АсосӣБойгонӣ

Навгонӣ

Тағироти кадрӣ дар сохтори Мақомоти иҷроияи ҳокимияти давлатии шаҳри Хуҷанд.

15 Июл 2014

Дар Мақомоти иҷроияи ҳокимияти давлатии шаҳри Хуҷанд якчанд тағийроти кадрӣ ба амал омадааст.
Аз санаи 14 июли соли равон тибқи Амри Раиси шаҳри Хуҷанд Раҷаббой Аҳмадзода ба вазифаи мудири Шуъбаи рушди иҷтимоӣ ва робита бо ҷомеаи Дастгоҳи Раиси шаҳри Хуҷанд, тариқи озмун Каримов Мирзоқосим Мирзокаримович таин гардид.
Ҳамчунин аз санаи номбурда Мавлянова Муяссар Олимовна ба вазифаи сармутахассиси шуъбаи рушди иҷтимоӣ ва робита бо чомеа, Абдуллоев Муҳидинхон Баховаддинович ба вазифаи сармутахассиси Шуъбаи кор бо маҳаллаҳои Дастгоҳи Раиси шаҳри Хуҷанд, таин карда шуданд.
Дар интиҳои ҳафтаи гузашта бошад, Набиҷон Иброҳимзода дар вазифаи директори Шабакаҳои барқи шаҳри Хуҷанд ва Исоев Порсо Садриддинович дар вазифаи Сардори корхонаи фурӯши барқи шабакаҳои барқии шаҳри Хуҷанд ба фаъолият оғоз намуданд.

Шарҳ додан

Раиси шаҳри Хучанд аз кӯчаи ба номи Р. Ҳоҷиев дидан намуд.

(2 овоз, миёна 5.00 аз 5)

14 Июл 2014

Имрӯз Раиси шаҳри Хуҷанд Раҷаббой Аҳмадзода дар ҳамроҳии муовинони худ Иброҳим Иброҳимов, Маҳмадӣ Давлатов ва роҳбарони якчанд сохтору идораҳои дахлдори ободонӣ, манзилию коммуналӣ, таъминоти об аз вазъи ободонӣ гулкорӣ ва чароғонкунии маҳаллаи «Суғдиён» (собиқ маҳаллаи 19 ва 18-ум) дидан намуд. Дар кӯчаи ба номи Рифъат Ҳоҷиев якчанд марказҳои савдо хизматрасонӣ ва дилхушкунӣ ҷойгиранд.
Раиси шаҳри Хуҷанд ба идораҳои дахлдор бобати беҳтар намудани вазъи кӯча,хусусан тозагию ободонӣ дастур дода,таъкид намуд,ки кормандони идораи хоҷагию коммуналӣ бояд ҳамарӯза бо сокинони маҳалла бобати тозаю обод нигоҳ доштани кӯчаю маҳалла ҳамкорӣ намуда, тариқи ҳашар тоза намудани маҳаллаҳои худро ба сокинон маҳаллаи мазкур тарғиб намоянд.

Муфассал... Шарҳ додан

Қабули навбатии сокинон аз ҷониби Раиси шаҳри Хуҷанд.

(1 овоз, миёна 5.00 аз 5)

12 Июл 2014

Дар қабули шаҳрвандон, ки имрӯз низ чун анъана аз ҷониби Раиси шаҳри Хуҷанд Раҷаббой Аҳмадзода баргузор гардид, муовинони Раиси шаҳри Хуҷанд роҳбарони воҳидҳои сохторӣ масъулини ташкилоту муассисаҳои гуногун иштирок намуданд. Шаҳрвандони синну соли гуногун ба Раиси шаҳри Хуҷанд доири таъмини қитъаи замини наздиҳавлигӣ ва масолеҳи сохтмонӣ, ҷойгир намудан дар хобгоҳ ва кӯмак барои манзили истиқоматии муваққатӣ, бозбинии музди нафақа, кӯмак барои гузаштан аз муоинаи тиббӣ ва ташхис ва ғайра муроҷиат намуданд.
Раҷаббой Аҳмадзода баробари ҷавобҳои мушаххас додан ба саволҳои сокинон ба роҳбарони воҳидҳои сохтори Мақомоти иҷроияи ҳокимияти давлатии шаҳри Хуҷанд супориш дод,ки назоратро бобати сари вақт иҷро намудани дархост ва аризаи муроҷиаткунандагон пурзӯр намоянд.

Муфассал... Шарҳ додан

Дар номгузории марказҳои савдо забони давлатӣ риоя мегардад.

(1 овоз, миёна 5.00 аз 5)

14 Июл 2014

Маҷлиси навбатии комиссияи татбиқи Қонуни забони назди Мақомоти иҷроияи ҳокимияти давлатии шаҳри Хуҷанд баргузор гардид.
Маҷлисро Раиси комиссияи мазкур, муовини раиси шаҳр Умеда Муродова ҳусни оғоз бахшида, изҳор дошт, ки Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», ки 5-уми октябри соли 2009 таҳти № 553 ба тасвиб расидааст, санади муҳими меъёрии ҳуқуқӣ ба шумор рафта, таъмини иҷрои он аз ҳар шаҳрванд ва сокини Тоҷикистон талаб карда мешавад. Забони давлатии мо, ки забони тоҷикист, аз забонҳои бою ғанӣ маҳсуб меёбад. Онро поку беолоиш нигоҳ доштан ва ба ояндагон бе қилу қол расонидан, аз ҳар яки мо, ҳуввияти миллӣ ва ватандӯстиро тақозо мекунад.

Муфассал... Шарҳ додан

Раиси шаҳри Хуҷанд дар оғози фаъолияти маркази савдои «Ризвон».

11 Июл 2014

Имрӯз бо иштироки Раиси шаҳри Хуҷанд Раҷаббой Аҳмадзода маркази савдои фурӯши либосҳои мардона «Ризвон» бо тантана ба фаъолият оғоз намуд.
Қаблан бинои мазкур, ки масоҳати 400 метри квадратиро ташкил медиҳад таи 18 соли охир истифода намешуд.
Ҳоло ба дастгирии Мақомоти иҷроияи ҳокимияти давлатии шаҳри Хуҷанд соҳибкори инфиродӣ Ғолибҷон Исломов маркази савдои замонавиии «Ризвон»-ро бо 10 ҷойи корӣ таъсис дод.
Барои омода ва мутобиқ намудани бинои мазкур ба маркази савдои замонавӣ соҳибкори номбурда зиёда аз 800 ҳазор сомонӣ маблағ сарф намуда, тамоми намуди либосҳои мардона ва кӯдакона барои мизоҷон пешниҳод карда намудааст.
Раиси шаҳри Хуҷанд Раҷаббой Аҳмадзода дар мавриди таъсиси коргоҳи дӯзандагии либосҳои мардона дар назди мағоза ба саҳмдорони маркази савдо пешниҳод намуд.