АсосӣБойгонӣ

Навгонӣ

Иштироки журналисти ҷавон дар форуми байналмиллалии парлумони ҷавонон

(1 овоз, миёна 5.00 аз 5)

25 Июл 2015

Аз санаи 27 июн то 4 июли соли равон дар шахри Маскав аввалин Форуми байналхалқӣ тахти унвони "Муколамаи шаҳрвандӣ, дипломатияи ҷамъиятӣ ва дӯстии халқҳо" дар доираи лоиҳаи Парлумони ҷавонони назди Думаи Федератсияи Русия баргузор гардид. Дар ҷамъомади мазкур, аъзои Парлумони ҷавонон ва фаъолони ҷомеаи шаҳрвандии кишварҳои Тоҷикистон, Арманистон, Белорусия, Приднестровскии Молдова ва шаҳру навоҳии Русия ширкат доштанд. Тоҷикистонро дар ин чорабинӣ ҳафт нафар аъзои Парлумони ҷавонони кишвар муаррифӣ намуданд.
Дар доираи ин чорабинӣ ҷавонон бо раиси Думаи вилояти Маскав Игор Бринсалов, раиси Думаи шаҳри Москва Алексей Шапошников, муовини Раиси Думаи давлатӣ Сергей Железняк сӯҳбат намуда доири дастгирии ҷавонон дар кишварҳояшон ва таҳкими дӯстии ҷавонони ин кишварҳо изҳори назар намуданд.

Муфассал... Шарҳ додан

500 рӯзи ободонӣ ба ҷашни Истиқлолият

24 Июл 2015

Вобаста ба дастуру супоришҳои Президенти Ҷумҳурии Тоҷикистон Эмомалӣ Раҳмон ва истиқболи ҷашни Истиқлолияти давлатии Тоҷикистон ва эълон шудани 500 рӯзи ободонӣ, дар шаҳри Хуҷанд корхонаю ташкилотҳои мухталиф омодагиро оғоз намуданд.
Раиси шаҳри Хуҷанд Раҷаббой Аҳмадзода аз корҳои таъмир ва тармими бинои маъмурии Шабакаи барқи шаҳри Хуҷанд дидан намуд.
Роҳбарияти коргоҳ ният доранд то санаи 15 августи соли равон намуди берунаи биноро пурра азнавсозӣ намуда, қисми аввали таъмирро ба охир расонанд. Ҳамчунин пешбинӣ мешавад, ки дохили бино ва саҳни ҳавлии бинои маъмурии барқчиён аз таъмири хушсифат бароварда мешавад. Барои ин корҳо зиёда аз 500 ҳазор сомонӣ маблағ пешбинӣ гардидааст.

Муфассал... Шарҳ додан

Робитаи шаҳрҳои Хуҷанд ва Могилев таҳким меёбад.

23 Июл 2015

Имрӯз дар доираи баргузории Ярмаркаи минтақавии савдо «Суғд - 2015», ки бо иқдоми Мақомоти иҷроияи ҳокимияти давлатии вилояти Суғд дар шаҳри Хуҷанд санаҳои 24-25 июл баргузор мегардад, мулоқоти соҳибкорони шаҳри Хуҷанд бо роҳбарияти корхонаҳои бонуфуз ва шаҳрдории шаҳри Могилеви Ҷумҳурии Белорус баргузор гардид.
Мулоқоти кориро Раиси шаҳри Хуҷанд Раҷаббой Аҳмадзода ифтитоҳ намуда, меҳмононро ба маркази вилояти Суғд, - шаҳри Хуҷанди бостонӣ хайрамақдам гуфт.

Муфассал... Шарҳ додан

Ярмаркаи «Суғд 2015» дар шаҳри Хуҷанд

24 Июл 2015

Имрӯз дар шаҳри Хуҷанд Ярмаркаи минтақавии савдо «Суғд - 2015» кори худро оғоз намуд.
Дар ярмарка соҳибкорону корхонаю муассисаҳо аз кишварҳои Русия, Чин, Эрон, Лаҳистон, Белорус, Олмон, Афғонистон, Фаронса, Қазоқистон ва дигар минтакҳои Тоҷикистон молу маҳсулоти худро ба намоиш гузоштанд.
Дар расми кушоди ин намоиш Раиси вилояти Суғд Абдураҳмон Қодирӣ ва Раиси шаҳри Хуҷанд Раҷаббой Аҳмадзода иштирок намуданд.
Зимни суханронии худ Раиси вилояти Суғд Абдураҳмон Қодирӣ кулли меҳмононеро, ки барои иштирок ба вилояти Суғд ташриф овардаанд, хайрамақдам гуфт.

Муфассал... Шарҳ додан

Табрикоти Раиси шаҳри Хуҷанд ба муносибати Рӯзи кормандони нақлиёти автомобилӣ

22 Июл 2015

Кулли кормандони соҳаи нақлийти автомобилиро аз номи мақомоти иҷроияи ҳокимияти давлатии шаҳр бо самимият ва эҳтироми афзун табрик намуда, барояшон тани сиҳату хотири ҷамъ, табъи болидаю рӯзгори обод ва дар фаъолияти минбаъда ба хотири рушду пешрафти соҳа комёбиҳои тоза таманно мекунам.
Нақши соҳаи нақлиёти автомобилӣ дар рушди иқтисодиёт ва дар ин радиф беҳдошти сатҳи иҷтимоии аҳолӣ, ободонию зебоии шаҳр басо назаррас аст. Ин аст, ки Ҳукумати Ҷумҳурии Тоҷикистон бо роҳбарии Президенти Ҷумҳурии Тоҷикистон, Ҷаноби Олӣ мӯҳтарам Эмомалӣ Раҳмон ба рушди инфраструктураи нақлиёти автомобилӣ, аз қабили сохтмону таҷдиди роҳҳо ва иншоотҳои он таваҷҷӯҳи хоса зоҳир менамоянд. Чи тавре, ки Сарвари давлат, Ҷанобт Олӣ, мӯҳтарам Эмомалӣ Раҳмон қайд намудаанд:

Муфассал... Шарҳ додан