АсосӣБойгонӣ

Навгонӣ

Раиси шаҳр бонувони собиқдори шаҳрро бо Рӯзи модар табрик намуд.

06 Март 2016

Бо мақсади иҷроиши дастуру ҳидояти Президенти Ҷумҳурии Тоҷикистон, Пешвои миллат Эмомалӣ Раҳмон имрӯз Раиси шаҳри Хуҷанд Раҷаббой Аҳмадзода чанде аз шахсиятҳои маъруфи диёр, собиқадорони меҳнат, ходимони давлатию сиёсӣ, омӯзгорони собиқадор, кормандони шоистаи соҳаи тандурустӣ ва фарҳангро аёдат намуд.
Раиси шаҳри Хуҷанд ба манзили ходими давлатӣ Биҳоҷал Раҳимова, Шуҷоат Ҳасанова, Ҳунарманди мардумии Тоҷикистон Сайрам Исоева, Қаҳрамони Меҳнати Сотсиалистӣ Ҳамроҳ Тоҳирова омада, аз номи Президенти Ҷумҳурии Тоҷикистон, Пешвои миллат Эмомалӣ Раҳмон ва Раиси вилояти Суғд Абдураҳмон Қодирӣ ба муносибати иди баҳору зебоӣ ва фархунда,-Рӯзи модар табрику муборакбод намуд.

Муфассал... Шарҳ додан

Ба Раиси шаҳр бештар аз 50 нафар шаҳрванд муроҷиат намуд.

05 Март 2016

Мувофиқи дастуру ҳидояти Президенти Ҷумҳурии Тоҷикистон Эмомалӣ Раҳмон имрӯз дар Мақомоти иҷроияи ҳокимияти давлатии шаҳри Хуҷанд «Рӯзи қабули шаҳрвандон» доир гардид.
Давоми рӯз аз ҷониби Раиси шаҳри Хуҷанд Раҷаббой Аҳмадзода бештар аз 50 нафар сокинонро бо арзу шикоят ва дархостҳои мухталиф қабул намуд. Дар баробари шунидани арзи муроҷиаткунандагон Раиси шаҳри Хуҷанд барои ҳалли сари вақтии онҳо ба роҳбарони воҳидҳои сохторӣ ва масъулини дахлдор супориш дода, таъкид намуд, ки ҳар як муроҷиат бояд зери назорати бевоситаи муовинон-сарпарастони соҳа қарор дода шавад.
Ба Раҷаббой Аҳмадзода доири кӯмак барои сохтмони манзил 5 нафар, гирифтани замини наздиҳавлигӣ 8 нафар, расондани кӯмак барои таъмири манзили истиқоматӣ 9 нафар, гирифтани табобат ва барқарор намудани саломатӣ 2 нафар, мусоидат барои ташкили нуқтаи хизматрасонӣ ва савдо 3 нафар ва ғайра муроҷиат намуданд.

Муфассал... Шарҳ додан

Мавсими фаввораҳои шаҳр пеш аз мӯҳлат оғоз мегардад.

04 Март 2016

Дар асоси супориши Раиси шаҳри Хуҷанд Раҷаббой Аҳмадзода ҷиҳати омодагӣ ба сазовор пешвоз гирифтани Иди Наврӯз фаввораҳои шаҳр пеш аз мӯҳлат фаъол карда мешаванд.
Шаҳрдори Хуҷанд дар ҷаласаи кории худ, ки бо иштироки масъулини мақомоти давлатӣ ва фаъолон доир гашт дастур дод, ки аз санаи 15 марти соли равон тамоми фаввораҳои шаҳр фаъол карда шаванд.
Ҳамзамон тибқи нақшаи Мақомоти иҷроияи ҳокимияти давлатии шаҳри Хуҷанд дар ин рӯз боз як фаввораи нави замонавӣ дар мавзеи «Панҷшанбе» ба истифода дода мешавад. Ба ин муносибат баргузории чорабинии хоса пешбинӣ гаштааст, ки ширкати роҳбарияти шаҳр дар назар аст.
Чуноне, ки қаблан иттилоъ дода будем давоми мавсими сармо кормандони «Қитъаи фаввораҳо»- назди Сарраёсати ободонӣ хоҷагию манзилӣ ва коммуналии шаҳри Хуҷанд таъмиру омода намудани фаввораҳои шаҳрро ба мавсими имсола шурӯъ намуда буданд.

Муфассал... Шарҳ додан

Табрикоти Раиси шаҳри Хуҷанд бахшида ба Рӯзи модар

05 Март 2016

Модарони меҳрубон, бонувони муҳтарам ва хоҳарони азиз!
Дар оғози фасли баҳор фаро расидани Рӯзи модар – ин ҷашни барои ҳамаи мо бисёр азизро ба кулли сокинони диёрамон, бахусус модарону бонувон ва духтарони Ватани маҳбубамон самимона табрик гуфта, ба ҳар яки шумо саломативу хушбахтӣ ва хонаободиву сарбаландӣ орзу менамоям.
Нақши бонувон дар таҳким ва рушди ҷомеа, бунёди оилаи хушбахт, таълиму тарбияи фарзандон ва афзоиши эътибори хонадон ниҳоят муҳиму арзишманд мебошад.
Имрӯзҳо бонувони кишварамон баробари мардон номуси ватандориро ба дӯши худ гирифта, дар соҳаҳои мухталифи ҳаёти ҷомеа ва давлат ғайратмандона фаъолият доранд ва бо ташаббусҳои созандаи худ Тоҷикистони маҳбубамонро боз ҳам ободу зебо гардонида истодаанд.

Муфассал... Шарҳ додан

Ба Раиси шаҳр аз омодагӣ ба Наврӯз ҳисобот доданд

04 Март 2016

Субҳи имрӯз таҳти раёсати Раиси шаҳри Хуҷанд Раҷаббой Аҳмадзода ҷаласаи корӣ бо иштироки муовинон, роҳбари дастгоҳ мудирони шӯъба, роҳбарони воҳидҳои сохторӣ, муассисаҳои таълимӣ, идораҳои коммуналӣ ободонӣ кабудизоркунӣ ва фаъолони шаҳр баргузор гардид.
Дар он Раҷаббой Аҳмадзода аз масъулини шаҳрдорӣ доири омодагиҳои корхонаю ташкилот ва муассисаҳои маркази вилоят пурсиш ба амал оварда бобати вусъати корҳои ободию сабзкорӣ супоришҳои мушаххас дод.
Бо назардошти он, ки дар маркази вилоят шаҳри Хуҷанди бостонӣ бори нахуст фестивали лолаҳо ва карнавали наврӯзӣ доир мегардад, ба идораи хоҷагию манзилӣ ва муассиаҳои гулкорию кабудизоркунӣ супориш дода шуд, ки ба тарҳу ороиши махсус хиёбону гулгашт ва кӯчаҳои шаҳр бо гулу лолаҳои рангоранг оро дода шуда, биноҳои ташкилоту муассисаҳои шаҳр рангубор карда шаванд. Идораҳои кабудизоркунӣ ва ороишии гулҳо дар навбати худ барои пешниҳоду шинондани тарзу усулҳои гуногуни ороши гулҳои баҳорӣ муваззаф гардида, маҳалҳои гулкории онҳо муқаррар карда шуд.