АсосӣБойгонӣ

Навгонӣ

Озмун: Орифахон – Маликаи сол-2013

(1 овоз, миёна 1.00 аз 5)

01 Июн 2013

Бо ташаббуси Бахши ҷавонон, варзиш ва сайёҳии шаҳри Хуҷанд дар театри давлатии тамошобини ҷавон ба номи Одилҷон Назаров озмуни «Маликаи сол-2013» баргузор гардид, ки дар он донишҷӯёни мактабҳои олии шаҳри Хуҷанд ширкат карданд.

Довталабон аз рӯи шартҳои: намоиши либоси миллӣ ва шиносоӣ, намоиши либоси ҳаррӯза, изҳори муҳаббат ба модар ё ба падар ё ба устод ё ба ошиқ ва ё ба Ватан, намоиши либоси ҷашнӣ, ҳунарнамоӣ дар ҷодаи санъат ва намоиши либоси базмӣ–арӯсӣ донишу маҳорат ва истеъдоди хешро нишон доданд.

Муфассал... Шарҳ додан

Табрики Раиси шаҳр ба муносибати Рӯзи байналмилалии ҳифзи кӯдакон

31 Май 2013

Ҳамдиёрони гиромӣ!

Фарзандони азизу меҳрубон!

Ҳар сол санаи 1-уми июн чун Рӯзи байналмилалии муҳофизати кӯдакон ботантана таҷлил карда мешавад. Ин иқдом соли 1949 дар шаҳри Маскав дар иҷлосияи Шӯрои Федератсияи демократии байнал-халқии занон тибқи қарори Конгресси дуюми он поягузорӣ шуда буд. Ҳадафи он сафарбаркунии афкори ҷамъиятии ҷаҳон ба муҳофизати бачагон аз хатари ҷанг, таваҷҷӯҳ ба нигаҳдории тандурустӣ ва тарбияю таълими онҳо буд.

Муфассал... Шарҳ додан

Навиди фарҳангӣ: «Корвони китоб» дар сафар

30 Май 2013

Тибқи Барномаи «Рушди фаъолияти китобдорӣ дар Ҷумҳурии Тоҷикистон барои солҳои 2006-2015» ва фармоиши вазири фарҳанги Ҷумҳурии Тоҷикистон ва нақшаи чорабиниҳои Вазорати фарҳанг дар соли 2013-ум ҷиҳати пурра ва мукаммал гардонидани фонди китобхонаҳои давлатӣ оммавии вилоят ва шаҳру навоҳии ҷумҳурӣ Корхонаи воҳиди давлатии таъминот ва савдои «Китоб»-и Вазорати фарҳанги Ҷумҳурии Тоҷикистон аз 25 май то 28 июни соли 2013 тавассути «Корвони китоб» ба таври ройгон ба вилояти Суғд ба қадри 14896 нусха ба маблағи 43 ҳазору 222 сомонӣ 56 номгӯй китоб овард.

Муфассал... Шарҳ додан

Баҳри солимии ҷомеа: Армуғони идона

31 Май 2013

Чун варзиш омили саломатии миллат маҳсуб мешавад, таваҷҷӯҳи давлату Ҳукумати Ҷумҳурии Тоҷикистон баҳри рушди варзиш ва ҷалби ҳарчӣ бештари шаҳрвандон ба тарбияи ҷисмонӣ ва бо ин васила ба камол расонидани насли солим бештар мегардад.

Мақомоти иҷроияи ҳокимияти давлатии шаҳри Хуҷанд баҳри иҷрои дастуру супоришоти Президенти мамлакат, мӯҳтарам Эмомалӣ Раҳмон ва Раиси вилояти Суғд, мӯҳтарам Қоҳир Расулзода дар ин самт тадбирҳои судманд меандешад. Ин аст, ки аз оғози соли равон дар шаҳр, бахусус дар байни биноҳои истиқоматии баландошёна 6 майдончаи варзишӣ сохта, ба истифода дода шуданд.

Муфассал... Шарҳ додан

Ҳисобот: Комиссияи доимӣ дар амал

29 Май 2013

Бо иштироки Раиси шаҳри Хуҷанд Раҷаббой Каримов маҷлиси комиссияи доимии танзими анъана ва ҷашну маросимҳо дар маркази маъмурии вилояти Суғд баргузор гардид.

Мудири бахш оид ба корҳои дини Мақомоти иҷроияи ҳокимияти давлатии шаҳри Хуҷанд Мӯъминҷон Орифов оид ба рафти фаъолияти комиссияи доимӣ ва самараи он ҳисобот дод. Гуфт, ки комиссия бо ҳамдастии раисони кумитаи маҳаллаҳо ва қитъаҳо, раисони комиссияҳои ҷамъиятии корхонаю муассисаҳо ҷиҳати татбиқи Қонуни Ҷумҳурии Тоҷикистон оид ба танзими анъана ва ҷашну маросимҳо корҳои зиёдеро анҷом дод. Ба шарофати ҳамин, имрӯз дар шаҳри Хуҷанд гузаронидани маъракаю маросимҳо ва анъанаҳои ниёгони мо барои ҳамаи табақаҳои аҳолӣ дастрас шудааст.

Муфассал... Шарҳ додан