АсосӣБойгонӣ

Навгонӣ

Бояд тамоми маҳаллаҳои шаҳр ободу гулзор бошанд

14 Январ 2017

Дар шаҳри Хуҷангд корҳои ободонӣ, сабзкорӣ ва ниҳолу гулшинонӣ вусъати тоза мегирад. Яке аз корҳои муҳиме,ки соли равон тибқи дастури Раиси шаҳри Хуҷанд Шариф Шарифзода ба нақша гирифта шудааст, ин таҷдиди майдонҳои гулу дарахтони сояафкан дар маҳаллаҳои соҳили рост шаҳр аст.
Нимаи аввали рӯз Раиси шаҳри Хуҷанд Шариф Шарифзода бо иштироки муовинон, роҳбари дастгоҳ, раисони кумитаи маҳаллаҳо роҳбарони сохторҳои масъули ободонӣ, кабудизоркунӣ, ҳифзи муҳити зист, ба истифодабарии манзил, кормандони масъули дастгоҳ дар кӯчаҳои марказии маҳаллаҳои “Мевағул” ва “Дӯстии халқҳо” ҷаласаи кории сайёр намуд.

Муфассал... Шарҳ додан

Паёми Пешвои миллат - раҳнамои аҳли ҷомеа

14 Январ 2017

Дар ДИС ДДТТ дар шаҳри Хуҷанд бо мақсади шарҳу эзоҳ додани Паёми Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олии кишвар бо ширкати васеи устодону донишҷўёни донишкада мулоқоти судманд баргузор гардид. Раиси шаҳри Хуҷанд Шариф Шарифзода Файз чорабиниро ифтитоҳ намуда, меҳмонон ва аҳли нишастро хайрамақдам гуфт.
Дар чорабинӣ ёрдамчии Президенти Ҷумҳурии Тоҷикистон оид ба масъалаҳои ҳуқуқӣ, намояндаи ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси намояндагони Маҷлиси Олии ҷумҳурӣ Маҳмадулло Ватанзода, вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ, директори маркази зоология ва паразитологияи Академияи илмҳои Тоҷикистон Файзалӣ Ҳакимов ва устоди Донишкадаи идоракунии давлатии назди Президенти Ҷумҳурии Тоҷикитстон Гуландом Абилова иштирок ва суханронӣ намуда, фикру мулоҳизаҳои хешро перомуни Паёми Пешвои миллат ва дастоварду комёбиҳои Тоҷикистони соҳибистиқлол баён доштанд.

Муфассал... Шарҳ додан

Дар партави Паёми Президент

13 Январ 2017

Бо мақсади шарҳу эзоҳ додани Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олии кишвар ва ҳамчунин, вохӯрии интихобкунандагон бо вакили мардумии худ дар Маҷлиси намояндагони Маҷлиси Олии ҷумҳурӣ дар Коллеҷи тиббии шаҳри Хуҷанд вохӯрии намояндагони ваколатдори Ҳукумати Ҷумҳурии Тоҷикистон бо намояндагони сохторҳои илму дин ва сокинони маҳаллаи «Сари баландӣ» доир гардид.
Раиси шаҳри Хуҷанд Шариф Шарифзода аҳли нишастро бо мақсади чорабинӣ ва меҳмонон ошно сохт.

Муфассал... Шарҳ додан

Ниҳолшинонӣ дар шаҳри Хуҷанд

14 Январ 2017

Субҳи имрӯз Раиси вилояти Суғд Абдураҳмон Қодирӣ ва Раиси шаҳри Хуҷанд Шарифзода Шариф Файз ҳамроҳи кормандони мақомоти давлатӣ, сохторҳои дахлдори ободонию кабудизоркунӣ ташкилоту муассисаҳои маркази вилоят дар маъракаи ниҳолшинонӣ дар хиёбони «Истиқлол» ширкат намуданд.
Минбаъд бештар аз 200 бех ниҳолҳои навъи ардач қади роҳи ин хиёбонро оро хоҳад дод, ки масофаи он наздик 2 километрро ташкил медиҳад. Назар ба маълумоти Сарраёсати ободонӣ ва хоҷагию манзилии шаҳри Хуҷанд дар чорабинии имрӯза наздик 1500 нафар ширкат намуда, дар як вақт дар корҳои тахту ҳамвор намудани мавзеҳои ниҳолшинонӣ ширкат менамоянд.

Шарҳ додан

Спартакиадаи омӯзгорон оғоз гардид

11 Январ 2017

Дар гимназияи №1 ба номи Маҳмудхоҷаи Беҳбудӣ дар давраи таътили зимистона спартакиадаи омӯзгорон оғоз гардид. Дар оғози мусобиқаҳои варзишӣ Раиси иттифоқи касабаи кормандони соҳаи маорифи шаҳри Хуҷанд Ғ. Дадобоев иштирокчиёни мусобиқаро хайрамақдам гуфта, таъкид кард, ки ҳадаф аз баргузории спартакиада тарғиби тарзи ҳаёти солим ва ҷалби омӯзгорон ба варзиш дар давраи таътили зимистона мебошад.
Намояндаи шуъбаи маорифи М. Камолов изҳор дошт, ки спартакиада тибқи низомнома баргузор мегардад ва мо баҳри он талош менамоем, ки беҳтаринҳоро муайян намуда, онҳоро қадрдонӣ намоем.
Спартакиада аз рӯи се намуди варзиш: волейбол, шашка ва шоҳмот гузаронида шуда, муддати се рӯз идома меёбад. Баъди муайян намудани ҳайати ҳакамон ва қуръапартоии дастаҳо мусобиқаҳои варзишӣ оғоз гардиданд.