АсосӣБойгонӣ

Навгонӣ

«Марвориди Суғд» дар хизмати мардум.

(3 овоз, миёна 4.33 аз 5)

31 Август 2015

Чанде пеш дар маркази шаҳри Хуҷанд боз як клиникаи стоматологии нав бо номи «Марвориди Суғд» ба кор шурӯъ кард. Дар маросими расми кушоди он Раиси шаҳри Хуҷанд Раҷаббой Аҳмадзода, сардори Раёсати тандурустии вилоят Абдусалом Ваҳҳобов ва дигар меҳмонону алоқамандони соҳаи тиб иштирок карданд.
Дар оғоз Раиси шаҳр аз бурду бохти соҳаи тиб ва ғамхориҳои давлату ҳукумат нисбат ба соҳаи тандурустӣ сухан карда, қайд намуд, ки имрӯз бо дастури Президенти кишвар, ҷаноби олӣ, мӯҳтарам Эмомалӣ Раҳмон ва дастгирии Раиси вилояти Суғд, мӯҳтарам Абдураҳмон Қодирӣ соҳаи тиб рӯз ба рӯз рушд карда истодааст. Сол аз сол маблағгузорӣ ба ин соҳа зиёдшуда, таҷҳизотҳои замонавӣ аз дигар кишварҳои пешрафта ба Тоҷикистон оварда шуда истодаанд.

Муфассал... Шарҳ додан

Гулбаҳор Махкамова дар интихобот пирӯз гашт.

31 Август 2015

Дар асоси қарори Маҷлиси вакилони халқи вилояти Суғд аз санаи 30 июни соли равон дар ҳавзаи интихоботӣ ба № 5 «Масҷиди сурх»-и шаҳри Хуҷанд, ба ивази вакили хориҷшуда, санаи 30 августи соли равон интихоботи такрорӣ ба мақоми вакили Маҷлиси вакилони халқи вилояти Суғдро, баргузор гардид.
Дар ҳавза ду нафар номзад Гулбаҳор Махкамова ва Хайём Турсунов ба кайд гирифта шуда буданд.
Назар ба маълумоти комиссияи ҳавзавии интихобот ба Маҷлиси вакилони халқи вилояти Суғд интихобот тибқи талаботи қонунҳои амалкунандаи кишвар доир гашта, дар он аз 16 565 нафар ҳуқуқи дар интихобот иштирок дошта, 13336 нафар дар рӯзи интихобот ширкат намуданд, ки он 80, 5 % -ро ташкил медиҳад.
Аз шумораи умумии дар интихобот иштирок дошта, 64,1 % сокинон ба тарафдории Гулбаҳор Маҳкамова овоз доданд.

Муфассал... Шарҳ додан

Мумфаршкунии кӯчаҳо идома дорад.

29 Август 2015

Кӯчаҳои Деҳқон ва Садоқати кумитаи маҳаллаи «Масҷиди савр» дар рӯзҳои наздик аз таъмири куллӣ мебарояд.
Бо иштироки Раиси шаҳри Хуҷанд Раҷаббой Аҳмадзода дар ин кӯчаҳо оғози мумфаршкунӣ ҷараён гирифт.
Сараввал Раҷаббой Аҳмадзода ба сокинон гуфт, ки имсол низ таъмири роҳҳо давом хоҳад кард. Зеро ин дастуру супориши Сарвари кишвар, ҷаноби олӣ мӯҳтарам Эмомалӣ Раҳмон, иқдоми Раиси вилояти Суғд мӯҳтарам Абдураҳмон Қодирӣ ҷиҳати идомаи тадбиқи барномаи роҳҳои обод буда, то охири сол ин тадбир идома меёбад. ӯ илова намуд, ки чанде қабл сокинони кӯчаҳои Деҳқон ва Садоқат ба қабули Раиси шаҳр омада, хоҳиш намуданд, то ба таъмири кӯчаашон ёрӣ расонанд. Мумфаршкунӣ бо дастгирии Мақомоти иҷроияи ҳокимияти давлатии шаҳри Хуҷанд ва қисман бо дастгирии худи сокинон ва соҳибкорон амалӣ гардид. Илова намуд, ки масъалаи об низ дар ин мавзеъ ҳалли худро ёфт.

Муфассал... Шарҳ додан

Ба Раиси шаҳри Хуҷанд 60 нафар муроҷиат намуданд

29 Август 2015

Тибқи дастуру супоришҳои Президенти Ҷумҳурии Тоҷикистон Эмомалӣ Раҳмон Раиси шаҳри Хуҷанд Раҷаббой Аҳмадзода сокинони шаҳрро бо дархост ва мусоидат дар ҳалли мушкилоти зиндагӣ қабул кард.
Имрӯз дар Мақомоти иҷроияи ҳокимияти давлатии шаҳри Хуҷанд чун анъана, қабули шаҳрвандон бо усули «Равзана иягона» сурат гирифт. Вобаста бо масалаҳои таъмини қитъаи замини назди ҳавлигӣ, 12 нафар, таъмин шудан ба манзилгоҳ ва таъмири он 10 нафар, гирифтани масолеҳи сохтмони 6 нафар, пардохти хониши маблағ дар мактабҳои олӣ 4 нафар, таъмири боми биноҳои баланд ошёна 3 нафар, таъмири роҳ 3 нафар, таъмин шудан ба ҷои кори 2 нафар, ҳимояи ҳуқуқи шахрванди 2 нафар, ,кӯмаки яквақтаи моддӣ 2 нафар, нафақа ва табобат 2 нафар, бақайдгири манзил 1 нафар ва бо дигар мушкилоти худ ба Раиси шаҳри Хуҷанд муроҷиат намуданд.

Муфассал... Шарҳ додан

Мавсими шинондани гулхои тирамохи оғоз гардид.

28 Август 2015

Дар асоси дастуру супоришхои Президенти Ҷумҳурии Тоҷикистон Эмомалӣ Рахмон ва аз ҷониби Раиси вилояти Суғд Абдураҳмон Қодирӣ эълон гаштани соли рушди фарҳанг ва гулҳои Мақомоти иҷроияи ҳокимияти давлатии шаҳри Хуҷанд то имрӯз тадбирҳои мушаххас андешидааст.
Имрӯз Раиси шаҳр Раҷаббой Аҳмадзода бо мақсади шиносоӣ аз корҳои омодагӣ ба мавсими шинондани гулҳои тирамоҳӣ ва ҳолати нашъунамои гулҳои ороишӣ ба Муассисаи давлатии идораи кабудизоркунии шаҳр омад.Раҷаббой Аҳмадзода нахуст гармхонаи Ширкати гулпарварии «Гулафшон»,ро аз назар гузаронд. Маълум гардид, ки тайёрии гулпарварон ба фасли тирамоҳу зимистон дар сатҳи зарурӣ қарор доранд ва омода ҳастанд, ки кӯчаву хиёбонҳо ва ҷойҳои истироҳатии шаҳрро бо гулҳои тару тоза зеб диҳанд.