АсосӣБойгонӣ

Навгонӣ

Осори Рӯдакӣ рамзи абадияти фарҳангу адаби миллати тоҷик.

23 Сентябр 2015

Бахшида ба «Рӯзи Рӯдакӣ» Қарори Раиси шаҳри Хуҷанд Раҷаббой Аҳмадзода аз санаи 21.09.2015 № 668 ба имзо расидабуд, ки ин сана дар маркази вилоят бо шукӯҳ таҷлил гардид.
Ба ин муносибат дар назди мучассамаи бунёдгузори адабиёти классики тоҷик рӯзи Рӯдакиро қайд карданд.
Дар он муовини Раиси вилояти Суғд Назира Ғаффорӣ ва Раиси шаҳри Хуҷанд Раҷаббой Аҳмадзода ҳамроҳи аҳли илму адаб ва зиёиёни вилояту ҷумҳурӣ ширкат намуданд. Зикр гардид, ки омузиши хаёт ва осори Абуабдуллоҳ Рӯдаки барои ғани гаштани маънавиёти ҷомеа муҳим аст.
Рӯзи Рӯдаки дар назди мучассамаи шоир бо чалби хазорхо нафар мардуми касбу кори гуногун доир гашт. Дар ин рӯз масъулини мақомоти иҷроияи ҳокимияти давлатии шаҳру вилоят аз зиндагинома ва осори Абӯабдуллоҳи Рӯдаки ба мардум маълумот доданд.

Муфассал... Шарҳ додан

Фурӯши маҳсулоти арзон дар «Регистон»

23 Сентябр 2015

Имрӯз дар майдони «Регистон»- мавзеи Панҷшанбеи маркази вилоят ярмарка-фурӯши маҳсулоти кишоварзии деҳқонону кишоварзони ноҳияҳои вилояти Суғд баргузор гардид. Дар ярмаркаи мазкур, ки он дар асоси дастуру супоришҳои Раиси вилоят Абдураҳмон Қодирӣ бо мақсади дастрасии қишрҳои гуногуни ҷомеа ба маҳсулоти кишоварзиву маводӣ ғизоӣ ташкил шуд, кишоварзони шаҳру навоҳии вилоят маҳсулоти гуногуни хешро аз қабили биринҷ, картошка, харбузаву тарбуз, ангур, карам, сабзӣ ва дигар навъҳои сабзавоту меваҷотро бо нархҳои аз 30 то 40 фоиз арзон пешкаши сокинон ва меҳмонони маркази вилоят намуданд.
Бо мақсади ошнои бо вазъу шароити баргузории ин намоиш-фурӯш ва нархи маҳсулоти пешкаши мардумгашта муовини Раиси вилояти Суғд Сулаймон Зиёев ва Раиси шаҳри Хуҷанд Раҷаббой Аҳмадзода аз ин намоиш-фурӯш дидан намуданд.

Муфассал... Шарҳ додан

Назира Ғаффорӣ ва Раҷаббой Аҳмадзода дар меҳмонии Бароат Ҳоҷибоева

23 Сентябр 2015

Тибқи дастуру ҳидоятҳои Президенти Ҷумҳурии Тоҷикистон Эмомалӣ Раҳмон ғамхории шахсони собиқадор, нафароне, ки дар ободию пешравии кишвар хизматҳои шоиста кардаанд, ҳамеша дар мадди назари мақомоти маҳалли қарор дорад.
Субҳи имрӯз муовини Раиси вилояти Суғд Назира Ғаффорӣ ва Раиси шаҳри Хуҷанд Раҷаббой Аҳмадзода дар манзили омӯзгори собиқадор, Доктори илмҳои филологӣ, профессор Бароат Ҳоҷибоева меҳмон шуда, ӯро аёдат намуданд.
Муаллима Бароат Ҳоҷибоева имрӯзҳо ба бемории худ нигоҳ накарда, дар иҳотаи фарзандону наберагон ва абераҳои худ, дуогӯю насиҳатгари онҳост.
Назира Ғаффорӣ ва Раҷаббой Аҳмадзода олимаи шинохтаро бо Иди Қурбон табрик намуданд, ва ба номбурда баробари таманниёти нек тӯҳфаҳои хотиравӣ тақдим намуданд.

Муфассал... Шарҳ додан

Манзили нав барои оилаи ниёзманд бунёд гардид.

23 Сентябр 2015

Дар асоси супориши Президенти Ҷумҳурии Тоҷикистон Эмомалӣ Раҳмон Мақомоти иҷроияи ҳокимияти давлатии шаҳри Хуҷанд дар арафаи рӯзҳои иди миллӣ ва таърихӣ барои беҳтар намудани вазъи иҷтимоию шароити зисти нафарони яккаву танҳо ва нодору эҳтиёҷманд тадбирҳои мушаххас ва амалӣ меандешад.
Раиси шаҳри Хуҷанд дар арафаи Иди Қурбон шодишарики оилаи Турсуновҳо гашт. Ин оила давоми 15 сол инҷониб бинобар набудани имконият дар манзили садамавӣ истиқомат дошт.
Дар оғози соли равон баъди хабаргирӣ аз ҳоли сокини маҳаллаи ба номи Қорираҳмат Қурбонов, кӯчаи ба номи Қосим Собиров Тоҷӣ Турсуноваи 83 сола ва фарзанди ягонаи ӯ Муродҷон Турсунов, ки ҳар ду чун шахсони имконияташон маҳдуд дар қайд меистанд, Раҷаббой Аҳмадзода ба масъулини мақомоти маҳаллӣ супориш дода буд, ки барои бунёди хонаи нав ва таъмири манзили истиқоматии ин оила чора андешанд.

Муфассал... Шарҳ додан

Аёдати қаҳрамони меҳнат ва омӯзгорони барӯманди шаҳр

22 Сентябр 2015

Дар арафаи таҷлили рӯзҳои таърихӣ ва миллӣ аёдату хабаргирӣ ва кӯмаки шахсони барӯманду ниёзманд ба ҳукми анъана даромадааст.
Раиси шаҳри Хуҷанд Раҷаббой Аҳмадзода ва вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Турсунова чанде аз собиқадорони меҳнати шаҳри Хуҷандро аёдат намуданд.
Сараввал онҳо ба манзили Қаҳрамони Меҳнати Сотсиалистӣ Ҳамроҳ Тоҳирова омаданд. Ин зани қаҳрамон бо самимияти хоса меҳмононро қабул намуда, барои эҳтирому ғамхорӣ ба Президенти Ҷумҳурии Тоҷикистон Эмомалӣ Раҳмон ва мақомоти маҳаллӣ сипосмандӣ намуд. Раиси шаҳри Хуҷанд Ҳамроҳ Тоҳироваро бо Иди Қурбон табрик намуда, тӯҳфаи хотиравӣ ва кӯмаки яквақтаина иборат аз маводи озуқа ба номбурда расонд.

Муфассал... Шарҳ додан