АсосӣБойгонӣ

Навгонӣ

Дастгирии иқдоми Раиси шаҳр идома дорад.

(1 овоз, миёна 5.00 аз 5)

26 Июл 2014

Дар маркази вилоят шаҳри Хуҷанд дар асоси нақша-чорабиниҳои Мақомоти иҷроияи ҳокимияти давлатии шаҳри Хуҷанд таъмиру мумфаршкунии роҳҳо идома дорад.
Ташаббуси Раиси шаҳри Хуҷанд Раҷаббой Аҳмадзода тариқи ҳашар обод намудани роҳҳои кӯчаю маҳаллаҳои шаҳр ва гузаргоҳҳои асосӣ дастгирии ҳамаҷониба меёбад.
Роҳбарияти бозори ба номи «20 солагии истиқлолияти Тоҷикистон» тасмим гирифтанд, кӯчаи даромадгоҳи асосии бозори мазкурро, ки ҳамзамон даромадгоҳи се бозори дар ин мавзеъ ҷойгиршударо ташкил медиҳад, пурра мумфарш намоянд.
Дар кӯчаи мазкур 40 соли охир ягон намуди таъмир гузаронида нашуда буд.

Муфассал... Шарҳ додан

Шӯъбаҳо бо сифати баланд тармим шуданд.

(1 овоз, миёна 5.00 аз 5)

24 Июл 2014

Раиси шаҳри Хуҷанд Раҷаббой Аҳмадзода ба беморхонаи клиникии № 1-ми шаҳр ташриф оварда, ба рафти тармиму таъмири шӯъбаҳо шинос шуд. Ӯ аз он, ки шӯъбаҳои эҳё, асаб, ҷарроҳии асаб, амрози дарунӣ ва озмоишгоҳи биохимиявӣ бо сифати баланд ва мувофиқ ба талаботи маркази назорати санитарӣ-эпидемиологӣ тармим ва утоқҳо равшану барҳаво шудаанд, қаноатманд гардид.
Раиси шаҳр ҳамчунин ба ободонию гулкории саҳни биноҳо ва боғи беморхона таваҷҷуҳ кард. Маълум, ки масъулини беморхона моҳияти масъала ва дастуру супоришҳои Раиси шаҳр Раҷаббой Аҳмадзодаро ба хубӣ дарк кардаанд. Дар ҳудуди беморхона 1,5 ҳазор метри мураббаъ замин ҳаст, ки ниҳолу буттаҳо сабзпӯш кардаанд. Муҳимаш чандин хел гул саросар шукуфтааст.
Бино ба гуфти сардухтури беморхона Фирдавсхон Баҳодурхонович Тӯрахонов, барои тармими шуъбаҳои беморхона аз ҷониби мақомоти иҷроияи ҳокимияти давлатии шаҳр 800 ҳазор сомонӣ маблағ ҷудо шудааст.

Муфассал... Шарҳ додан

Раиси шаҳри Хуҷанд барои ҳалли мушкилоти сокинон расидагӣ менамояд.

18 Июл 2014

Чанде пеш як гурӯх сокинони маҳаллаи ба номи С. Ҳофиз ва Ҷ. Расулов доир ба ғайримақсаднок истифода бурдан ва қисман бекорхобидаи бинои дар шафати чойхонаи маҳалла буда, ба Раиси шаҳри Хуҷанд Раҷаббой Аҳмадзода муроҷиат намуда буданд.
Раиси шаҳри Хуҷанд тасмим гирифт бо мақсади ҳалли мушкилоти сокинони маҳалла ва анҷоми мулоқот бо онҳо бо ҳамроҳии муовини якум, роҳбарони воҳидҳои сохтории марбута ба чойхонаи гузари «Ниёздекча» ташриф орад.
Ба намояндагӣ аз сокинони маҳаллаҳои номбурда Фазлиддин Искандаров изҳор намуд, ки бинои мазкур ба соҳибкор Абдуқодир Турсунов таалуқ дошта, таи 17 сол истифода бурда намешавад. Ҳамчунин худи бино валангор шуда,мавзеи чойхона,ки ҷойи истироҳату ҷамъшавии сокинони ду маҳалла аст, ба харобазор мубаддал гаштааст.

Муфассал... Шарҳ додан

Тарзи нави корбарии Раиси шаҳри Хуҷанд.

(2 овоз, миёна 5.00 аз 5)

21 Июл 2014

Дар доираи дастуру супоришҳои Президенти Ҷумҳурии Тоҷикистон Эмомали Раҳмон охири ҳар ҳафта рӯзи қабули шаҳрвандон баргузор мегардад. Дар ҳамин замина таваҷҷуҳи мақомоти маҳаллӣ дар рӯзҳои моҳи шарифи Рамазон ба шахсони эҳтиёҷманд диққату эътибори худро бештар мегардад.
Бо ташаббуси Раиси шаҳри Хуҷанд Раҷаббой Аҳмадзода чандест, ки усули нави кор бо сокинон ва муроҷиати онҳо роҳандозӣ шудааст.
Баъди қабул ва баррасии дархости шаҳрвандон Раиси шаҳри Хуҷанд ба манзили зисти бархе аз онҳо рафта аз вазъи истифодаи кӯмаки расондашуда ва ҳолати воқеии сокинони муроҷиатнамуда шахсан огоҳ мегардад.
Ин навбат низ Раҷаббой Аҳмадзода бо мақсади ошноӣ аз рафти корҳои сохтмонии манзили оилаи Ғаниевҳо рафт.

Муфассал... Шарҳ додан

Раҷаббой Аҳмадзода аз манзили кӯмакгирифтагон боздид намуд.

(2 овоз, миёна 3.50 аз 5)

18 Июл 2014

Бо дастуру супориши сарвари давлат Президенти Ҷумҳурии Тоҷикистон Эмомалӣ Раҳмон кӯмаку таваҷҷӯҳ ба шахсони камбизоат, имконияти ҷисмониашон маҳдуд, бесарпаноҳ ва пиронсолон зери назорати ҳамарӯзаи Мақомаоти иҷроияи ҳокимияти давлатии шаҳри Хуҷанд қарор дорад.
Ҳар ҳафта рӯзи шанбе Раиси шаҳри Хуҷанд Раҷаббой Аҳмадзода сокинони маркази вилоятро бо арзу дархост қабул намуда,барои сари вақт иҷро гаштани дархости онҳо назорат менамояд.
Бо мақсади огоҳи аз сатҳу сифати иҷроиши супориши вобаста ба дархости ду оилаи ниёзманд, Раиси шаҳри Хуҷанд Раҷаббой Аҳмадзода ба манзили истиқоматии сокинони шаҳри Хуҷанд Муҳаррама Раҳимова ва Рафоат Шодиева рафт.
Модари се нафар фарзанди маюб, сокини кӯчаи Пахтакор,хонаи №5 ҳуҷраи №1 Рафоат Шодиева барои таъмири хонааш, ки ҳолати ногувор барои зиндагӣ дошт муроҷиат намуда буд.