонида шудааст. Дар ин ҷо барои бошандагон 3 мактаби таҳсилоти миёнаи умумӣ ва 1 кўдакистон хизмат мерасонад.

Муфассал... Шарҳ додан

Фестивали фарҳангию сайёҳии «Суғди бостон»

18 Август 2016

Бо мақсади сазовор пешвоз гирифтани 25 – солагии Истиқлолияти давлатии Ҷумҳурии Тоҷикистон, санаи 16 августи соли ҷорӣ дар боғи ба номи Камоли Хуҷандии шаҳри Хуҷанд, Фестивали фарҳангию сайёҳии “Суғди бостон” баргузор гардид.
Ҳайати меҳмонон,- раиси Кумитаи ҷавонон, варзиш ва сайёҳӣ Аҳтам Абдуллозода, муовини Раиси вилояти Суғд Назира Ғаффорӣ ва иштирокчиёни Лагери ҷумҳуриявии “Мактаби омӯзишии ҷавонони фаъол” –ро дар даромадгоҳи асосии ин маркази фарҳангию фароғатӣ Раиси шаҳри Хуҷанд Шарифзода Шариф Файз самимона истиқбол намуд.
Сараввал меҳмонону иштирокчиён аз намоишгоҳи дастовардҳои соҳаи сайёҳии шаҳру ноҳияҳои вилояти Суғд ошно гардиданд.

Муфассал... Шарҳ додан

Хуҷанд шаҳри беҳтарини вилояти Суғд

(1 овоз, миёна 2.00 аз 5)

11 Август 2016

Дар маҷлисгоҳи Мақомоти иҷроияи ҳокимияти давлатии вилоят таҳти раёсати Раиси вилояти Суғд, Раиси Маҷлиси вакилони халқи вилоят Абдураҳмон Қодирӣ Иҷлосияи ғайринавбатии ҳаштуми Маҷлиси вакилони халқи вилояти Суғд, даъвати панҷум доир гардид.
Дар кори иҷлосия муовинони Раиси вилоят, раисони шаҳру навоҳии вилоят, роҳбарони ташкилоту идораҳои вилоятӣ, сохторҳои мақомоти ҳифзи ҳуқуқ, раисони шаҳраку ҷамоатҳо, кумитаи маҳаллаҳо ва дигар шахсони дахлдор ширкат варзиданд.
Дар кори иҷлосия аз 69 нафар вакилон 65 нафар иштирок намуданд. Аз тарафи вакилони иҷлосияи ғайринавбатии ҳаштуми Маҷлиси вакилони халқи вилоят, даъвати панҷум масъалаҳои муҳим мавриди баррасӣ қарор гирифтанд.