АсосӣБойгонӣ

Навгонӣ

Қабули навбатии сокинон аз ҷониби Раиси шаҳри Хуҷанд.

(1 овоз, миёна 5.00 аз 5)

12 Июл 2014

Дар қабули шаҳрвандон, ки имрӯз низ чун анъана аз ҷониби Раиси шаҳри Хуҷанд Раҷаббой Аҳмадзода баргузор гардид, муовинони Раиси шаҳри Хуҷанд роҳбарони воҳидҳои сохторӣ масъулини ташкилоту муассисаҳои гуногун иштирок намуданд. Шаҳрвандони синну соли гуногун ба Раиси шаҳри Хуҷанд доири таъмини қитъаи замини наздиҳавлигӣ ва масолеҳи сохтмонӣ, ҷойгир намудан дар хобгоҳ ва кӯмак барои манзили истиқоматии муваққатӣ, бозбинии музди нафақа, кӯмак барои гузаштан аз муоинаи тиббӣ ва ташхис ва ғайра муроҷиат намуданд.
Раҷаббой Аҳмадзода баробари ҷавобҳои мушаххас додан ба саволҳои сокинон ба роҳбарони воҳидҳои сохтори Мақомоти иҷроияи ҳокимияти давлатии шаҳри Хуҷанд супориш дод,ки назоратро бобати сари вақт иҷро намудани дархост ва аризаи муроҷиаткунандагон пурзӯр намоянд.

Муфассал... Шарҳ додан

Раиси шаҳри Хуҷанд дар оғози фаъолияти маркази савдои «Ризвон».

11 Июл 2014

Имрӯз бо иштироки Раиси шаҳри Хуҷанд Раҷаббой Аҳмадзода маркази савдои фурӯши либосҳои мардона «Ризвон» бо тантана ба фаъолият оғоз намуд.
Қаблан бинои мазкур, ки масоҳати 400 метри квадратиро ташкил медиҳад таи 18 соли охир истифода намешуд.
Ҳоло ба дастгирии Мақомоти иҷроияи ҳокимияти давлатии шаҳри Хуҷанд соҳибкори инфиродӣ Ғолибҷон Исломов маркази савдои замонавиии «Ризвон»-ро бо 10 ҷойи корӣ таъсис дод.
Барои омода ва мутобиқ намудани бинои мазкур ба маркази савдои замонавӣ соҳибкори номбурда зиёда аз 800 ҳазор сомонӣ маблағ сарф намуда, тамоми намуди либосҳои мардона ва кӯдакона барои мизоҷон пешниҳод карда намудааст.
Раиси шаҳри Хуҷанд Раҷаббой Аҳмадзода дар мавриди таъсиси коргоҳи дӯзандагии либосҳои мардона дар назди мағоза ба саҳмдорони маркази савдо пешниҳод намуд.

Муфассал... Шарҳ додан

Ҷаласаи навбатии Шӯрои ҷамъиятӣ.

(1 овоз, миёна 5.00 аз 5)

10 Июл 2014

Ҷаласаи Шӯрои ҷамъиятии шаҳри Хуҷандро Раиси Шӯрои ҷамъиятӣ, Раиси шаҳри Хуҷанд Раҷаббой Аҳмадзода ифтитоҳ намуда, ҳайати шӯроро бо рӯзнома шинос намуд. Ба баррасии ҷаласа чор масъала: якум, тасдиқи ваколати аъзои Шӯрои ҷамъиятӣ, ки намояндагони худро дар он иваз намуд; дуввум, татбиқи Қарори Ҳукумати Ҷумҳурии Тоҷикистон аз 1-уми августи соли 2008 «Дар бораи тасдиқи нақшаи чорабиниҳо оид ба таъмини ҳифзи саломатии модарон дар давраи то соли 2014» дар шаҳри Хуҷанд; саввум, рафти иҷрои Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон» ва чаҳорум, оид ба рафти иҷрои Барномаи вилоятӣ «Дар бораи соли роҳҳои обод» дар шаҳри Хуҷанд пешбинӣ шуд.
Оид ба масъалаи якум Раиси Шӯро Раҷаббой Аҳмадзода изҳор намуд, ки дар натиҷаи тағйироти кадрӣ зарурати дар Шӯрои ҷамъиятӣ иваз намудани аъзои Шӯро пеш омадааст.

Муфассал... Шарҳ додан

Раиси шаҳри Хуҷанд дар Кӯдакистони Президентӣ.

(2 овоз, миёна 5.00 аз 5)

10 Июл 2014

Имрӯз дар шаҳри Хуҷанд муасисаҳои томактабӣ фаъолият менамояд, ки Кӯдакистони Президентӣ яке аз беҳтарин таълимгоҳҳои вилоят маҳсуб меёбад. Соли сипаригашта бо иштироки сарвари давлат Президенти Ҷумҳурии Тоҷикистон Эмомалӣ Раҳмон маросими ба фаъолият оғоз намудани он баргузор гашта буд.
Ҳоло дар ин ҷо 800 нафар кӯдакони аз 2,5 сола то 6 сола ба таълиму тарбия фаро гирифта шуда, тамоми шароитҳои муосир барои онҳо фароҳам оварда шудаанд.
Раиси шаҳри Хуҷанд Раҷаббой Аҳмадзода бо мақсади ошноӣ пайдо намудан аз шароити таълиму тарбия ва фаъолитят ба Кӯдакистони Президентӣ ташриф овард.
Ҳангоми боздиди Раҷаббой Аҳмадзода аз шароити синфхонаҳо толорҳои омӯзиш ва истироҳати тарбиятгирандагон ошно шуда, ба ҳолати кории иншоотхо, воситаҳои техникӣ, усули таълим ва шуғли бошандагони кӯдакистон таваҷӯҳ намуд.

Муфассал... Шарҳ додан

Дар шаҳри Хуҷанд соҳаи саноат рушд мекунад.

(1 овоз, миёна 5.00 аз 5)

09 Июл 2014

Мусаллам аст, ки шаҳри Хуҷанд чун маркази вилоят ва яке аз шаҳрҳои саноатии кишвар баҳри пешрафти соҳаи саноати Ҷумҳурии Тоҷикистон нақши калидӣ дорад. Маҳз бо сарварии Президенти Ҷумҳурии Тоҷикистон Эмомалӣ Раҳмон ин соҳа ҳамарӯза тамоюли рушд дорад.
Назар ба маълумоти оморӣ дар нимсолаи авали соли равон дар шаҳри Хуҷанд саноат пайваста пеш меравад.
Дар шашмоҳаи аввали соли 2014 дар шаҳри Хуҷанд 14 корхонаҳои саноатии нав ба фаъолият оғоз намуданд.
Дар давоми моҳҳои январ – июни соли 2014 бошад, ҳаҷми истеҳсоли маҳсулоти саноатӣ бо назардошти тақсимоти қувваи барқ, тақсимоти газ, истеҳсол ва тақсимоти об 231,8 миллион сомониро ташкил намуд, ки вусъати афзоиш нисбати соли гузашта 122,5% иҷро гардид, ки ба маблағи 41,3 миллион сомонӣ маҳсулот зиёд истеҳсол шуд.

Муфассал... Шарҳ додан