АсосӣБойгонӣ

Навгонӣ

Табрикоти Раиси шаҳри Хуҷанд ба муносибати Рӯзи кормандони нақлиёти автомобилӣ

22 Июл 2015

Кулли кормандони соҳаи нақлийти автомобилиро аз номи мақомоти иҷроияи ҳокимияти давлатии шаҳр бо самимият ва эҳтироми афзун табрик намуда, барояшон тани сиҳату хотири ҷамъ, табъи болидаю рӯзгори обод ва дар фаъолияти минбаъда ба хотири рушду пешрафти соҳа комёбиҳои тоза таманно мекунам.
Нақши соҳаи нақлиёти автомобилӣ дар рушди иқтисодиёт ва дар ин радиф беҳдошти сатҳи иҷтимоии аҳолӣ, ободонию зебоии шаҳр басо назаррас аст. Ин аст, ки Ҳукумати Ҷумҳурии Тоҷикистон бо роҳбарии Президенти Ҷумҳурии Тоҷикистон, Ҷаноби Олӣ мӯҳтарам Эмомалӣ Раҳмон ба рушди инфраструктураи нақлиёти автомобилӣ, аз қабили сохтмону таҷдиди роҳҳо ва иншоотҳои он таваҷҷӯҳи хоса зоҳир менамоянд. Чи тавре, ки Сарвари давлат, Ҷанобт Олӣ, мӯҳтарам Эмомалӣ Раҳмон қайд намудаанд:

Муфассал... Шарҳ додан

Тарбиятгирандагони хона-интернати ноҳияи Ҳисор дар шаҳри Хуҷанд истироҳат менамоянд

21 Июл 2015

Дар асоси дастуру ҳидоятҳои Президенти Ҷумҳурии Тоҷикистон Эмомалӣ Раҳмон ғамхорию парастории қишри барои кӯмаку дастгирӣ ниёз дошта мавриди таваҷҷӯҳи доимии мақомоти маҳаллӣ қарор дорад.
Давоми чанд рӯз аст, ки 42 нафар кӯдакони имконияташон маҳдуди Хона интернати ҷумҳуриявии низомаш махсуси ноҳияи Ҳисор дар Маркази ҷумҳуриявии солимгардонии физиотерапевтӣ ба истироҳату муолиҷа фаро гирифта шудаанд.
Бо дастгирии Мақомоти иҷроияи ҳокимияти давлатии шаҳри Хуҷанд имрӯз бошад ба ин кӯдакон ва наврасон дастурхони хайриявӣ ташкил карда шуд.

Муфассал... Шарҳ додан

Боз як фаввораи Хуҷанд азнавсозӣ мешавад.

21 Июл 2015

Дар баробари ободу зебо нигоҳ доштани маркази вилоят тибқи дастури Раиси шаҳри Хуҷанд Раҷаббой Аҳмадзода давоми моҳи равон азнавсозии чанде аз мавзеҳои фароғатии сокинон ба нақша гирифта шудааст. Яке аз онҳо фаввораи назди ҳайкали К. Хуҷандӣ дар шоҳроҳи ба номи И. Сомонӣ аст.
Фаввораи мазкур давоми ду ҳафта аст, ки бо меҳнати мутахассисону кормандони Идораи сохтмони асосии шаҳри Хуҷанд азнавсозӣ мешавад. Аз рӯи лоиҳа фаввораи мазкур тарҳи нав гирифта, он чароғакҳои ранга ороиш дода мешавад. Фишори оби фаввораҳо низ баландтар шуда, он аз қисмат иборат хоҳад буд. Баландии он бошад зиёда аз панҷ метр гашта, интизорӣ меравад намои хуштарҳу фаввораҳои ҷолиби он ба мавзеи номбурда ҳусни ҷадид зам хоҳад кард.

Муфассал... Шарҳ додан

Корҳои ободонӣ Хуҷандро зебо мегардонанд.

21 Июл 2015

Дар асоси супориши Раиси шаҳри Хуҷанд Раҷаббой Аҳмадзода давоми ду ҳафта дар ҳудуди шаҳр бо ҳамдастии сокинон ташкилоту муассисаҳо ва идораҳо дар интиҳои ҳафта ҳашари умумишаҳрӣ доир мегардад. Дар баробари ин таъмиру тармими объектҳои хоҷагии манзилию коммуналӣ кӯчаю хиёбонҳо, воситаҳои равшанидиҳии шаҳр идома ёфта шинондани гулҳои тирамоҳӣ оғоз ёфтаанд.
Давоми ду рӯз дар интиҳои ҳафтаи сипаригашта аз ҷониби гулкорони идораи кабудизоркунӣ ба миқдори 4000 дона гули тирамоҳӣ шинонда шуда, омода намудани майдонҳои гулкорӣ барои шинонидани навҳои гуногуни гулҳои тирамоҳӣ идома дорад. Ҳамчунин дар баробари тоза кардани ҷӯйборҳои қадди роҳҳои асосии шаҳр, корҳои таъмири ва тоза кардани ҳавзҳои фаввораҳои маҷмааи муҷассамаи И.Сомонӣ, муҷассамаи А.Рӯдакӣ ба сомон расонда шуд.

Муфассал... Шарҳ додан

Раиси шаҳр бо сокинони маҳалли азнавсохташаванда сӯҳбат намуд.

20 Июл 2015

Дар асоси накшаи генералӣ ва лоиҳаи азнавсозии кӯчаю хиёбонҳо дар маркази вилоят сохтмону бозсозии чандин иншоотҳои муҳим ва бунёди хонаҳои истиқоматии баландошёна пешбинӣ гаштааст.
Раиси шаҳри Хуҷанд Раҷаббой Аҳмадзода бо сокинони бинои дуошёна, ки дар кӯчаи ба номи Камоли Хуҷандӣ № 134 аст, мулоқот намуд.
Бинои мазкур тибқи нақшаи генералии шаҳрсозӣ бо мақсади васеъ намудани кӯчаи ба номи К Хуҷандӣ ва аз байн бурдани биноҳои мӯҳлати истифодаашон ба охир расида, бояд азнавсозӣ шавад.
Дар асоси нақшаи номбурда ва тасдиқи Шӯрои шаҳрсозӣ ба ҷойи бинои мазкур аз ҷониби Ширкати сохтмонии ҶДММ «Эҷод» бунёди як бинои 12 ошёнаи 54 ҳуҷрагӣ ба нақша гирифта шудааст.