АсосӣБойгонӣ

Навгонӣ

Имтиҳони довталабон дар марказҳои тести Хуҷанд идома дорад.

03 Июл 2015

Дар шахри Хучанд чун дар тамоми қаламрави кишвар довталабон барои дохил шудан ба муассисахои таълимии олӣ ва миёнаи махсус супоридани имтиҳонҳои дохилшавӣ тариқи тестӣ оғоз ёфтааст.
Дар маркази вилоят низ 6 маркази миллии тестӣ дар мактабҳои шаҳр фаъол хастанд. Ҳоло дар гимназияи №4, 24 мактабьои 5,16,19,23 масъулини маркази миллии тестӣ ва омӯзгорони муассисаҳои номбурда барои дар сатҳи баланд доири гаштани имтиҳон тамоми шароитҳоро муҳайё намудаанд. Бо мақсади фаъолияти мукаммали ҳайати кории комиссияи қабул тибқи қарори Раиси шаҳри Хуҷанд Раҷаббой Аҳмадзода 60 ҳазор сомонӣ маблағ ҷудо гардид, ки он барои муҷаҳҳаз намудани синфхонаҳои макотиби номбурда бо курсию мизҳои иловагӣ ва камераҳои мушоҳидавӣ масраф гардид. Дар мактабҳо то 30 синфхона омода гаштааст, ки дар ҳар як синф 15 нафари довталабон аллакай имтиҳонсупориро оғоз карданд. Дар марказҳои мазкур имкон ҳаст то 300 нафар ба қайд гирифта шуда, вобаста ба талаботи мавҷуда дониши худро месанҷанд.
Вақти имтиҳонсупорӣ аз соати 09.00 то 12 -00 муқаррар гардида, натиҷаҳои ниҳоии он 25-уми июл муаяйн карда мешавад.

Муфассал... Шарҳ додан

Дастгиронро худо дастгир аст!

(1 овоз, миёна 5.00 аз 5)

03 Июл 2015

Он кӣ кори некмардон мекунад,
Бо заифон лутфу эҳсон мекунад.
Бо шарофати сиёсати сулҳофари Президенти Ҷумҳурии Тоҷикистон Ҷаноби Олӣ, мӯҳтарам Эмомалӣ Раҳмон чанде пеш дар саросари Тоҷикистон Рӯзи Ваҳдати миллиро ид кардем. Ва ба ин муносибат мардум аз гузаштаи наонқадар дур - аз рӯзҳои мудҳише, ки солҳои навадум баъзе нохалафон ба сари халқ оварданд, бо надомат ва оҳи пурдарду афсӯси ҷигарсӯз ёд мекарданд. Ҷанги шаҳрвандӣ, ҳунрезиву аз гиребони ҳамдигар гирифтани додару бародар, ба коми оташ андохтани биноҳои ободу манзилу маконҳои бо машаққат сохтаи пиру ҷавон, дилҳои ҳанӯз ҳам решу дардмандро сахт фишор медоданд, боз ба дард меоварданд...
Меваи ин беақлиҳои кул ва нобасомониҳои мудҳиш - хориву зорӣ, гуруснагиву муҳтоҷӣ, маҳрумият аз дидори ҳамдигар, мурдаҳои бекафан ва чашмҳои ашкбори ҳазорон хурду калон ва пиру ҷавонҳои ноком буданд...

Муфассал... Шарҳ додан

Ҷавонони Бадахшон меҳмони оилаҳои хуҷандиён гаштанд.

02 Июл 2015

Бо мақсади мустаҳкам намудани дӯстиву рафоқат байни ҷавонони минтақаҳои гуногуни мамлакат гурӯҳи 20 нафараи ҷавонони Вилояти Автономии Бадахшони Кӯҳӣ ба маркази вилоят, шаҳри Хуҷанд омаданд.
Меҳмононро масъулини Мақомоти иҷроияи ҳокимияти давлатии шаҳри Хуҷанд, бахши кор бо ҷавонон варзиш ва сайёҳии шаҳр дар майдони Театри мазҳака-мусиқии ба номи К. Хуҷандӣ бо тантана ва самимият истиқбол намуданд.
Яке аз қисматҳои муҳими ин сафар аз он иборат буд, ки ҷавонони бадахшонӣ дар оилаи ҳамсолони худ давоми ду рӯз зиндагӣ намуда ҳамзамон баробари меҳмон шудан, бо зиндагонӣ, шароит ва урфу анъанаҳои ҷавонони Хуҷанд шинос шуданд.
Тибқи барномаи сафар ҳамчунин мизбонон ба меҳмонони худ «Маҷмааи фарҳангию таърихии Қалъаи Хуҷанд», музеи таърихӣ кишваршиносӣ ва дигар мавзеҳои фарҳангию фароғатии маркази вилоятро намоиш доданд.

Муфассал... Шарҳ додан

Ҳамкории соҳибкорони шаҳрҳои Хуҷанд ва Могилев густариш меёбад

02 Июл 2015

Ҳангоми сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Белорус моҳи майи соли гузашта, шаҳрҳои Могилёви Ҷумҳурии Белорус ва Хуҷанди Ҷумҳурии Тоҷикистон бо ҳам созишномаи бародаршаҳрӣ ба имзо расонда буданд.
Дар доираи ин ҳуҷчати муҳим Раиси шаҳри Хуҷанд Раҷаббой Аҳмадзода бо даъвати шаҳрдории Могилёв ҷиҳати иштирок дар таҷлили «Рӯзи шаҳри Могилёв» ба ин кишвар сафари корӣ дошт.
Раиси шаҳри Хуҷанд баробари иштирок дар чорабиниҳои идона бо фаъолияти чанде аз корхонаҳои гуногунсоҳаи ин шаҳр ошно гашта, чанд лоихаи судманди ҳамкориро пешниҳод намуд.
Аз ҷумла дар сӯҳбати мизи мудавваре, ки Раиси шаҳри Хуҷанд Раҷаббой Аҳмадзода бо иштироки раиси Кумитаи иҷроияи шаҳри Могилёв Владимир Цумарев ва доираи соҳибкорони муваффақи ин шаҳр баргузор гардид, дурнамои ҳамкорӣ, имкониятҳои мавҷудаи Хуҷанду Могилёв мавриди баррасӣ қарор гирифт.

Муфассал... Шарҳ додан

Омодагӣ ба мавсими тирамоҳу зимистон дар шаҳри Хучанд.

02 Июл 2015

Тибқи иҷрои Қарори Ҳукумати Ҷумҳурии Тоҷикистон аз 30 апрели соли 2015, №261 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2015-2016», қарори Раиси вилояти Суғд аз 26 майи соли 2015, №267 ва қарори Раиси шаҳри Хуҷанд аз 10 июни соли 2015, № 415 корҳои омодагӣ ба мавсими зимистон дар шаҳри Хуҷанд шурӯъ шудааст.
Бо ин мақсади ҳамоҳангсозии фаъолияти сохторҳои дахлдор ва назорату иҷроиши нақшаи тасдиқгардида бо супориши Раиси шаҳри Хуҷанд Раҷаббой Аҳмадзода ситоди зимистонгузаронӣ созмон дода шуда, нақшаи чорабиниҳо иборат аз 14 банд таҳия ва тасдиқ карда шудааст. То имрӯз аз ҷониби шабакаҳои барқии шаҳри Хуҷанд барои беҳтар намудани барқтаъминкунии аҳолӣ ва камбор намудани трансформаторҳои мавҷудбуда 4 адад истгоҳи трансформатории нави иқтидораш 400кВА ва 250 кВА насбу васл карда шудааст.