АсосӣБойгонӣ

Навгонӣ

Барномаи ҳунарии шаҳри Хуҷанд голиби озмун-фестивал

15 Август 2015

Дар асоси нақшаи Вазорати фарҳанг ва Кумитаи давлатии телевизион ва радиои назди Ҳукумати Ҷумҳурии Тоҷикистон моҳи марти соли равон дар пойтахти кишварамон, шаҳри Душанбе фестивал - озмуни ҷумҳуриявии ансамблҳои фолклорӣ-этнографӣ ва таронаю рақсӣ бо унвони «Таронаи ваҳдат - 2015» оғоз гашта буд.
Давраи аввал дар маҳал баргузор гардида давраи дуюм дар марказхои вилоят баргузор гашта буд. Давраи ниҳоӣ ин фестивал-озмун аз санаи 10 то 14 августи соли ҷорӣ дар Филармонияи давлатии Тоҷикистон ба номи А. Ҷӯраеви шаҳри Душанбе гузаронида шуд. Дар марҳилаи ниҳоӣ дастаҳои ҳунарии шаҳри Хуҷанд, ноҳияи Файзобод, Рогӯн, Ёвон, Муъминобод Тоҷикобод ва Ишкошим иштирок доштанд.
Тибқи қарори ҳайати ҳакамон барномаи ҳунарии иштирокдорони давраи ниҳоӣ ғолиби озмун-фестивал дониста шуда,

Муфассал... Шарҳ додан

Волидайн аз ҳоли фарзандони сарбози худ хабар гирифтанд.

15 Август 2015

Тибқи нақшаи якҷояи Мақомоти иҷроияи ҳокимияти давлатӣ, комиссариати ҳарбии шаҳри Хуҷанд хабаргирии падару модари сарбозон аз зиндагӣ ва шароити ҳамарӯзаи фарзандонашон дар қисмҳои низомӣ ба ҳукми анъана даромадааст.
Бо мақсади беҳтар намудани сифати даъвати ҷавонон ба сафи Қӯшунҳои Мусаллаҳи Ҷумҳурии Тоҷикистон ва баланд бардоштани ҳисси ватандӯстӣ ва ифтихори миллӣ,ҳамчунин тибқи супориши Раиси шаҳри Хуҷанд Рачаббой Аҳмадзода ҳафтаи равон гурӯҳи 30 нафараи волидайн аз ҳоли фарзандони худ, ки дар қисмҳои низомии вилояти Хатлон, ноҳияҳои тобеи марказ, Вилояти Автономии Бадахшони Кӯҳи хизмат менамоянд, хабар гирифтанд. Гурӯҳи волидайнро намояндагони Мақомоти иҷрояии ҳокимияти давлатии шаҳри Хуҷанд ва комиссариати ҳарбии маркази вилоят ҳамроҳӣ намуданд.

Муфассал... Шарҳ додан

Спартакиадаи варзишии табибон

15 Август 2015

Дар варзишгоҳи «Лочин» Спартакиадаи варзишии муассисаҳои тиббии вилояти Суғд доир гардид.
Чорабинии мазкур бахшида ба рӯзи табибон,ки ҳамасола санаи 18 август қайд мегардад, баргузор гардид. Табибону кормандони соҳаи тандурустӣ аз рӯи панҷ намуди варзиш,- футбол, валейбол, шашка, шоҳмот ва тениси рӯи миз байни ҳам қувваозмоӣ намуданд.
Дар мусобиқаи ниҳоӣ ва ҷамбасти ин чорабинӣ муовини Раиси вилояти Суғд Назира Абдуллозода Ғаффорӣ ва Раиси шаҳри Хуҷанд Раҷаббой Аҳмадзода иштирок ва баромад намуданд.
Аз рӯи натиҷаҳои мусобиқа байни дастаҳои футболбозон дастаи Беморхонаи шаҳрии № 1 ба номи Султон Урунов ҷойи аввалро ишғол намуда, дастаи табибони Беморхонаи вилоятӣ мақоми дуюмро соҳиб гаштанд. Дар ҷойи сеюм бошад Маркази микроҷарроҳии чашми вилояти Суғд қарор гирифтанд.

Муфассал... Шарҳ додан

Марҳилаи навбатии лоихаҳо тибқи нақша оғоз меёбад.

15 Август 2015

Бо дастгирии бевоситаи Президенти Ҷумҳурии Тоҷикистон Эмомалӣ Раҳмон дар шаҳри Хуҷанд давоми чанд сол аст, ки лоиҳаи беҳтар намудани сифати обтаъминкунӣ ва фаъолияти идораи партовкашонии шаҳр амалӣ мегардад. Лоиҳаи мазкур аз ҷониби Бонки Таҷдид ва Рушди Аврупо маблағгузорӣ шуда, аз ҷониби коршиносон баҳои баланд гирифтааст.
Раиси шаҳри Хуҷанд Раҷаббой Аҳмадзода бо ҳайати кории бонки номбурда бо роҳбарии Бахтиёр Файзиев мулоқоти корӣ анҷом дод.
Қаблан ҳайати меҳмонон доири сатҳу сифати амалишавии лоиҳаҳо бо Раиси шаҳри Хуҷанд мубодилаи андеша намуданд.
Аз ҷониби меҳмонон доири сифати иҷроиши вазифаҳои дар марҳилаи дуюми таъминоти оби нӯшокӣ ва марҳилаи аввали лоиҳаи беҳтар намудани сифати хизматрасонии идораи партовкашонӣ изҳори қаноатмандӣ зоҳир гардид.

Муфассал... Шарҳ додан

Марафони хайриявӣ

14 Август 2015

Субҳи имрӯз аз назди Кӯдакистони президентӣ то назди муҷассамаи устод Абӯабдуллоҳи Рӯдакӣ марафони хайриявии маъюбон бо номи «Саломат бошед» доир гардид, ки дар он 100 нафар маъюбони шаҳру вилоят иштирок карданд. Дар назди муҷассама онҳоро намояндагони Мақомоти иҷроияи ҳокимияти давлатии шаҳри Хуҷанд бо тантана пешвоз гирифтанд.
Зимни чорабинӣ гуфта шуд, ки марафони мазкур бо дастгирии Раиси вилоят Абдураҳмон Қодирӣ ва Раиси шаҳр Раҷаббой Аҳмадзода баргузор гашта истодааст.
Имрӯз дар вилояти Суғд зиёда аз 56 ҳазор маъюбон зиндагӣ мекунанд. Аз онҳо 15500 нафарашон маъбони камбизоат-аъзои Чамъияти маъюбони вилоят ба ҳисоб мераванд, ки ҳамеша аз дастгириву ғамхории давлату ҳукумат бархурдор ҳастанд.

Муфассал... Шарҳ додан