АсосӣБойгонӣ

Навгонӣ

Қабули шаҳрвандон аз ҷониби Раиси шаҳри Хуҷанд.

(1 овоз, миёна 5.00 аз 5)

19 Декабр 2015

Дар асоси дастуру супоришҳои Президенти Ҷумхурии Тоҷикистон имрӯз Раиси шаҳри Хуҷанд Раҷаббой Аҳмадзода сокинони маркази вилоятро бо мақсади баррасии дархост ва мусоидат намудан барои ҳалли мушкилоташон қабул намуд.
Бештари масъалаҳои сокинони шаҳр ин ҳафта ба баҳсҳои оилавӣ, манзилӣ ва гирифтани кӯмаки иҷтимоӣ алоқаманд буд.
Дар рӯзи қабул сокини шаҳри Хуҷанд, кӯчаи Бахор хонаи №6 ҳуҷраи 55 Абдуғафуров Карим барои мусоидати гирифтани сертификати истифодаи замин ва беҳтар шудани шароити манзилизисташ ба Раиси шаҳри Хуҷанд Раҷаббой Аҳмадзода изҳори сипосмандӣ намуд.

Муфассал... Шарҳ додан

Дар маҳаллаи «Сари баландӣ» боз як кӯча мумфарш шуд.

(1 овоз, миёна 5.00 аз 5)

17 Декабр 2015

Дар маҳаллаи «Сари баландӣ»-и маркази вилоят марҳилаи охирини корҳои таъмиру мумфаршкунии кӯчаҳои маҳаллаи мазкур дар соли равон ба анҷом мерасад. Мутахассисону роҳсозони идораи «Суғдроҳ» ва идораи роҳсозии шаҳри Хуҷанд таъмири кӯчаи ба номи Мансур Акрамовро оғоз намуданд.
Барои сари вақт ва босифат анҷом додани корҳои мумфаршкунӣ сокинони маҳалла низ ҳамроҳи роҳсозон дар корҳои ободонӣ саҳм мегузоранд.
Масофаи кӯча бештар аз 250 метр буда, он ду роҳиасосии маҳалла кӯчаи ба номи Фирдавсӣ ва ба номи К. Хуҷандиро мепайвандад.
Мутахассисон ният доранд давомиду рӯз тахту ҳамвор намудан ва мумфаршкунии кӯчаро ба анҷом расонанд.

Шарҳ додан

Дарси худшиносӣ дар гимназияи № 4

15 Декабр 2015

Бо мақсади тарғиби арзишҳои миллӣ ва фарҳангӣ боло бурдани маърифати шаҳрдорӣ, ҳамчунин дар ниҳоди хонандагон ташаккул додани тарбияи миллӣ, хештаншиносӣ, ватанпарастӣ дар гимназияи рақами № 4 соати тарбиявӣ дар мавзӯи: “Хуҷанди шукуфон – модари шаҳрҳо” барпо гардид.
Чорабинии мазкур аз ҷониби хонандагони синфи 11-уми “Г” бо роҳбарии омӯзгори фанни забони англисии ин муассисаи таълимӣ Мақсад Қаюмова баргузор гардида, дар он бештар 100 нафар муҳассилини гимназия ширкат намуданд.
Хонандагон дар бораи таърихуфарҳанги бойи тоҷикон маълумот дода, доири зиндагиномаи шахсиятҳои таърихӣ аз қабили Кайхусрав, Искандари Мақдунӣ, Хусрави Парвиз ривоятҳо нақл намуданд.
Ҳамчунин бо иштироки хонандагони синфи 11 саҳначаҳои таърихӣ намоиш дода шуд.

Муфассал... Шарҳ додан

Роҳпаймоии ҷавонони вилоят дар шаҳри Хуҷанд

(2 овоз, миёна 5.00 аз 5)

16 Декабр 2015

Дар шаҳри Хуҷанд бо иштироки бештар аз 15 ҳазор донишҷӯёну устодон ва муҳассилини макотиби олӣ ва миёнаи махсуси маркази вилоят роҳпаймоӣ ва ҳамоиши ҷавонон ба ҷонибдории қабули Қонуни Ҷумҳурии Тоҷикистон дар бораи асосгузори сулҳу ваҳдат ва Пешвои миллат баргузор гардид.
Аз субҳи барвақт ҷавонон аз ду самти хиёбони ба номи И Сомонӣ бо шиору хитобаҳо ва акси Пешвои миллат роҳпаймоӣ намуда, ба назди муҷассамаи шоҳ Исмоили Сомонӣ ҷамъ омаданд.
Ҳамроҳи ҷавонон дар ҳамоиш ҳамчунин муовини Раиси вилояти Суғд Назира Ғаффорӣ, Раиси шаҳри Хуҷанд Раҷаббой Аҳмадзода, роҳбарияти тамоми муассисаҳои таълимии олӣ ширкат намуданд.

Муфассал... Шарҳ додан

Шаҳомати Пешвои миллат

(3 овоз, миёна 3.00 аз 5)

12 Декабр 2015

Маҷлиси намояндагони Маҷлиси Олии Ҷумҳурии Тоҷикистон бо як овоз дар ҳамраъйии тамоми мардуми шарифи кишвар Қонун дар бораи асосгузори сулҳу ваҳдат ва Пешвои миллатро қабул кард. Ин падидаи барои миллати тоҷик фараҳбахшро тамоми қишри ҷомеа бо хурсандию шодмонӣ пазируфт. Сокинони шаҳри бостонии Хуҷанд низ аз ин башорати неку пайғоми мунаввар шоду мамнун гардиданд.
Дар бораи паҳлуҳои гуногуни ҳаёт ва фаъолияти инсони имрӯз дар ҳақиқат барои тамоми халқу миллати тоҷик азиз, сиёсатмадори даврони навини таърихи тоҷикон, роҳбари давлати соҳибистиқлол, Президенти мамлакат ва инсони муосири аз ҷониби сиёсатмадорони баргузидаи ҷаҳон эътирофгардида, Ҷаноби Олӣ, мӯҳтарам Эмомалӣ Раҳмон мақолае навиштан, кори хеле душвор ва пурмасъулият бошад ҳам, вале боиси ифтихору фараҳмандӣ маҳсуб мешавад.